ماضي الفتاة!!!!! هل يهمك؟

[فيتو المهاجر]

السلام عليكم ورحمة الله وبركاته
فى البداية موضوع serag magdy
جميل جد اً وهو حقيقى حاجة ممكن تخلى الراجل فيه شوية حيرة مع نفسه
ومع عقله ففى الاول يظل الشاب فى حيرة هل هذا السؤال مبنى عليه فيما بعد
ان هذه الفتاة ستكون زوجة له او لا اى انه لمجرد انه يريد ان يعرف ...!!!
فإن كان السؤال ان هذه الفتاة ستكون زوجة له فعليه ان يدعو لها ويهيدها الى
الى الاتزان والتعقل فيما بعد حيث ان ما تفعله هذه المرأة سيكون محسوب عليه امام الله
اما ان كان موقف الشاب هو مضيعة الوقت كما هو سائر فى هذا الوقت فلا حول و قوة الا بالله
اتقى الله فيما تفعله وتعقل واعرف انك ستسأل ن ما تفعله فى عمرك صباك ومراهقتك وشبابك
وشيخك ....
ولا اظن ان الشاب الذى لا يعرف فتاة هو شاب منطوى ولا يعرف شىء وعايز يتحنجل من جديد
ويتشألط ولازم يعرف فلانة الفلانية لآنه مصر على ذلك ويحتاج الى التغير
يأخى المسلم " تعقل " تعقل " تعقل " واتقى الله فى افعالك ....
قال الله تعالى " الهاكم التكاثر حتى زرتم المقابر كلا سوف تعلمون ثم كلا سوف تعلمون كلا لو
تعلمون علم اليقين لترون الجحيم ثم لترونها علم اليقين "
" ومالكم لا ترجون لله وقاراً "
مشكووووور اخ سيراج على الموضوع الرائع ...
نسأل الله الهداية فى امورنا جميعها الكبير فيها والصغير ....

[احمد ابراهيم]

اكيد دلوقتى اى انسان عندة علاقات
وانا شخصيا مش هقبل اننا اتجوزها لوعرفت انها كانت بتحب قبل كدة
وبشكرك على طرحك للموضوع ياسراج

[أحمد عمر]

يعنى ايه ماضى البنت ??!!!
دى كلمه اصلا صعبه ع النفس جدااا.. عن نفسى طبعا يهمنى ... لو هحب فتاه او هتجوزها اكيد راح اكون واثق من اخلقها ع الاقل دلوقتى او خلال الفتره اللى عرفتها فيها ولكن دا لا يمنع ابدا المصداقيه وانى اعرف كل شئ عنها دا اقل حقوقى ولو هى عاوزه تعرف طبعا دا حقها ..لان مستعد ما دام حبيت وقررت الجواز انى اغفر كل شئ ولكن اكون عارف ..
علشان اقدر اقيم الامور كويس واقدر ارد ع اي حد واواجه بقوه واقدر كمان ارد عنها اى شئ ما دامت اصبحت شئ يخصنى فلازم اقدر ادافع عنه وعن سمعته خير بخير وسوءً بسوء..
تصور مثلا لو كان ف شئ ف حيتها وخبته عنى وبعد فتره عرفته من حد غريب او حتا صديق وطبعا اللى عملته سواء كويس او وحش عقبال ما انا اسمع به هيكون تضخم بشكل مذهل اقولك بئه ساعتها ايه اللى هيحصل؟؟..
بعتقد الاجابه واضحه
شكرا لطرحك ولكن استفذنى جداا انتشار الموضوع ف كافه المنتديات اللى دخلتها واللى ديما بتحاشى القرب منه لان بعرف ان اجابتى لازم تكون مثاليه وملائكيه ان صدق التعبير
ولكن انا بشر بحترم كونى بشر واقدس دا

[Lover Sendrella]

انا بس كنت عايزه اقؤل حاجه
ان مفيش حد محبش قبل كدا
من الصعب جدا انك تلاقى حد عمره ما حب
بس لو قصه الحب ديه انتهت فيها ايه لما ترتبطوا ببعض واكيد هى لازم تبقى بتحب الشخص
ده عشان ترتبط بيه
وانا من وجهه نظرى انه مفيش حاجه لما البنت تحب قبل لما ترتبط بحد و ينتهى الموضوع بالزواج
انا مش ولد بس ده رأيى

[ميشو مصريه]

انا من وجهه نظري اني مش مشكله ان البنت تكون حبت قبل كده وبعدين ربنا غفور رحيم يجي العبد يظلم ومش يسامح عشان هي عرفت شخص قبل كده واكيد هو عرفها كويس واتاكد من اخلاقها يبقي يسامح ويبدا من جديد

[الصـ ،، ـياد]

فى الأول أحب أشكر سراج على هذا الموضوع الجميل والحساس
ورأيى إنه ماينفعش أقبل بنت كان ليها علاقة قبل كده
وده لأنى هابقى متأثر نفسيًا من العلاقة دى لأنى
عارف إن هى كانت لواحد قبلى
وأنا بفضل اللى أرتبط بيها أكون أول واحد فى حياتها
لأنها ستكون أول واحدة فى حياتى
وده طبعًا رأيى

[yara]

مشكور يا سراج على هذا الموضوع الجميل والرائع والمهم أيضآ
بس ياريت بلاش كلمة ليها ماضى ممكن تقول كان ليها تجربة حب سابقه
وبعدين الى نفسى افهمه ليه الناس بتاخد كلمة ماضى بمعنى مش حلو طيب ما احنا بنقول ان مصر لها ماضى عريق تاريخيآ يعنى ؟! ايه
ماضى بمعنى شىء فات سواء كان حلو او مش حلو
المهم انا خرجت عن موضوعنا انا اسفه نرجع لموضوعنا
لا احبذ ان يكون للبنت تجربة حب سابقه
انا رأييى ان افضل شىء انه البنت تحاول ما تخوضش تجارب حب ولازم تعرف حاجه واحده انه الى بيحبهاهيخبط على الباب ويطلبها من باباها ومامتها مش يدخل من الشباك زى الحرامى عن طريق التليفون من ورا باباها ومامتها ولا عن طريق الجوابات
ديه مجرد وجهة نظر

[بسام الصواف]

اولا وقبل اى شىء احب اوضح انى مبسوط انى لاقيت اى موضوع لسراج على فكرة ( سراج يبقى عمى)
بص يا عم سراج انا اللى عاوز اقولهولك ان صوابع اليد الواحدة مختلفة بمعنى ان الاراء دائما ما تكون مختلفة وده معناه اننا كلنا ممكن نعطى اراء ديبلوماسية جدا وعادى بقى ( احنا فى بلد ديموقراطى) المهم انى ممكن اقوللك دلوقتى ان الماضى ده بتاعها او على حسب التجربة بس صدقنى ساعة الجد الكلام هيختلف 180 درجة ( طبعا عشان مجتمعنا شرقى ) بس فى نفس الوقت بفكر فى انى الى حد كبير انا اللى بصنع الماضى ده يعنى ممكن اكون كنت مرتبط ببنت وجاه حد تانى يخطبها وعرف انها كانت مرتبطة فهيسيبها وكدة وكملن ممكن جدا انى ما اتجوزها يبقى ايه العمل ده ذنب البنت نفسها اللى سمحت لنفسها انها ترتبط او تدخل فى علاقة قد تترتب عليها دمار لمستقبلها
اقولكم الحل اننا نرجع لربنا وكل حاجة هتبقى تمام
من الغردقة
بســـــــــــ الصواف ــــــــــــام
ملحوظة : انت واحشنى جدا يا عم سراج

[Serag Magdy]

كلام زي العسل
من ناس زي الفل والله
واللي عاجبني اكتر
ان البنات ادلوا بدلوهم في الموضوع
مش عارف انا احيانا بيطلع مني كلام غريب ليه؟
ال ادلوا بدلوهم ال
تحية الاي شخص رد ع الموضوع وناقش
تحية اكبر للزعيم ويارا اللي عجبني رأيهم برده

بســـــــــــ الصواف ــــــــــــام
ملحوظة : انت واحشنى جدا يا عم سراج

يا بركة تيجي بالسلامة يا رب
ملحوظة:-وانت واحشني اكتر والله

[حبيبة]

انا مع رأي الزعيم وفعلا علي حسب طبيعة التجربة اللي مرت بيها البنت بس الاهم بجد والله تصرفاتها هي معاك .......

طب ليه يا شباب البنت بتقبل شاب عنده ماضي واتنين وتلاتة ووانتوا مش بترضوا ببنت مرت بتجربة حتى لو بريئة؟ متقولوش مجتمع شرقي ومعرفش ايه
متهيألى ان العقاب للبنت والشاب وربنا هيحاسب البنت والشاب وبعدين بنلوم البنت ليه اكتر من الولد مش الولد ده هو اللي الاول عرض عليها حبه ...هو فعلا محدش ضربها علي ايديها عشان تقبل الحب ده بس اه منكم ياشباب عليكوا طريقة تحسس البنت انك انسان مثالي في حبك ليها وانك صادق في كلامك وبطبيعتنا عاطفيين عنكوا يعنى لازم تتحاسبوا اكتر مننا لانكوا اعقل منا لكن للأسف العقاب للأضعف اللي هو احنا.. بس بجد في بنات برضه تستاهل العقاب
( وماضى عن ماضي يفرق ) ولا ايه؟