تخيلوا لو البنات هيا اللى بتخطب الولاد ! تعالوا نشوف ...

[عفريت أفندى]

تخيلوا لو البنات هيا اللي تخطب الولاد ايه اللى هيحصل تعالوا نشوف....

تخيل كده وانت قاعد في الغرفه بتاعتك وعمال تقرا في كتاب رومانسي وخيالك سرحان مع فارسة احلامك تيجي تاخدك وهيا راكبه على السيسي الابيض
وفجأة تلاقي والدتك دخلت عليك وكانت اصلا قاعده مع الجيران
وتلاقيها بتقولك انا عاوزه اتكلم معاك في موضوع يا ابني .... طبعا هترد عليها وانت قلقان خير يا ماما؟؟؟
تقول والدتك : والله يا ابني ام محمد جارتنا عاوزه تخطبك لبنتها . وانت ما شاء الله عليك كبرت واحلويت والكل عاوزك...... ايه رأيك يا ابني ؟
ساعتها تنزل راسك في الارض وتلعب في شعرك او في شنبك وترد وانت مكسوووووف وخدودك حمرا

الرأي رأيك والشوره شورتك يا ماما لأ لأ لأ يا( مامي احسن )
ومامتك تقولك بقى : والله انا مش شايفه في البنت حاجه
ماشاء الله عليها محترمه و وظيفتها محترمه وراتبها محترم وعيلتها كمان كويسه وبعدين من الشغل للبيت ومن البيت للشغل ولا بتدخن ولا بتخرج مع البنات صاحباتها يعني من الاخر بنت كويسه اوي

انت بقى تقول لوالدتك: بس يا مامي هيا عمرها ما شافتني خالص
والدتك تقول : هيا شافتك وانت نازل من اتوبيس المدرسه بتاعك
بس يا سيدي وسألت عليك وقالولها انك ولد كويس وابن ناس
ولا بتروح تسهر بره ولا بتروح مع اصحابك تسهر معاهم في الكوفي شوبات
وقالولها كمان انك مبتخرجش الا مع ابوك
المهم يا ابني هيا وامها جايين يوم الخميس علشان يشوفوك
انت تسأل وتقول : طيب يا مامي بابي رأيه ايه ؟؟
ترد والدتك وتقول : والدك ما يعرفش حاجه هو مشغول في المطبخ وتنظيف البيت.
انت تقول : خلاص يا مامي اللي انتي شايفاه
وتخرج والدتك من الغرفه

وانت تقوم جري تقف قدام المرايا وتلف نص لفه يمين ونص لفه شمال وتشوف جسمك وتسرح شعرك وشنبك بمنتهى الدلع

وتقول : اخيرا حست بيا وخطبتني -

وقبل يوم الخميس تروح للكوافير الرجالي وتكون حاجز قبلها وتصبغ شعرك هاي لايت وتظبط حواجبك والذي منه وتطلع زي القمر في الاخر

وتيجي للبيت وتلبس البنطلون اللي السوسته بتاعته( من ورا والقميص اللي كلة كرانيش وتحط العطر الرقيق الناعم) كل ده وخطيبتك و امها قاعدين بره
وفي اللحظه دي والدك يقولك : يالله يا ابني دخل العصير لعروستك امك عماله تسأل عنك لحد ما خنقتني
وانت تقول لوالدك : يا بابي انا بتكسف مش هاقدر ادخل العصير
وابوك يقول وهو حاطط ايده على كتفك يالله يا ابني روح لعروستك هىءهىء
وانت تقول : يا بابي انت دايما تحرجني كده ...
وساعتها تدخل صينيه العصير وانت على الباب تقول احم احم وبكل ادب ورقه ودلع تقول سسسسسسلام عليكم
وترد هيا عليك بعد ما تقف وتقولك وعليكم السلام وهيا عينها هتطلع عليك
وتقولها اتفضلي العصير وانت طبعا بتقدم نوعين عصير برتقال وفراوله
وهيا تسألك ايه احلى العصير الاصفر ولا الاحمر ؟
انت ترد تقولها الاتنين حلوين
وهيا ترد طبعا عشان انت اللي عملته بأيدك
وتحط الصينيه بسرعه وتحط ايدك على فمك وتكتم الضحكه وتطلع بسرعه من الغرفه دي
وتلاقي اخوانك الولاد يسألوك شكلها ايه ؟
وانت تقوللهم : تهبل يا اخواني والله حلوه اوي ودمها خفيف

وفجأه تسمع والدك بيزغرط وبيقولك مبروك يا ابني
وتلاقي اختك العربجيه داخله من باب البيت وبتقول فيه ايه ؟
والدك يقولها وطي صوتك فيه عروسه جوه خطبت اخوكي
وترد اختك وتقول : وهيا فين شافت اخويا عشان تخطبه ؟
المهم تقوم خناقه بينك وبين اختك اللي بتغير عليك الى ان تأتي والدتك وتضرب اختك بالقلم وساعتها اختك تغضب وتسيب البيت لأهلك
المهم
تمر الايام بقى وانت عمال بتجهز في عش الزوجيه بتاعك
وفي يوم تفوت عليك خطيبتك بالعربيه وتقولك انا عازماك على السينما
طبعا انت تستأذن من والدتك
لكن والدتك رفضت انك تخرج لوحدك مع خطيبتك المهم
خرجت معاها تاني يوم عشان تتغدوا سوا في مطعم رومانسى وجميل

وبعد الغدا وانتو بتتمشوا تحاول انها تمسك ايديك وانت مكسوف وشويا شويا عاوزه تبوسك وانت تقولها لأ لأ عيب اخاف ان حد يشوفنا تبقى فضيحتي بجلاجل
المهم بقى
يوم الفرح وانت قاعد مع عروستك في الكوشه والمطرب يقولها لازم تبوسيه
وانت تتكسف اوي وتودي وشك في الناحيه التانيه
ويتم الزواج

[♥بـونـبـونـايـه سـكـره♥]

ههههههههههههههههههههههههه ههههه
كامده بكد ياوليد
توبيك كامد اخر حاجه يعنى
بس حتى لو ته حصل انا لا يمكن اروح افرض نفسى على ولد
لازم يكون هو الى عاوزنى
دمت متألق بكد ب توبيكاتك وليـــــــــــــــد

[ابو تريكه]

ع فكره

مش حلو الكلام ده ف حقنا

احنا رجاله اوى

تقبل مرورى

[عفريت أفندى]

ههههههههههههههههههههههههه ههههه
كامده بكد ياوليد
توبيك كامد اخر حاجه يعنى
بس حتى لو ته حصل انا لا يمكن اروح افرض نفسى على ولد
لازم يكون هو الى عاوزنى
دمت متألق بكد ب توبيكاتك وليـــــــــــــــد

تسلمى يا بونبون

نورتى التوبيك بمرورك الظريف و تعليقك اللطيف

تحياااااااااااتى

[عفريت أفندى]

ع فكره

مش حلو الكلام ده ف حقنا

احنا رجاله اوى

تقبل مرورى

يا عم الحج طب بس ياريت ده يحصل

ع الأقل الشقه و الشبكه و المهر و كلوا ع العروسه

يعنى هنعيش يا برنس

تسلم لمرورك الجاااااامد ده

تحيااااااااااااتى

[gongoma]

ههههههههه
ميرسى على التوبيك الجميل

[ahmedmharb]

هههههههههههههههههه نيس توبيك

[ad25ad]

وبعد الزواج

طبعا الراجل هو اللي

هايمسح

ويغسل

ويطبخ

و.........؟

ويحمل

ويولد

ويرضع

واللي يزعل او يتحير

يعمل عملية ويغير

[عفريت أفندى]

ههههههههه
ميرسى على التوبيك الجميل

تسلمى يا جونجوما

ميرسى على مرورك الأجمل

تحياااااااااتى

[عفريت أفندى]

هههههههههههههههههه نيس توبيك

نايس مرور

و يارب تدوم الضحكه

تحيااااااتى يا برنس