العيشه واللي عايشنها

**avatar22** · 21 - 3 - 2010, 02:10 PM

انا مش هقول شعر ولا هزوق في الكلام انا هتكلم عن حال الشعب اللي دايما مظلوم في كل حاجه حتي في ابسط حقوقه انه يكون اسان ...........
يعني ان اللحمه بقت بخمسين جنيه .....عادي
يعني ايه ان رغيف العيش علشان تجيبه لازم تموت وانتا واقف في الطابور ....... عادي
يعني ايه البنزين مبقاش موجود وسعره عالي والخلق بتقتل في بعض علشانه ....... عادي
يعني ايه انك تعيش وانتا في وسط بلدك ومش حاسس بالامان ....... عادي
يعني ايه المخدرات تبقي بتتباع عيني عينك ومنقدرش نمنعها علشان خايفين .......عادي
العيب في مين فينا ولا في الحكومه ولا في مين.......
لو احنا اللي غلط طيب ليه منفكرش نحاسب روحنا الاول ونحاول نعرف احنا غلط ليه .. نقف وقفه مع نفسناونصلح روحنا بايدينا ...
لو الغلط في الحكومه نقومها .... بس مش علي حساب بلدنا واخواتنا ...... ايه الداعي اني اعمل مظاهره واكسر وادمر في مصدر رزق اخويا ولا ابن عمي ولا حتي جاري ..... ايه الداعي اني اقتل علشان يقولي عليا خد حقه بدراعه ده راجل ..... ايه الداعي اني اسرق علشان يقولوا ما اهو اتسرق وحقه رجعله .... الغلط في مين حد يقلي..... انااحترت لا السكوت نافع ولا الكلام جايب نتيجه حد يقلي نعمل ايه

**المبدع** · 21 - 3 - 2010, 03:39 PM

والله بص هو طبعا عندك حق فى كلامك
لكن مهما تقول وتعيد ومهما قولنا هنفضل كده دايما
مش هنفوق

**SCREEM** · 21 - 3 - 2010, 05:02 PM

موضوع اكتر من رائع

سلام يابلد الكلام

**avatar22** · 21 - 3 - 2010, 05:26 PM

شكرا علي الردود وانتظروا المزيد

**suzy** · 21 - 3 - 2010, 05:38 PM

سلمولي علي مصر سلمولي سلمولي علي الحابيايب وابعتولي

**هبةالله** · 21 - 3 - 2010, 06:36 PM

بص هو والله عندك حق في كل كلمه قولتها
بس الاول عرفني هتحاسب مين
وزير الماليه اللي يغلي كل حاجه
ولا الحكومه نفسها اللي سيبه كل المصايب في البلد عادي خالص
الواحد اتعود يكبر دماغه ولو اتكلمت وقلت هيقولوا هنعمل وهنعمل وهنعمل
وسلام يا بلد الكلام
شكرا علي طرحك الموضوع وجزاك الله الف خير

**ايسل** · 22 - 3 - 2010, 02:11 PM

بتسال نعمل ايه اقولك بلاش ناكل علشان مفيش عيش واحنا نستاهل احنا كترنا قوى والدوله هتلاحق على مين ولا مين
وكمان بلاش عربيات منعيش عيشة اهلنا لازم عربيات نأجر عجل ماله العجل ونقوم الحكومه ليه الحكومه زى الفل مش مقصره معانا وشايفه كل طلباتنا احنا اللى طماعين شويه
ربنا ينتقم من كل ظالم ولا حول ولا قوه الا بالله
شكرا اخى وتقبل مرورى

**هشام اللول1** · 22 - 3 - 2010, 04:29 PM

اخي الكريم
من ظني انه العيب مش في الشعب وده اكيد
والعيب في الحكومه واحنا بقا الله اعلم خوافين
اتعودنا علي كده مش عارف اقولك ايه والله
احنا عملنا كل حاجه مع الحكومه
كل يوم اضراب ويوم احتجاج ويوم وقفه جماعيه
كل حاجه اتعملت ولازم نفكر بجد نعمل ايه معهم
دي حكومه قويه ومفتريه وظالمه
ولك يوم ياظالمه ( الحكومه)
والحمد الله احنا برده عملنا اللي علينا
وربنا انا شاء الله هياخد حقنا منهم لو مش في الدنيا يبقي في الاخره باذن الله وربنا يرحمنا برحمته
اهم شئ نتق الله في انفسنا
واشكرك علي الموضوع
وسامحيني لو ردي طال

**معا لنصرة ديننا** · 22 - 3 - 2010, 06:27 PM

يااااااااجمااااعه
والله أنا للأسف مش شايفها مسألة أكل وشرب وبنزين
يا جماعه عاوز أقول ليه مش بنتكلم عن السكوت الرهيب للعرب وللحكام خاصة عن ما يحدث في فلسطين والعراق وكل بلاد الاسلام
والله لو الحكاية مسألة اكل وشرب هنصوم وهنمشي مش هنركب
لاننا بنموت كل يوم من مناظر اخواننا الذين يقطعون اربا اربا من غير ذنب وزنبهم الوحيد سكوت حكام العرب عليهم من الله ما يستحقون
يعني ببساطه يا أخوتي لو اكلنا وشربنا وركبنا السيارات ووفرت لنا الحكومه كل ما لذ وطاب هل سنكون راضيين عن أنفسنا ؟؟؟؟؟؟؟؟؟؟؟؟؟
آسف للاطاله جزاكم الله الجنة وكل المسلمين يارب العالمين

الموضوع: العيشه واللي عايشنها

أدوات الموضوع

العيشه واللي عايشنها

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة