الست ام جابر!!!!!!!!!!!!!!!!!!!!!!!!

[ايسل]

ام جابر

دكاني في البلد جنب بيت ام جابر. ام جابر كل يوم جلسه علي سلم البيت وعينيها علي اخر الطريق , لا اعرف ان كانت ام جابر تذهب الي النوم ام انها تعيش علي سلم البيت , فانا افتح الدكان في الصباح وام جابر جلسه في مكانها واغلق الدكان وهي علي وضعها.
سالت مين ام جابر ومين جابر, سمعتني ام جابر ونظرة الي وقالت جابر, جابر ابن عمري ابن بطني حلم عمري, اللي حلمت بيه سنين. جابرانا اللي سميته علشان ربنا جبر خطري بيه. جابرلما اتولد وقبل ما يمشي ابوه مات واصبح يتيم. وبقيت انا امه وابوه وبقيت اخاف عليه من الهوى الطاير, جابر انا كنت اخذ بيده واحاول امشيه وكان لما يقع او تلمس الارض ايديه, كان قلبي يقع من ميت سما بس كنت دايما بسمي عليه.
ولما قالوا حيدخل المدرسه جريت واشتريت له المريله وشنطه وجزمه وقلم وكراسه, ورحت معه المدرسه وصلته لحد الباب ووقفت انتظر خروج جابر اخرالنهار وفضلت ست سنين وانا علي هذا الوضع لحد مدخل جابر الاعداديه واول يوم وصلته قلي جابر روحي باامه انا كبرت وحارجع لوحدي, خفت عليه بس في نفس الوقت فرحت الولا كبر وبقي راجل وحيرجع لوحده,
ونجح جابر ودخل الثانوي وقلت خلاص قربت ثلاث سنين وبكره يدخل الجامعه ويبقي استاذ وكل اهلي في الحارة يفرحوا بيه معايا والحمد لله مرت السنين ودخل جابر كلية التجاره ومش حاقول لك علي التعب والشقي اللي شفته علشان اوفر له مصاريف الكتب والهدوم.كل سنه ام جورج تعمل جمعيه وكانت عارفه ظروفي كانت تقبضهالي الاول .
ومرت السنين وجاني جابر يجري عليه ويبوس ايديه ويقول نجحت ياامه خلاص حاقدر ارد شويه من تعبك عليه. ضحكت وقلت له تعب ايه كل تعب السنين اليوم اتنسى الحمد لله اني عشت وشفتك استاذ محاسب ادالدنيا, ووقفت وسط الحاره ازغرت وارقص مع احبابي, وفجاءة طلع لي الولا حسين ابوالعريف قلي عقبال ما يخلص جيش, سمعت كلامه خطف الفرحه من جوايه جيش جيش ايه. معقول بعد ده كله لسه في جيش.
نطت الولا جورج ابن ام جورج قلي لا مفيش جيش, جيش ايه يعم حسين جابر وحيد والوحيد مايخشش جيش, قلت صحيح رد ابو جورج ايوة صحيح, قلت له احلف قلي والمسيح الحي مايخشش جيش ردت روحي تاني جوايا ورجعت تاني الفرحه لقلبي وكانت ليله حلوة جميله من سنين مفرحناش والفرح اهو جانا.
وفي يوم جاني جابر يجري فرحان وقالي خلاص اتحلت ياامه جلي عقد عمل وحسافر ياامه. سفر ايه وتسبني لمين قالي اسافر يدوب سنتين اعمل قرش اتجوز بيه وابني ليه وليكي بيت وتفرحي بيه وتشيلي عيالي وننسى الفقر شويه, ما انا متخرج من سنين ومش لاقي شغل. خفت عليه وخفت اموت الامل في قلبه والفرحه في عينيه. قلت له سافر بس امانه كل يوم اكتب لي جواب تطمني فيه, قالي انا حكتب كل يوم بس ادعيلي.
ويدوب سافر قالوا الحرب قامت هناك. من يوم ما سافر ماوصلنيش منه جواب بس انا قلبي بيقول لي جابر راجع ويوم محيرجع حيلاقيني علي بابا البيت انا بستناه. بصت ليه وقالت جابر ابن عمري بقولك راجع راجع راجع.

ياه عليكى ياعظيمه

يلى صبرك صبر جبال

يلى قلبك كله حنان وامان

ما اعظم الامهات

[SCREEM]

موضوع اكتر من رائع وتسلم ايدك ويشرفني اكون اول واحد يرد عالموضوع

[معا لنصرة ديننا]

ياه عليكى ياعظيمه

يلى صبرك صبر جبال

يلى قلبك كله حنان وامان

ما اعظم الامهات

والله موضوع رائع
ولكن هذه الكلمات هي خلاصة الموضوع ومعبرة جدا عن أحوال أمهاتنا
ربي يحفظهم جميعا ويجعلنا ربنا من الباريين بهم الي يوم الدين
بارك الله فيكي أختي ايسل وفي عمرك
جزاكي ربي الجنه
وتقبلي مروري المتواضع

[rere_]

موضوع جميل تسلم ايدك

[ايسل]

موضوع اكتر من رائع وتسلم ايدك ويشرفني اكون اول واحد يرد عالموضوع

شكرا لك وانا من شرفنى مرورك واشكرك

[ايسل]

ربي يحفظهم جميعا ويجعلنا ربنا من الباريين بهم الي يوم الدين

امين يارب العالمين شكرا لردك الرائع ومرورك الكريم اخى محمد

[ايسل]

موضوع جميل تسلم ايدك

تسلمى يا قمرايه لازم اقولك قمرايه لانك من المنصوره طبعا وشرفنى مرورك

[hadede]

جابر سافر وكمان غاب

ومستنيه قلب اعز الاحباب

قلب كبير و فى حبه داب

وسنين شقى وعذاب

تسلم الايادى ايسل على هذه القصة الرائعة والتى تجسد كفاح

ام عظيمة تحية طيبة اليها والى كل الامهات

وجزاهم الله خيرا

ودمت ايسل فى حفظ الله متمتعة بالصحة والسعادة

[هشام اللول1]

تسلمي يا ايسل علي الموضوع الجميل
واللهم احفظ امهات المسلمين واسترهم ياررررررررب

بس برده انا متاكد انه جابر هيرجع
ادعوووووووووووا معاي علشان ام جابر
يارب ترجع ياجابر

ربنا يبارك فيكي يا ايسل
ودمتي متميزه وجزاكي الله خير

[قطره ندي]

موضوعك اكتر من رائع ياايسل وربنا يخلي لكل الناس امهاتهم يارب جوزيتي خير ياجميل وتقبلي مروري