ماضي الفتاة!!!!! هل يهمك؟

[Serag Magdy]

ماضي الفتاه هل يهمك

المجال مفتوح للجميع

$$ماضي الفتاه هل يهمك ؟؟؟ دعوة للمشاركة $$

هلا بالجميع
هذا الموضوع موضوع نقاااش

الجميع يشاركوا فيه وابداء الرأى

ماضي الفتاه هل يهمك ؟؟؟
اتمنى من الشباب الاجابه ويمكن للفتيات ابداء الراي

لو حبيت تخطب بنت علشان معجب باخلاقها ..

وفيها وفي نظرك انها جميلة..

و هيا البنت اللي تتمناها تكون زوجتك..

لكن عرفت انها كانت تحب واحد وانتهى هذا الحب..

ياترى تتزوجها؟

والا عشان كانت لها قصه غراميه من قبل مش من الطبيعى انك تقبلها وتتراجع عن الزواج.

و تغير رايك فيها..

والا تنسى ماضيها وتبدا معها قصه حب جديده ..

الرجاء المناقشه الجاده وبدون اية مجاملات

SERAG MAGDY

[ذكريات]

انا مش شاب علشان احكي رأيي
بس موضوع مميز ونايس
وعلى ما اعتقد انو ماضي الفتاه بيختلف من قصة حب او تجربه عاشتها او ماضي مختلف وأوووفرر

يعني بتختلف النظريه والموقف نفسه ومن شخص لشخص
ومن تجربه لتجربه اخرى

يسلمو

[TiMo0oR]

يا ميدو سراج بيقول تقول رايك مش تكتب مشكور



بص بقى يا سراج
طبعا ماضى البنت اللى انا هرتبط بيها يهمنى لازم اعرف عنها كل حاجه و اذا كانت حبة قبل كده ولا لا
و ايه كان سبب انفصلهم

بس ده ميمنعش اذا كانت البنت حبت قبل كده يبقى اسبها

لا عادى ازى ما انت بتحب هى كمان بتحب

[MagMan]

ماضي البنت او الولد ده شيء يخص صاحبه لا يخص الاخرين
والموضوع جامد

[AhMeD El-Za3eEm]

المـــــــوضوع رائــع يا ســراج و مهم جــدا
و فعلا يسرني إني اشارك في موضـــوع زي ده

في الأيام اللي احنا فيها دلوقتي
يعني بتبقي النسبة الي حد ما قليلة اللي م خاضتش تجربة قبل كده
فخلينـــا حنتكلم عن الفئـــة اللي كان ليها تجــارب قبل كده

أولا الانســـان مننـا بيحب و يفضل و دي غريزة طبيعية عند الإنســان
إنه اللي حيرتبط بيها أو العكس ميكنش مــر في أي تجربة من أي نوع
و دا عشــان بشكل غير مباشر إن الانســان يرضي غــروره اللانهائي

أكيــــــد طبعا و أنا بأؤكدلك .. مهما كان الانسان متفتح
أكيــد حيضايق و لو بنسبة صغيرة من ان شريك حيــاته كان ليه تجربة قبل كده
و في الحالة دي بينقسم التصرف لــ 3 أنــواع:

1. النوع الأول للأسف المـــوضوع بيخلص ما بين الشريكين دول .. و بتكتب علي جبين كل واحد فيهم
"مــر بتجربة فاشلة" مع ان هو ده السبب اللي مثلا الراجل ساب خطيبته أو هكذا
و دلوقتي بقي في سجلــه تجربة فاشلة هو كمــان.

2. النوع التاني بيبقي فيه تزمت من الراجل و شد أعصـاب و أسئلة كتيــرة
و الراجل يحط شــروط ... و طبعا دا كامل حقـــه، إنه يصون عرضه.

3. النوع التالت و اللي بيتقبل فيه الرجل الأمــــر و يقول "محدش بيتعلم بالساهل"
و يبقي في مخه فكــرة إن الانسان بيتعلم من غلطه.

أنــــا بقي من النــــوع التـــالت
:: بس علي حسب حبــه شــروط ::
1. إن التجربة مكنتش (مبــالغ) فيها و دي مش محتاجة توضيح.
2.إذا كــان شريكة حياتي لســه متعلقة بالموضوع السابق.
و يعني شــوية حاجات علي هذا المنــوال

شكــــرا تاني يا سراج علي الموضوع
و أتمني إني أكــون وضحت الموقف كويس

[طيف عابر]

حلوة اجابة الزعيم

فعلا حسب نوع التجربه يعنى احيانا بكون حب مراهقه رسائل ونظرات من بعيد لبعيد يعنى بصراحة هبل ويمكن المعظم جربه واحيانا بتكون قصة حب غبيه عالنت واحيانا حب وهون الماساة حب مع تجاوزات وهاد ولا شب بيقبله

بالنسبة للبنات ما بعرف ليش بكون عادى انه خطيبها كان بحب قبلها وانا بشوفه عادى جدا للشب وغير مقبول للبنت رغم انه الشب كمان بكون عنده تجاوزات

شكرا كتير

[AhMeD El-Za3eEm]

حلوة اجابة الزعيم

فعلا حسب نوع التجربه يعنى احيانا بكون حب مراهقه رسائل ونظرات من بعيد لبعيد يعنى بصراحة هبل ويمكن المعظم جربه واحيانا بتكون قصة حب غبيه عالنت واحيانا حب وهون الماساة حب مع تجاوزات وهاد ولا شب بيقبله

بالنسبة للبنات ما بعرف ليش بكون عادى انه خطيبها كان بحب قبلها وانا بشوفه عادى جدا للشب وغير مقبول للبنت رغم انه الشب كمان بكون عنده تجاوزات

شكرا كتير

ميرسي يا طيــف بس فعلا هي دي الحقيقة
بالنسبــة للسمــاح بالشاب و عدم السمــاح بالبنات
إن الموضــوع أكبــر مننـــا كلنـا .. بما ان احنــا في الشرق
و عادتنا و تقاليدنــا هي طريقنــا و قوانينا اللي بنمشي عليها
و بمــا إن المرأة عندنــا حاجة مقدســـة و قيمـــة .. فلا يفضل إن يبقي علي المرأة اي كلام
من حيث تجارب أو اي كلام من النوع ده
أمــا بالنسبة للشــاب .. فدي محتـــــاجة وقت طويل أوي للشرح
شكــرا تاني يا سراج

[العوامى]

شكراً ياسراج على الموضوع والأراء الجميلة للزعيم وطيف
بالنسبة لية انا رافض تماما ان البنت يكون ليها علاقة سابقة أياً كانت نوع العلا قة
اللى انا مقتنع بيه ان المرأة عبارة عن جوهرة ثمينة وهى أمانة فى ايد ابوها اللى يحافظ عليها كويس لحد مايوصلها
لجوزها اللى بدوره هيصونها مش يهنها لأنها عرضه وشرفه
أتمنى اكون مش ببالغ
بس دة رأيى

[mido3d]

بس ياسراج بالنسبة ليه احنا عيشين في مجتمع شرقي يعني من الاخر العيار اللي ميصبش يدوش
اكيد فهمتني

[AYOOOOOYA]

طبعا احب أأول ان الموضوع هايل يا سراج

و انا احب اوضح حاجه الاول هو الولد اللى ليه تجربه ده كان ليه تجربه مع ميين ؟؟؟

مش مع بنت ليها اب و اهل بردو و اخ بيخاف عليها

طب انت طالاما كده كده مش بتفكر انك ممكن ترتبط بيها رغم انها محترمه اوى

بس انت عشان طبعا أ,لتلها انك بتحبها اوى و هتكسر الدنيا عشان خاطرها و هتتقدم لها

و بالتالى هيه وافقت ان تكونو اصدقاء

يبأه ميين اللى خلى للبنت دى ماضى ؟؟؟

مش انت بردو ياللى مش راضي تبأه لمراتك ماضي

ليه خليت اللى هتبأه مرات غيرك انت ماضيها ؟؟؟؟

::::::::::::

نيجي لناحية تانيه و اللي هيه وجهه نظرى بأه

ان كل بنت تحافظ على نفسها

و كل ولد يتقى الله

لأن مش لطيف ابدا ان البنت تتمشي مع حد أبل الجواز و كده

فعلا اظن ان احلى حب اللى مبنى على الجواز

:::::::::::::

بس هنيجي و نأوول طب دلوأتى

انت حبييت واحده و اكتشفت انها حبت أبل منك

طب انت بتحبها و هيه بتحبك و لو مكنتش بتحبك مكنتش وافقت علييك

يبأه تعدى الموضوع طالاما ان البنت كويسه و اهلها ناس كويسين و معروفين بسيرتهم الكويسه

و اتأكد ان بعد ماعرفتك مش هتبص لحد غيرك لأنك انت اللى احترمتها و جييت من الباب

فعمرها ماهتفكر فأى حد تانى ل قبلك ولا بعدك

لأن مش من طبيعتها و لا معروف عنها انها بنت مش كويسه ولا ايه ؟؟

:::::::::::::::

اصل انت لو بصييت انك تتجوز واحده تعرف عنها كل حاجه

و جرانهم مين و بتاع الفول اللى بيجيبو منو اسمو ايه

يبأه تتجوز واحده من عيلتك بأه و بردو مش هتعرف عنها كل حاجه

بص البدايه و النهايه طالاما البنت بأت معاك كويسه و من يوم معرفتها معملتش حاجه تزعلك يبأه ايه المشكله ؟؟

و ربنا بيسامح البشر

يبأه احنا البشر مش هنسامح البشر

و طبعا دى وجهه نظر و ان كانت تحمل بعض الاخطاء فاعذورونى