قهوتنا على الانترنت
ابحث عن :  
صفحة 1 من 2 12 الأخيرةالأخيرة
النتائج 1 إلى 10 من 12
  1. #1
    تاريخ التسجيل
    14 - 9 - 2009
    ساكن في
    السعوديه حاليا
    العمر
    40
    المشاركات
    3,683
    مقالات المدونة
    22
    النوع : ذكر Egypt الفريق المفضل  : الاهلي

    افتراضي لو سمحتوا ..... هي مصر زي ما هي كده ولا حصل تغيير ...!!!!!




    مصر التي أعرفها أحبها في السر وأنقدها في العلن.
    أخاف أن تعرف أنني أحبها لهذه الدرجة من العشق فأخسرها، فربما تكون غير
    مستعدة لعلاقة حب جديدة بينها وبين واحد من أهلها، لاسيما وأن كل علاقات
    الحب التي دخلت فيها تركت في جسدها وتاريخها آثاراً وندوباً وجروحاً لا
    يبدو أنها ستندمل يوماً، ومع ذلك تبتسم مصر ولا تظهر ألمها مهما حدث.
    تبدو مرفوعة الرأس، مصلوبة الظهر أمام الجميع رغم أنها تعاني من (الأتب).
    تقف شامخة وهي تخبئ عكازها بحيث لا يراه أحد مهما شعروا بوجوده.

    مصر هي (الصبح بدري).
    آذان الفجر ومحاولات الاستيقاظ وتحدي الشيطان، والتسبيح بصوت هامس وانت
    نازل على السلم خوفاً من (العاووو) الذي لا تؤمن بوجوده لكنك تخاف منه.

    مصر الناس التي تنزل من بيوتها بعد قرآن السادسة والنصف لتقف على أقرب
    عربية فول وتضرب الفول بالزيت الحار.الفول مسمار البطن، ووجبة الفقير
    والغني التي اتفق الجميع عليها في مصر، و"حط شوية طحينة زيادة".."طب هات
    لمونة".."فين المخلل؟".."رغيف صابح يا ابني".."كوز المية فين يا
    عم".."الحمد لله".. "حسابك كام يا حاج"؟.
    مصر الولد البرئ الصغير الذي ينام فوووووق في أعلى قمة البرسيم الذي
    تعب في رصه على العربية الكارو في الفجرية. النوم على البرسيم في الصباحات
    الجميلة أحلى من النوم على ريش النعام، والهواء لم يلوث بعد، والسماء
    الصافية لدرجة تجعلك تشعر وكأنك سترى الله لو دققت النظر. تولد الشمس
    شيئاً فشيئاً والولد على البرسيم يفتح عينه ويدعو بكل شئ..بالرزق الوفير،
    والستر، وطولة العمر، ودوام الصحة ، والزوجة الصالحة، وكل شئ لا يمل من
    الدعاء به مهما تأخرت الإجابة .

    مصر طفل المدرسة الذي تتشاجر معه أمه لإيقاظه، ثم تتشاجر معه ليأكل
    الساندوتش، ثم تتشاجر معه ليشرب اللبن، فيتشاجر معها لأن (البقسماط) خلص،
    وهو يجب أن (يسقٍّي) البقسماط في اللبن أو الشاي أبو لبن، ولا يقتنع إلا
    بعد أن تصالحه أمه ببسكويت (نواعم)، لتوصيه قبل أن ينزل الوصايا المائة
    للأم المصرية، والتي تبدأ ب(إوعى حد يقولك تعالى اوديك لبابا وماما تروح
    معاه)، ولا تنتهي ب( ما تخليش حد يشرب من زمزميتك)، بل تمتد إلى (خلي بالك
    من نفسك)، وتنتهي مؤقتاً بأن تقول الأم "لا إله إلا الله"، فيرد الابن وهو
    يبتسم ابتسامته التي تختصر الكون كله "محمد رسول الله".

    مصر البنت العسولة ام ضحكة تجنن.أول ضفيرة. أول بوسة على خد بابا و
    ماما.أول (توكة) بتشتريها.فرحة هدوم العيد.فركة عنيها من المية ساعة
    الحموم. تسريحة شعرها الطويل و(القُصَّة). الطوبة التي ترميها وهي تحجل
    على قدمها وتلعب (الأولى). مساعدتها لأمها في غسيل (المواعين). مسكها
    للمشابك وامها "بتنشر الغسيل"، ووقفتها أمام المرآة وهي تلعب بعلبة
    الماكياج. ملاعبة القطة والطبطبة عليها رغم تحذير الأم من الأمراض. حضنها
    للكراريس وهي رايحة الدرس. ابتسامتها بعد أول معاكسة، وخوفها وارتجافها من
    أول كلمة (بحبك). حلمها بفارس الأحلام، وبأن تعمل مضيفة طيران تلف الدنيا
    بحثاً عنه.

    مصر الولد الشقي. الصفعة على وجه بابا وماما على سبيل الهزار.الجري
    وإفلات إيد من يمسكها، والتنطيط على السلم، وكسر زجاج الشباك بشوطة الكورة
    القوية.الشبطة في البوزو والشيبسي وشيكولاتة جيرسي وعصير المانجو أبو
    شفاطة.التأخير في المدرسة والمريلة (المبقعة).اللعب في الشارع.معاكسة
    البنات.صيادين السمك، والسبعاوية، ومصر سوريا، وقفاشة الملك، وتيرو،وشد
    الكوبس.. كهرباااا، وتريك تراك وأول يوم صيام في رمضان، وفرحة صلاة
    الجمعة، وعذاب الثانوية العامة، و"ما تقراش وانت نايم"، و"ما تقربش من
    التليفزيون عشان عينك"، و"ذاكر وحل عشان تجيب مجموع". (ربكة) مكتب
    التنسيق، والكلية التي لا تحبها ثم تبكي وأنت تتخرج منها.

    مصر الارتباط و(بحبك). أول بوسة، وجنينة الأورمان، وكوبري
    قصر النيل ،و"اشتري الوردة دي مني يا رب تتجوزها".

    مصر القايمة والعفش والاتفاق، و"هاخدها بشنطة هدومها"،
    و"احنا بنشتري
    راجل"، و"احنا نجهزهالك ونوديها لغاية عندك.. هتكتب المؤخر كام بأه"؟!!.

    مصر طابور المدرسة، وتحية العلم، و"بلادي بلادي"، و"مصر يا أول نور في
    الدنيا شق ضلام الليل"، والتي حولناها لـ"بيتنا يا أول بيت في الدنيا دخله
    حرامي بالليل".
    مصر رحلة جنينة الحيوانات، وحديقة الأزهر، وجنينة الأسماك،
    ومتحف الشمع، والكبريتاج وبانوراما اكتوبر.

    مصر السياحة، والفسح، وركوب الحنطور، و"كرباج ورا يا اسطى"، وبمب
    العيد، وسعد نبيها التي هي (سعدنا بيها) في أغنية أهلاً بالعيد لصفاء ابو
    السعود؛ لأن مفيش نبي اسمه سيدنا سعد.

    مصر الكورة، و"أخير اجوان"، و"الجون مغازل"، و"اللي يخرج من جونه
    يتكسر". "خروقة يا كابتن"."باصي يا أناني"."الأهلي حديد"."يا زمالك يا
    مدرسة". "العب جتك نيلة ع اللي قلك العبها".حلم كاس العالم، وحسام حسن،
    وحسن شحاتة، وشحاتة ابو كف، وكف ريكاردو لجمال حمزة في الماتش، وماتشات
    الأهلي والزمالك، و"بيبو وبشير بيبو وبشير بيبو والجون"، والحكام الأجانب،
    وماتش الأهلي مع الاسماعيلي في الاسماعيلية، والشماريخ، و"اللي يخاف
    يروح"، و"بورسعيد المدينة الباسلة"، و"المصري بيكرهك يا أهلي".

    مصر الصحاب والجدعنة، و"الجري نص الجدعنة واحنا جدعان أوي"، و"الندالة
    ليها ناسها"، و"قليل الأصل ما يلزمناش"، و"قليل البخت يلاقي العضم في
    الكرشة".
    مصر (المعايرة)، و"بطل يا اهبل"، و"اتقي شر كل من اقترب من الأرض،"
    و"انا مش قصير قزعة أنا طويل واهبل"،و"يا تخين يا ابو كرش"، و"يا ابو اربع
    عيووون""، و"واحد اتكبس دمه اتحبس..طق مات"، و"كبسة كبوسة واللي يكبسني
    يبقى جاموسة"، و"افتحولي الباب ده..الجاموسة والدة"،و"بريللا بريللا
    بريلليلااااا"، و"خلاااااويص...لييييسسسسة".

    مصر الزوج والزوجة . ناقر ونقير. خناقة "انتي كنتي عند امك النهاردة
    ومسلطاكي عليا"، وإهانة "بس يا ابن امك"، والسؤال الأزلي: "بتحبني زي زمان
    واللا لأ"؟.خناقة الماتش والتمثيلية.وخناقة "الأكل اتأخر ليه"، و"الملوخية
    مش مظبوطة"، و"الرز معجن"، و"اللبس ما اتكواش ليه"، و"فين الشراب"،
    و"ماغسلتيش ليه امبارح بدل الرغي في التليفون"، و"تعالى ساعدني عشان تقدر
    انا بتعب قد إيه"، و"قوم هات كوباية مية لنفسك يا سي السيد"، و"هو انا
    الجارية اللي ماما جابتهالك"، ومصالحة "ماهو انت بتزعقلي كتير يا حبيبي"،
    وبوسة قبل النوم، وليلة الخميس القومية، والصحيان وخري يوم الجمعة بحجة
    انه عشان أجازة.

    مصر الفرحة أمام السونار قبل أول ولادة، وقلق العملية، والخوف على صحة
    مراتك، و"ولد واللا بنت؟..كل اللي يجيبه ربنا كويس"، ودموع الفرحة ما بعد
    قومتها بالسلامة، ارتعاشة يدك وأنت تمسك ابنك أو ابنتك للمرة الأولى،
    والمشاعر الحنونة التي تولد فجأة، والحيرة في اختيار أسماء الولاد الذين
    سيصبحون بعد قليل (العيال) ثم سيكبروا ليصبحوا (قرود)، ومن الدعاء لهم
    بالتوفيق للدعاء عليهم(ربنا ياخدكم)، و (الأفأفة) والملل في انتظار العيل
    الخامس و"مش هنخلص بأة من حياة الأرانب دي"؟!!

    مصر "الضنا غالي"، وكلكم ولادي، و"بحبكم زي بعض"،
    و"اتغطى يا ابني كويس"، و"اغسل رجلك قبل ما تنام".
    مصر (اللمّة) على الطبلية في الفطار. طبق الجبنة بالقوطة وعليه (ندعة
    زيت) و(حبة طحينة)، والعيش الطازة.الفطيرة المشلتتة مع القشطة والعسل
    الابيض أو الاسود لما يكون عندنا برد.البتنجان المخلل والبطاطس والفلفل
    المقلي،ورائحة قلي الطعمية، وقرص العجة المتين، وأحلى طبق سلاطة خضراء
    بالبصل والخل.
    مصر المواصلات التي نجري وراءها حتى نفاجأ أننا وصلنا دون أن نركب.

    خناقة كل يوم مع التباع في الميكروباص والذي يقسم بأغلظ الإيمان
    أن "مش معاه فكَّة" مع إن صوتها (بيشخلل) في جيبه مع كل مطب.
    مصر مترو الأنفاق، و(ممنوع التدخين)، و"عديني وراك لو سمحت"
    و"مصلحة يا سيد"، و"وريني بطاقتك "، و"غرامة عشرة جنيه".

    مصر الشغل الذي تعاني منه ولا تستطيع الاستغناء عنه.
    رخامة المدير وغلاسة الساعي الذي يذكرك بما عليك.
    مصر الجمعيات، والاقساط، وفاتورة الكهرباء، والتاكسي "اللي ما بيقفش"،
    وخناقة الحساب، و"بالراحة في المطبات عشان معانا واحدة حامل"، و"رش المية
    عداوة"، و رش المية في الشارع بالخرطوم الاحمر "عشان تجيب طراوة".
    مصر الشارع المتسفلت الذي يحفروه بعد سفلتته لأنهم نسوا موضع البلاعة،
    ونسوا تركيب كابلات الكهرباء، ونسوا تركيب الغاز، ونسوا أحد الموظفين،
    ونسوا أصلاً نفسهم فمشيوا.

    مصر المطبات الصعبة التي حفرها الناس بالعتلة والمرزبة لإجبار السيارات
    على التهدئة بدلاً من أن تلهف العيل وتدهسه، وفي الغالب يحدث ذلك بعد وصول
    الضحايا لعدد مريييييع.

    مصر البلاعة التي يموت فيها الناس، وسلك الكهرباء العريان الذي يصعق
    الأطفال، وعربية رش المبيدات التي يجرون وراءها ليستنشقوا غازها السام،
    والتدخين في كل مكان، والشيشة على كل قهوة، و"فين المبسم بتاعي"، و"حجر
    تاني هنا".

    مصر بحري و اسكندرية و"مدد يا مرسي يا ابو العباس الاسكندرية يا أجدع
    ناس".قلعة قايتباي. جيلاتي (عزة). سندوتشات (جاد).سمك (قدورة). الغداء في
    (بلبع).المشي ع الكورنيش. ضرب الفلوكة. الصيد على (اللسان) .ركوب الترام
    "أبو دورين".الوقوف عند فرشة الرملي في محطة الرمل لقراءة الجرايد ببلاش،
    ومعرفة الكتب الجديدة، ومتابعة أحدث الأفلام الأجنبي المضروبة على سيديهات
    بنص التمن.أحمد الابيض والكتاب زيادة بخمسة جنيه عن سعره، وبعد أن يعرفك
    ممكن يديهولك ببلاش.

    مصر الشراقوة "اللي غدو القطر".المنصورة وجمالها.الدمايطة وشطارتهم
    والمشبك.طنطا والحمص والسيد البدوي ومطعم ام محمد.المحلة ومصانع الغزل
    والنسيج. المنوفية والمنايفة اللي يتضرب بيهم المثل ويتألف عليهم النكت
    رغم ان اتنين منها رؤساء جمهورية.
    مصر قبلي والصعايدة الرجالة والدم الحامي والمخ الصعيدي و"ما تقفلش معايا امال".

    مصر الآثار، والهرم، وحضارة 7000 سنة، ورمسيس الثاني، ونفرتيتي، وحورس،
    وإيزيس وأوزيريس، وحور محب، وإيمحوتب ،ومينا نارمر موحد القطرين،
    والفلاح
    الفصيح، والكاتب المصري، وإخناتون أول من دعى للتوحيد.

    مصر القيمة والسيما، والتاريخ والجغرافيا.
    مصر اكوام الزبالة، وطوابير العيش، والجو الحر، والفانلة الجيل
    الحمالات،و"توب علينا يا رب من الصيف وبلاويه واللي بيحصل فيه"، والشبشب
    البلاستيك،
    والدش البارد، و"ابقوا تعالوا صيفوا عندنا".

    مصر لسعة البرد في الشتاء.طبق العدس من القزاز.كوباية حمص الشام وكتر
    الليمون.طبق الكشري من ابو طارق وكتر الدقة.رز بلبن من المالكي والقنبلة
    من عند (الكرنك). طبق المشكل من (حبايب ام هاشم) ، والسمين المعتبر من
    (بحَّة) الأصلي
    "بتاع الناصرية"، والفاكهة من سوق الاتنين.

    مصر كبدة البرنس بتاع امبابة ، وزيزو نتانة في باب الشعرية، وسوبيا
    الرحماني في السيدة، وطبق البسبوسة بالقشطة، وحفلة 3 في سينما أوديون،
    وفسحة سيتي ستارز و(نزولة) روكسي ، وملاهي دريم بارك.

    مصر سلاح التلميذ، والأضواء، وكراسة الأول، والتوقعات المرئية، ورجل
    المستحيل، وملف المستقبل، وما وراء الطبيعة، والمكتب رقم 19، والمغامرين
    الخمسة، والشياطين ال13.
    مصر مكتبة ديوان، و(مج النسكافيه)، وصوت فيروز جاي من بعيد، والشروق
    طلعت حرب، ومكتبة مدبولي، وروايات ميريت، وندوة علاء الأسواني كل خميس،
    وحفلة توقيع في مكتبة البلد، وندوة في مكتبة حنين، وساقية الصاوي وفرقة
    وسط البلد، و حفلات اسكندريلا.

    مصر قرف ورق التجنيد، والبحث عن وظيفة ،والقعدة ع القهوة، وأهرام
    الجمعة بإعلاناته المبوبة، والدعاء بعدم دخول الجيش أو القسم في محضر تحري.

    مصر الشرطة في خدمة الشعب، والشعب مضروب على قفاه من الشرطة ،
    و"البلد
    دي بقالها يا ابني 7000 سنة بتتنهب ولسة فيها خير"،
    و"إن الله لا يغير ما
    بقوم حتى يغيروا ما بأنفسهم"، و "كله بتعليمات سيادة الرئيس".
    مصر "بالروح..بالدم..نفديك يا فلاااان"، و"حلوة بلادي السمرا بلادي"،
    و"بسم الله..الله أكبر بسم الله بسم الله"، و"انا م البلد دي".

    مصر النفاق، و"شخبطة سعادتك تخطيط لمستقبل مصر"، و"احنا نتمنى
    نلعبعقلة عشان نوصل لصوابع رجليك"، و"أحلام سعادتك خطة
    مصر الخمسية يا فندم"،و" لا عاش ولا كان اللي يقول كلمة وحشة
    على معاليك"، و" أشد السيفون لفخامتك؟"!!!

    مصر الحرامية الكبار، و"اللي له ضهر ما ينضربش على بطنه"، و"انت عارف
    انت بتكلم مين؟، و"والله لاوريكم"، و"كل واحد وله زنقة"، و"بكرة تيجي على
    حجري يا معلم ونشوف".
    مصر "امسك حرامي"، و"هااااا..مين هناك"، و"اقف لاضرب في المليان".
    مصر اشارة المرور المتعطلة، والموكب اللي بندعي عليه، وشنطة المدارس
    اللي بتقطم ضهر عيالنا، و"سموها التربية قبل التعليم مع إن دلوقتي لا فيه
    تربية ولا فيه تعليم".

    مصر "يا رب احج"، و"ارزقنا بزيارة النبي يا رب"، و"اغنينا بالحلال من
    عندك"، و"استرها علينا دنيا وآخرة يا ستار"، و"لا حول ولا قوة إلا بالله"
    ، و"حسبنا الله ونعم الوكيل"، و"ربنا ع الظالم والمفتري وابن الحرام"،
    و"استر عليا ربنا يستر عليك"، و"ان الله حليم ستار"، و"اصبر يا أخي متسربع
    على إيه".
    مصر "اللي انكسر لازم يتصلح "، و"شرف البنت زي عود الكبريت"، و"بنات
    الناس مش لعبة"، و"امشي من هنا يا واد يا خنفس انت وهو" ، و"اللي يلبس
    انسيال وسلسلة دهب ويمضغ اللبانة يبقى لامؤاخذة يعني راجل..............."

    مصر غناوي الأفراح، و"اتزحلق واجري يا رمان، وتعالى على حجري يا رمان"،
    و"ياللي ع الترعة حود ع المالح"، و"وله يا وله يا عرباااااوي"، و"شفت
    العريس قال للعروسة إييييه"، و"بسم الله الرحمن الرحيم وهنبدأ الليلة"،
    و"الهنا والمسا ده جاي من عم المنطقة" ، و"نجاملكم في الأفراح"، و"عقبال
    ولادك يا أبلة وحوح"، والنقطة اللي نازلة ترف.
    مصر جلال الموت، و"على الله الناس تتعظ "، و"يا سبعي يا جملي"، و"ما
    تسبنيش يا مستتنيي"، وشريط الشيخ عبد الباسط وهو يقرأ سورة يوسف في
    التسجيل القديم، والصوان من فراشة سيد أنور، و"الموت علينا حق"، و"البركة
    فيك يا ابني"، و"ربنا يجعلها آخر الأحزان"، و"كان وشه بيضحك واحنا
    بنغسله"، و"شفت الخشبة كانت بتجري ازاي"؟، و"والله كانت ليلته حلوة أوي يا
    جدعااااان"!!!

    مصر التلاوة والمشايخ. الشيخ محمد رفعت ومصطفى اسماعيل ومحمد صديق
    المنشاوي ومحمود علي البنا ومحمود خليل الحصري وعبد الباسط عبد الصمد وعبد
    الفتاح الشعشاعي وشعبان الصياد ومحمد محمود الطبلاوي وراغب مصطفى غلوش
    ومحمد جبريل في دعاء ليلة القدر وهو يصلي بالآلاف في مسجد عمرو بن العاص.
    مصر الأزهر والحسين والسيدة زينب والسيدة عائشة والسيدة نفيسة
    وأولياء الله الصالحين. مصر الشيخ الشعراوي والشيخ الغزالي والشيخ كشك.

    مصر التي ذكرت في القرآن. مصر "خير أجناد الأرض".
    مصر رفاعة الطهطاوي ومحمد علي ومحمد كريم واحمد عرابي ومصطفى كامل
    ومحمد فريد وسعد زغلول .

    مصر علي مصطفى مشرفة وأحمد زويل والبرادعي والنشائي ومجدي يعقوب ومصطفى السيد .
    مصر أحمد شوقي وحافظ ابراهيم وابراهيم ناجي وعبد الحميد جودة السحار.
    مصر طه حسين ونجيب محفوظ ويوسف إدريس ويوسف السباعي
    ومحمد عبد الحليم عبد الله و إحسان عبد القدوس.
    مصر بهاء طاهر وخيري شلبي و ابراهيم عبد المجيد والمنسي قنديل والمخزنجي.
    مصر أمل دنقل..

    مصر بيرم وصلاح جاهين وفؤاد حداد والأبنودي و سيد حجاب واحمد فؤاد نجم وفؤاد قاعود.
    رنات الموبايل في انصاص الليالي، والتثبيت بالليل على الكوبري، و"طلع
    اللي ف جيبك يا خفيف"، و"عيب يا كابتن انت ما عندكش اخوات بنات واللا
    إيه"، و"اروح العنوان ده ازاي يا ابني".

    مصرالوصفة الغلط و"التوهة" في كل السكك" ، و"قل من الندر واوفي"،
    و"الجميل ده عمري ماحنسهولك أبداً"

    مصر كدة على بعضها ومفيش تنقية
    مصر باكيدج، وبسعر الجملة، وما ينفعش تحبها بالقطعة
    يا تاخدها على بعضها
    يا تسيبها كلها







    لا اله الا أنت سبحانك أني كنت من الظالمين




    اللهم ارحم
    شهداء ثورة 25 يناير


    البحث على جميع مواضيع العضو هشام اللول1

  2. #2

    افتراضي

    يعنى نصه موجود ونصه لا
    يعنى نص نص
    ثانكس على التوبك

  3. #3
    تاريخ التسجيل
    14 - 9 - 2009
    ساكن في
    السعوديه حاليا
    العمر
    40
    المشاركات
    3,683
    مقالات المدونة
    22
    النوع : ذكر Egypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة Innocent مشاهدة المشاركة
    يعنى نصه موجود ونصه لا
    يعنى نص نص
    ثانكس على التوبك
    شكرا علي ردك توتي
    يارب بس يكون نص ونص
    علشان الواحد لما يدور علي نص
    ميتعبش زي اللي بيدور علي تمن او ربع او خمس
    وفي الاخير لما يلاقي لما ما يلاقي
    شكرا علي مرورك توتي




    لا اله الا أنت سبحانك أني كنت من الظالمين




    اللهم ارحم
    شهداء ثورة 25 يناير


    البحث على جميع مواضيع العضو هشام اللول1

  4. #4
    تاريخ التسجيل
    25 - 1 - 2010
    ساكن في
    K.S.A
    المشاركات
    2,208
    مقالات المدونة
    14
    النوع : انثيEgypt الفريق المفضل  : الاهلي

    افتراضي

    شوف ياهشام قرأت الكلام اللى كتبته اكتر من مرة بس أنا هقول رأي بصراحة أنا ماعشتش في مصر بس بزورها شهر واحد في السنة وفعلا جزء من كلامك صح والجزء التاني موجود بس مش ظاهر لكل الناس يعني أنا بمووووووووووووووووووووووو وووووت بمصر وبعشقها رغم اني ماعشتش فيها كتييييير بس اعرف حاجة كلامك نص صح ونص مش متحدد وبعدين السعادة والضحك حاجة محفورة في مصر للابد ده رأي بصراحة ومشكووووووووووورعلى التوبيك الخطير ده الله يعطيك العافية وتقبل مروري
    التعديل الأخير تم بواسطة ~ NORA ~ ; 18 - 4 - 2010 الساعة 08:22 PM



    الوَجعْ أصّمَ ؛ الحَنِيَّنٌ أخَرسْ ؛ والشَوقْ لآ يٌرىْ
    أصْدَقْ مَآنَشْعُرَّ بِهـ أصَعبَّ مِنَّ أنّ يٌروىْ ..~

    البحث على جميع مواضيع العضو ~ NORA ~

  5. #5
    تاريخ التسجيل
    14 - 9 - 2009
    ساكن في
    السعوديه حاليا
    العمر
    40
    المشاركات
    3,683
    مقالات المدونة
    22
    النوع : ذكر Egypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة أهلاوية وأفتخر مشاهدة المشاركة
    شوف ياهشام قرأت الكلام اللى كتبته اكتر من مرة بس أنا هقول رأي بصراحة أنا ماعشتش في مصر بس بزورها شهر واحد في السنة وفعلا جزء من كلامك صح والجزء التاني موجود بس مش ظاهر لكل الناس يعني أنا بمووووووووووووووووووووووو وووووت بمصر وبعشقها رغم اني ماعشتش فيها كتييييير بس اعرف حاجة كلامك نص صح ونص مش متحدد وبعدين السعادة والضحك حاجة محفورة في مصر للابد ده رأي بصراحة ومشكووووووووووورعلى التوبيك الخطير ده الله يعطيك العافية وتقبل مروري
    الله يبارك فيكي ويعافيكي
    من حق فعلا الضحكه فعلا موجوده علي الوشوش
    بس السعاده علي ما اعتقد ما يوجد كتير منها مثلا الاول
    مش عارف دي نظره تشاؤميه مني او هذا الواقع لما اراه من حوالي

    نورتي التوبيك اختي اهلاوية




    لا اله الا أنت سبحانك أني كنت من الظالمين




    اللهم ارحم
    شهداء ثورة 25 يناير


    البحث على جميع مواضيع العضو هشام اللول1

  6. #6
    تاريخ التسجيل
    29 - 12 - 2008
    ساكن في
    الدقهلية
    المشاركات
    2,633
    مقالات المدونة
    12
    النوع : ذكر Egypt الفريق المفضل  : الاهلي

    افتراضي

    زمان كان كل شيء حلو ومعقول

    وترضى بنصيبك من الطعمية والفول

    وفضلنا نسمع فى كلام معسول

    لغاية ما اصبح علينا دين قد الغول

    وكله فى ازمة حتى اللحمة والعجول

    حقيقى تسلم الايادى فقد اعدت للذاكرة بعض الصور الجميلة التى غابت

    بارك الله فيك هشام ودمت فى حفظ الله ورعايته









    والله يامصر من شرقك لغربك
    قلبى هواك وحبك

    البحث على جميع مواضيع العضو hadede

  7. #7
    تاريخ التسجيل
    14 - 9 - 2009
    ساكن في
    السعوديه حاليا
    العمر
    40
    المشاركات
    3,683
    مقالات المدونة
    22
    النوع : ذكر Egypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة hadede مشاهدة المشاركة
    زمان كان كل شيء حلو ومعقول

    وترضى بنصيبك من الطعمية والفول

    وفضلنا نسمع فى كلام معسول

    لغاية ما اصبح علينا دين قد الغول

    وكله فى ازمة حتى اللحمة والعجول

    حقيقى تسلم الايادى فقد اعدت للذاكرة بعض الصور الجميلة التى غابت

    بارك الله فيك هشام ودمت فى حفظ الله ورعايته


    شكرا لمرورك الجميل عماد
    واضافتك الاجمل
    بس مش عارف هو الزمن اللي بيتغير
    ولا الناس هي اللي بتتغير

    بارك الله فيك عماد
    ودمت بخير وسعاده وود



    لا اله الا أنت سبحانك أني كنت من الظالمين




    اللهم ارحم
    شهداء ثورة 25 يناير


    البحث على جميع مواضيع العضو هشام اللول1

  8. #8

    ملحوظة تبقي انت أكيد في مصر‏!‏

    وخد منى ديت كأول مشاركة لي فى مصراوي كافيه
    يا عزيزي

    هشام اللول1






    مشرف المنتدى السياسي

    تاريخ التسجيل14 - 9 - 2009

    ساكن في السعوديه حاليا
    العمر27




    تحقيقات

    43594 ‏السنة 130-العدد 2006 ابريل 15 ‏17 من ربيع الأول 1427 هـ السبت

    تبقي انت أكيد في مصر‏!‏


    علي طريقة الزميل عبدالعظيم درويش في مشاغباته الاسبوعية‏..‏ قال لي دكتور مهندس جمال الشربيني‏:‏ لو أنك نزلت في مطار عاصمة بلد كبير ومشيت في شوارعها وعاشرت أهلها وعشت معهم أياما وشهورا‏,‏ فكيف تعرف وتتأكد أن هذا البلد هو مصر؟
    قلت‏:‏ من طيبة الناس وظرفهم وتنكيتهم علي أنفسهم وصبرهم الجميل‏!‏
    قال‏:‏ أيوه كل ده كويس‏..‏ لكن إذا أردت أن تتأكد أكثر وأكثر‏:‏
    ‏1‏ ـ لو لقيت من كل بيت خارج مدرس خصوصي تبقي أنت أكيد في مصر‏.‏
    ‏2‏ ـ لو جبت في الثانوية العامة فوق الـ‏90%‏ ومدخلتش إلا التجارة‏..‏ تبقي أنت أكيد في مصر‏!‏

    ‏3‏ ـ لو لقيت في كل بيت واحد مات من السرطان‏..‏ تبقي أنت أكيد في مصر‏!‏
    ‏4‏ ـ لو رحت التأمين الصحي وإدوك حديد وزرنيخ‏..‏ تبقي أنت أكيد في مصر‏.‏

    ‏5‏ ـ لو دخلت مستشفي تشيل الزايدة واتسرقت كليتك‏..‏ تبقي أنت أكيد في مصر‏.‏
    ‏6‏ ـ لو دخلت مكتب حكومي وقالولك فوت علينا بكرة‏..‏ تبقي أنت أكيد في مصر‏.‏

    ‏7‏ ـ لوخلصت دراستك وخدت الشهادة وقعدت علي القهوة سنين لحد ما الحكومة توظفك‏..‏ تبقي أنت أكيد في مصر‏!‏
    ‏8‏ ـ لو أنت في بلد ربع سكانها ساكنين في عاصمتها‏..‏ تبقي أنت أكيد في مصر‏!‏

    ‏9‏ ـ لو أنت في بلد كان زمان من خمسين سنة ممنوع كشف ستوماك يعني بطن الراقصات في الكباريهات ودلوقتي ستاتها وبناتها بـالستوماك في الشوارع ماشيين‏..‏ تبقي أنت أكيد في مصر‏!‏
    ‏10‏ ـ لو سمعت وقريت جملةاللي نعرفه أحسن من اللي منعرفوش تبقي أنت أكيد في مصر‏!‏

    ‏11‏ ـ لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات‏..‏ تبقي أنت أكيد في مصر‏!‏
    ‏12‏ ـ لو لقيت عجوز وعجوزة ماشيين ومعاهم سلم خشب لزوم طلوع الرصيف‏..‏ تبقي أنت أكيد في مصر‏!‏

    ‏13‏ ـ لو لقيت سواقين العربيات راسمين أحزمة أمان علي صدورهم تبقي أنت أكيد في مصر‏!‏
    ‏14‏ ـ لو سمعت وشفت عربية مطافئ الحريق سواقها بيزعق في الميكروفون‏:‏ فين الشارع اللي فيه الحريقة تبقي أنت أكيد في مصر‏!‏

    ‏15‏ ـ لو قريت وسمعت أن الحكومة حتنهي عقود شركات الزبالة الأجنبية لأنها لم توف بالتزاماتها‏(‏ وكان ليه من أصله‏)!‏ تبقي أنت أكيد في مصر‏!‏
    ‏16‏ ـ لو مزنوق في الشارع وملقتشي مراحيض عامة يبقي أنت أكيد في مصر‏!‏

    ‏17‏ ـ لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر‏!‏
    ‏18‏ ـ لو سمعت أن القضايا بيتحكم فيها بعد وفاة المتقاضين‏..‏ تبقي أنت أكيد في مصر‏!‏

    ‏19‏ ـ لو مرة لقيت رسوم الزبالة علي فاتورة الكهرباء ومرة تانية علي فاتورة الغاز‏,,‏ تبقي أنت أكيد في مصر‏!‏
    ‏20‏ ـ لو فتحت التليفزيون وشفت ظرف البيت بيتك‏..‏ تبقي أنت أكيد في مصر‏!‏

    ‏21‏ ـ لو سمعت كلمة أهلا يا باشا وائمورني يا باشا‏..‏ تبقي أنت أكيد في مصر‏!‏
    ‏22‏ ـ لو شفت الست تخلع جوزها بعد طول عشرة‏..‏ تبقي أنت أكيد في مصر‏!‏

    ‏23‏ ـ لو تقف في طابور علشان رغيف العيش‏..‏ تبقي أنت أكيد في مصر‏!‏
    ‏24‏ ـ لو حد النهاردة اسمه بوحة وإمبارح كان اسمه اللمبي والحد ده يقش ملايين‏..‏ تبقي أنت أكيد في مصر‏!‏

    ‏25‏ ـ لو سمعت الكبير بيقول للصغيرحضرتك تبقي أنت أكيد في مصر‏.‏
    ‏26‏ ـ لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز‏..‏ تبقي أنت أكيد في مصر‏!‏

    ‏27‏ ـ لو سمعت وقريت إن فنان ابن فنان يعمل عملته وينكر والقضاء مازال يفكر ثم يفكر تبقي أنت أكيد في مصر‏!‏



    نشرت فى جريدة الأهرام فى 15 أبريل 2006




    مصر كدة على بعضها ومفيش تنقية
    مصر باكيدج، وبسعر الجملة، وما ينفعش تحبها بالقطعة
    يا تاخدها على بعضها
    يا تسيبها كلها




    الكلام ده يا باشا عفا عليه الزمن
    أولد فاشون
    إكسبيرد
    فينتو






    وأواصل بعد الفاصل



  9. #9
    تاريخ التسجيل
    24 - 10 - 2009
    ساكن في
    Dokki
    المشاركات
    1,194
    مقالات المدونة
    2
    النوع : ذكر Egypt الفريق المفضل  : الاهلي

    افتراضي

    ازيك ياتش واحشنى فعلا
    موضوع جميل وعلى فكرة مش بس نص الكلام على حق لا ده يمكن اكتر من نصه صحيح اعتقد انه مصر امامها سنوات وسنوات لكى يتم تصليح مافات
    بارك الله فيك واسعدنى قراءة موضوعك


    انا مصرى وافتخر بانى مصرى
    البحث على جميع مواضيع العضو محمود سمير

  10. #10
    تاريخ التسجيل
    3 - 11 - 2007
    ساكن في
    رافضك يا زمانى يا مكانى يا أوانى أنا عايز أعيش ف كوكب تا
    المشاركات
    1,225
    النوع : ذكر Egypt الفريق المفضل  : الاهلي

    تمام

    رغم ان الموضوع قديم جداً
    الا انه جامد جداً
    بس يا معلم انت غلطت غلطة
    غلطة كبيرة كمان

    مصر بحري و اسكندرية و"مدد يا مرسي يا ابو العباس الاسكندرية يا أجدع
    ناس".قلعة قايتباي. جيلاتي (عزة). سندوتشات (جاد).سمك (قدورة). الغداء في
    (بلبع).المشي ع الكورنيش. ضرب الفلوكة. الصيد على (اللسان) .ركوب الترام
    "أبو دورين".الوقوف عند فرشة الرملي في محطة الرمل لقراءة الجرايد ببلاش،
    ومعرفة الكتب الجديدة، ومتابعة أحدث الأفلام الأجنبي المضروبة على سيديهات
    بنص التمن.أحمد الابيض والكتاب زيادة بخمسة جنيه عن سعره، وبعد أن يعرفك
    ممكن يديهولك ببلاش.

    مصر الشراقوة "اللي غدو القطر".المنصورة وجمالها.الدمايطة وشطارتهم
    والمشبك.طنطا والحمص والسيد البدوي ومطعم ام محمد.المحلة ومصانع الغزل
    والنسيج. المنوفية والمنايفة اللي يتضرب بيهم المثل ويتألف عليهم النكت
    رغم ان اتنين منها رؤساء جمهورية.
    فين بقي الفيوم يا خال؟؟؟؟؟
    عموماَ هي دي كانت مصر
    بس اظن انها حالياً مش كدة
    يعني من سنة واحدة بس كانت دي فعلاً مصر
    انما دلوقتي مصر اصبحت شئ تاني خالص
    تسلم يا معلم ع الموضوع الجامد ده
    التعديل الأخير تم بواسطة Serag Magdy ; 12 - 11 - 2011 الساعة 03:27 AM
    (قل ربي ارحمهما كما ربياني صغيرا)



    سأصبر حتى يعجز الصبر عن صبرى ... وسأصبر حتى يأذن الله فى أمرى ... وسأصبر حتى يعلم الصبر أننى صابر ... ولك الله يا مصرنا الحبيبة .

    البحث على جميع مواضيع العضو Serag Magdy

 

 
صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كاميليا وملحمة التوحيد (3) د. أكرم حجازي
    بواسطة سارة إسلام في المنتدى مصراوي كافيه
    مشاركات: 0
    آخر مشاركة: 1 - 9 - 2010, 06:44 AM
  2. كاميليا وملحمة التوحيد (2) د. أكرم حجازي
    بواسطة سارة إسلام في المنتدى مصراوي كافيه
    مشاركات: 0
    آخر مشاركة: 1 - 9 - 2010, 06:43 AM
  3. كاميليا وملحمة التوحيد (1) د. أكرم حجازي
    بواسطة سارة إسلام في المنتدى مصراوي كافيه
    مشاركات: 0
    آخر مشاركة: 1 - 9 - 2010, 06:42 AM
  4. برنامجان أحدهما للتوريث و الآخر للتغيير...!!
    بواسطة عفريت أفندى في المنتدى المنتدى السياسى العام
    مشاركات: 4
    آخر مشاركة: 17 - 5 - 2010, 08:06 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©