بــنــــت الجــــــــيــــران

**~~X\x/X 7o00odA X\x/X~~** · 3 - 4 - 2010, 05:50 PM

الحكاية بتبدأ من حوالى سنتين....العفش بينزل من على عربية
النقل...و انا واقف فى البلكونة.. وبسأل امى (اللى كانت واقفة تنشر
الغسيل): هو فى حد هيسكن هنا ولا ايــه يامـي؟قالتلى اه يا حبيبى دى
الشقة اللى قصادناقلتلها ويا ترى عرسان جداد ولا عيلة وبتعزل؟قالتلى
والله يابنى مانا عارفةقلتلها طيب.. يا خبر انهارده بفلوس.. بكرة يبقى
بفلوس اكتر..و بعد أسبوع......أمى واقفة بتنشر الغسيل بردو..
وانا واقف جنبها بردو.. وبتقولى: مش السكان الجداد وصلوا خلاصقلتلها يا
شيـــــخة!قالتلى: اه.. مرات الراجل عدت عليا انهارده وسلمت عليا
وعرفتنى بيهمقلتلها: ايــه بقى عرسان جداد؟؟قالتلى لا دول أسرة..
عندهم ولدين وبنتقلتلها خير.. خير.. (والشر بيبظ من عينيا)و
أثناء الحديث الشيق ده..طلعت مامت الولاد م البلكونه.. ولما شافت أمى
هزت راسها - بتسلم على امى يعنى -.. وطبعا أمى ردتلها الهزة - بترد السلام
يعنى -و بعدين طلع ولد صغير ابتسم لنا اول ما شافنا....أصل
البلكونة فى وش البلكونة ... بس باين عليهم ناس طيبين اوى...المهم..
الأم ندهت لبنتها...الحقيقة انا كنت أول مرة فى حياتى أسمع الاسم اللى
هى ندهت به..أول مرة أعرف ان فى بنت اسمها كده أصلا...الام
بتنده: يــــــا روفيدة (على وزن بثينة , بضم الراء يعنى)اسم جامد
مووووووت... عجبنى الاسم اوى... وبدعى ربنا تكون رُفيدة حلوة زى اسمها..و
طلعت روفيدة من ورا الستارة فـى حركة Slow Motion من بتاعة الافلام..و
انا متنح تتنيحة سوده... روفيدة طلعت احلى من اسمها.. جميلة جمال لا
يوصف... ناصعة البياض..مش قادر ارفع عينى من عليها.. مينفعش ارفع عينى
من عليها اصلا...فضلت متنح لحد ما شافتنا انا وامى..لما شافت امى
ابتسمت لها..و لما شافتنى زى ما تكون شافت عفريت ودخلت على جوة
جرى...و تمر الأيام..و مشكلتى ان البلكونة بتاعتنا تدخلها
من اوضتى.. عشان كده فى الرايحة والجاية ابص اشوف روفيده واقفة ولا لأ..ساعة
ما الاقيها واقفة.. اطلع البلكونة..مرة اعمل نفسى بتكلم فى التليفون..
او بشم الهوا مثلا - مع إن الدنيا تراب وعفرة -او بلعب عشر ضغط.. اى
تلكيكة والسلام الغريب انها كانت فى الاول لما تشوفنى تروح داخلة جرى
على جوة..لكن بعد فترة لاحظت انها مكانتش بتدخل اول ما تشوفنى.. وكانت
بتفضل واقفة هى كمان...بقيت فى عز الشمس اقف.. لحد ما اعرق واجيب
جاز.... فى عز البرد واقف بتكتك م البردواقف بالساعات مدام روفيدة
واقفة... ارمى نظرة.. ابتسامة.. أشاورو كانت هى بتكتفى بالابتسام
وعلامات الخجل...و ف يوم من ذوات الايام..بشاورلها.. شاورتلى بقيت
هطير م الفرحة.. روفيده شاورتلى يا جدعان...قعدت اطنطط ع السقف وأغنى
وحياة قلبى وأفراحه..و هبا إيـه هبا أاه.. إن شاء الله هنظبط امتى
بقى اتكلم معاها ونهظر سوا...لحد ما جه اليوم...انا راجع م
الكلية.. وعلى اول الشارع شفت أمى واقفة مع مامت روفيده..و المفاجاة:
روفيده واقفة معاهملقيت نفسى بجرى زى شخصيات الكرتون.. نصى التحتانى
بيجرى قبل نصى الفوقانى تشووووووووو...لحد ما بقيت عندهم.. عرقان طبعا
وبنهج وحالتى حالة...نزلت عليهم زى الباراشوط..ازيك ياماما.. ازيك
يا طنط عاملين ايه...و بصيت لرٌفيدة.. كانت بصالى وبتضحك..كانت زى
القمر اليوم ده.. ولابسة تى شيرت حمالات - اصل الجو كان حر اوى اليوم ده -قلتلها:
ازيك يا روفيده؟!و كان رد فعلها غير متوقع بالمررررة... كان صدمة
حقيقية بالنسبة لى..لقيتها بتمد ايديها وبتسلم عليا...و بتقولى:
الحمد لله.. ازيك انت؟؟!رحت مسلم عليها....و قلتلها: الله يسلم
قلبك يا روح قلبى..و رحت بايس ايديها....و رحت شايلها...........و
قلتلها: انتى عندك كام سنة بقى؟؟قالتلى عندى 3 سنين رحت
بايسها تانى وانا هطير م الفرحة وفضلنا نلعب ونضحك ونهزر... لحد ما مامتها
شالتها وطلعوا البيتو من يومها وانا وروفيده اصحاب... كل ما تطلع
البلكونه نلعب ونهزر مع بعض
تعيشو وتاكلو غيرها

**ايسل** · 3 - 4 - 2010, 06:23 PM

هههههههههههههههه
ههههههههههههههههههه
ههههههههههههههههههه
تتربى فى عزك مررتنا بالشتا والصيف جوا بعض
يا اخى حرام عليك لا بس جامده
تسلم حوده وربنا يخليلك روفيده تلعب معاها

**_EVE_** · 3 - 4 - 2010, 06:37 PM

هههههههههههههههههه
يسلمو على المقلب دا

**مصطفى ابوليله** · 3 - 4 - 2010, 07:00 PM

ههههههههههههه ههههههههه ههههههه هههه هه ه

والله جامده اوى وربنا يخلهالك
قال ايه وانا اتشديت قوى وفالاخر يطلع هههههههههه
مشكور يا حوده على المقلب الجامد ده
وتقبل مرورى

**عفريتـــة هانم** · 3 - 4 - 2010, 07:07 PM

هههههههههههههههههههههههه
ههههههههههههههههههههههه
هههههههههههههههههههههه
مقلب جامد حودا
مشكووووووووووووور

**~~X\x/X 7o00odA X\x/X~~** · 3 - 4 - 2010, 08:06 PM

المشاركة الأصلية كتبت بواسطة ايسل

هههههههههههههههه
ههههههههههههههههههه
ههههههههههههههههههه
تتربى فى عزك مررتنا بالشتا والصيف جوا بعض
يا اخى حرام عليك لا بس جامده
تسلم حوده وربنا يخليلك روفيده تلعب معاها

هههههههههههههههههههههه
اى خدعه تعيشى وتاخدى غيرها
نورتى التوبيك يا قمر ليكى وحشه والله
شكرا لمرورك الجميل ده

**~~X\x/X 7o00odA X\x/X~~** · 3 - 4 - 2010, 08:08 PM

المشاركة الأصلية كتبت بواسطة _EVE_

هههههههههههههههههه
يسلمو على المقلب دا

ثانكس امانى على مرورك الجميل ده
نورتى التوبيك يا قمر

**~~X\x/X 7o00odA X\x/X~~** · 3 - 4 - 2010, 08:09 PM

المشاركة الأصلية كتبت بواسطة مصطفى ابوليله

ههههههههههههه ههههههههه ههههههه هههه هه ه

والله جامده اوى وربنا يخلهالك
قال ايه وانا اتشديت قوى وفالاخر يطلع هههههههههه
مشكور يا حوده على المقلب الجامد ده
وتقبل مرورى

ههههههههههههههههه
تسلم يا درش على مرورك الجميل ده
نورت التوبيك يا باشا وتعيش وتاخد غيرها

**~~X\x/X 7o00odA X\x/X~~** · 3 - 4 - 2010, 08:10 PM

المشاركة الأصلية كتبت بواسطة عايشة لنفسى

هههههههههههههههههههههههه
ههههههههههههههههههههههه
هههههههههههههههههههههه
مقلب جامد حودا
مشكووووووووووووور

ميرسى يا مرام يا قمر نورتى التوبيك كله يا جميل
شكرا لمرورك وتعيشى وتاخدى غيرها

الموضوع: بــنــــت الجــــــــيــــران

أدوات الموضوع

بــنــــت الجــــــــيــــران

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة