حتي ابليس طفش من البلد دي

**SCREEM** · 7 - 4 - 2010, 07:56 PM

سيدي الرئيس

في عيد ميلادك الكام وتمانين

كل سنة وأنت طيب

واحنا مش طيبين

كل سنة وأنت حاكم

واحنا محكومين

واحنا مظلومين

واحنا متهانين

ياترى يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

طب فاكر المشردين

فاكر اللي ماتو محروقين

فاكر الغرقانين

الله يكون في عونك - هاتفتكر مين وللا مين

في عيد ميلادك الكام وتمانين

بقول لك كلمتين

الأوله

شيلتنا طين

هل تعلم أن النيل بقى رشاح

والجو أصبح بيئة والعيشة ولعه

والشرفا قلوبهم عالبلد والعه

وحكومتك عاملهم مذبحة ولا بتاعة القلعة

والاقتصاد سداح

والسرقة بقت كفاح

ومصر متاحة بس للسياح

وعرض البلد بقى مستباح

والتانية

حكومتك ورتنا الويل

دا الخطوة في عهدها بقت ميل

والضحك بقى نواح وعويل

والكوسة

عارف الكوسة

ممكن أقولك فيها موواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز على المتعلمين

والأساتذة بقوا دجالين

والقادة بقوا طبالين

والتالتة

عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسة مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين

والرابعة

أمن البلد بقى تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام…. عام

والفساد…. ساد

وفي جتة بلدنا بيرعى

أفتكر لجنابك إيه ولا إيه

وكل ذكرى ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك يجى تسعين

بس هاكفيهم ورق منين

وكل سنة وأنت

واحنا طيبين

**عفريتـــة هانم** · 7 - 4 - 2010, 07:59 PM

اولا اختيارك للموضوع جميل واسمحلى انا اقولك ااتشال ليه لو مش يضايقك يعنى
تقريبا الموضوع لسة كان موجود قريب فا يمكن اتشال علشان كان مكتوب قبل كدة
بس كدا تقبل مرورى

**SCREEM** · 7 - 4 - 2010, 08:02 PM

المشاركة الأصلية كتبت بواسطة عايشة لنفسى

اولا اختيارك للموضوع جميل واسمحلى انا اقولك ااتشال ليه لو مش يضايقك يعنى
تقريبا الموضوع لسة كان موجود قريب فا يمكن اتشال علشان كان مكتوب قبل كدة
بس كدا تقبل مرورى

انا فعلا عرفت كده عشان كده غيرت الموضوع حصل خير

يعني ده مووضوع تاني خالص بس بنفس العنوان

الف شكر لمرورك

**Innocent** · 7 - 4 - 2010, 09:54 PM

فعلا التوبك ده العنوان بتاعه بس الى متكرر بس المحتوى مش نفسه
وثانكس اسكرين على التوبك الرائع بس كان عندى بس بوينت عاوزه اوضحها ان احنا عمالين نقول الحكومه الحكومه ونسينا اساسا ان احنا الحكومه يعنى مثلا لو بصيتى هتلاقى مين فى الحكومه باباكى خالك عمك يعنى اهلنا فلو كل واحد اتقن بس واجتهد فى شغله كله هيبقى تمام

**SCREEM** · 7 - 4 - 2010, 10:28 PM

المشاركة الأصلية كتبت بواسطة Innocent

فعلا التوبك ده العنوان بتاعه بس الى متكرر بس المحتوى مش نفسه
وثانكس اسكرين على التوبك الرائع بس كان عندى بس بوينت عاوزه اوضحها ان احنا عمالين نقول الحكومه الحكومه ونسينا اساسا ان احنا الحكومه يعنى مثلا لو بصيتى هتلاقى مين فى الحكومه باباكى خالك عمك يعنى اهلنا فلو كل واحد اتقن بس واجتهد فى شغله كله هيبقى تمام

انا كمان في بوينت عايز اوضحها اولا انا اسكريم مش اسكرين تاني حاجه انتي بتقولي لو بصيتي انا ولد المفروض تقولي لو بصيت

اما بالنسبه لكلامك فالموضوع ده انتي بتبصيله او بتبصله من منظور تاني انا مكنتش اقصده انا كونت اقصد الحكومه بتاعتنا وعامه احنا اكتر شعب مجتهد ف الدنيا بس فين الحكومه الي تقدر الف شكر لمرورك

**Innocent** · 7 - 4 - 2010, 11:51 PM

المشاركة الأصلية كتبت بواسطة SCREEM

انا كمان في بوينت عايز اوضحها اولا انا اسكريم مش اسكرين تاني حاجه انتي بتقولي لو بصيتي انا ولد المفروض تقولي لو بصيت

اما بالنسبه لكلامك فالموضوع ده انتي بتبصيله او بتبصله من منظور تاني انا مكنتش اقصده انا كونت اقصد الحكومه بتاعتنا وعامه احنا اكتر شعب مجتهد ف الدنيا بس فين الحكومه الي تقدر الف شكر لمرورك

سورى يا سكريم ماخدتش بالى والله عندى المره دى
بس انت بردو مش فهمتنى انت بتقول حكومتنا ماهو مين الى شغال فى حكومتنا ماهو احنا وبعدين هو فين الاجتهاد ده ادخل كده على اى موظفين حكومه شوفهم بيعملو ايه هما كام يوم فى سنه شغالين والباقى رغى
ماشوفتش يابنى المدرسه الى كانت فى حلوان لما الوزير راحها كانت عامله ازاى الدير وصل بعده
واتمنى انك تكون فهمتنى يا سكرين

**SCREEM** · 8 - 4 - 2010, 12:50 AM

المشاركة الأصلية كتبت بواسطة Innocent

سورى يا سكريم ماخدتش بالى والله عندى المره دى
بس انت بردو مش فهمتنى انت بتقول حكومتنا ماهو مين الى شغال فى حكومتنا ماهو احنا وبعدين هو فين الاجتهاد ده ادخل كده على اى موظفين حكومه شوفهم بيعملو ايه هما كام يوم فى سنه شغالين والباقى رغى
ماشوفتش يابنى المدرسه الى كانت فى حلوان لما الوزير راحها كانت عامله ازاى الدير وصل بعده
واتمنى انك تكون فهمتنى يا سكرين

ماعلينا من موضوع الاسم ده المهم ان كلامك وصل وكله تمام بس زي مافي موظفين نايمين طول السنه زي مابتقولي في برضه شباب زي الفل مرميه عالقهاوي علي حساب ناس ملهاش لازمه بسبب الواسطه الي جزء منها الحكومه يعني الشباب ده لو حد استغله وفرغ الطاقات الي جواه البلد دي هتتقدم وطبعا ده ف المشمش

الف شكر لمرورك الجميل

**~ man neO ~** · 8 - 4 - 2010, 01:10 AM

موضوعك رائع يا سكريم
وفعلا فى حاجات كثير
عايزه تخرج لكن محبوسه
لكن ربنا يكون فى عونا

وتم نقل الموضوع

**SCREEM** · 8 - 4 - 2010, 01:15 AM

المشاركة الأصلية كتبت بواسطة abdelnaby

موضوعك رائع يا سكريم
وفعلا فى حاجات كثير
عايزه تخرج لكن محبوسه
لكن ربنا يكون فى عونا

وتم نقل الموضوع

طب ماتطلع ياباشا انت حد حايشك انا شوفت حاجه منك انا مشوفتش غير نقل الموضوع دوختني لحد ملقيته شكلك م الحكومه الي مدوخاني دي وبتشتغلني

الف شكر لمرورك

**ايسل** · 8 - 4 - 2010, 01:37 AM

ايه ياعم الحاج منا رديت على الموضوع الاول هرد على التانى ايه يابا مفيش اى نفحه كده علشان التعب ده

اه مهو احنا شعب بقينا نمشى برشاوى
طبعا اذا كان رب البيت بالدف ضاربا يبقى شيمت اهل البيت ايه ياترى

اولا كل سنه والرئيس طيب على الرغم انه فاضل
شهر باين على عيد ميلاده حبيبى والله
ثانيا اسمحلى سكريم اقول لاختى توتى انتى عارفه انى بعزك يعنى والله مش بنتقدك انا اقصد التوضيح فقط لأ اختى ليست الحكومه نحن وليسوا ابائنا لأنهم لا يشعرون بالضعفاء وايضا الساكت عن
الحق شيطان اخرس
ونحن ابائنا ليسوا شياطين واعلم وجهت نظرك انهم مننا ولكنى سأقول ايضا ان الفاسد مننا واللص مننا ولذلك اقول انى ارفض ان اشبهم بأبى
او بأى اب ذو ضمير
واسفه سكريم لردى ولكن اردت ان اوضح وجهة نظرى وموضوعك رائع لأنه على لسان كل المصريين شكرا لك

الموضوع: حتي ابليس طفش من البلد دي

أدوات الموضوع

حتي ابليس طفش من البلد دي

معلومات الموضوع

الأعضاء الذين يشاهدون هذا الموضوع

المواضيع المتشابهه

حتي ابليس طفش من البلد دي

أحلى عرايس شفتهم بحياتي

الكلمات الدلالية لهذا الموضوع

ضوابط المشاركة