امتحان تجربة اللغة العربية للثانوية العامة لعام 2010

[ميره]

امتحان تجربة اللغة العربية

للثانوية العامة لعام 2010

السؤال الأول: التعبير

اكتب ما لا يقل عن 650 سطر في احد الموضوعات التاليه:

-لم يجد الطفل غير الشارع ملجأ نظرا لحالة البلد الهباب..فاتجه إليالسرقةوالقتلوالحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقباللجنة

- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب مايمليه عليك ضميرك على أن يبدأ موضوعك بعبارةأنا باشتغل فى حديد عز
- بعد انتشار ظاهرة أكل لحم الكلاب والحمير..من وجهة نظرك تكلمعن هذه الظاهرة ومن المتسبب فيها .... بدون غلط..الورقمتراقب
ـــــــــــــــــــــــــ ـــــــــــــــــــــــــ ـــــــ

السؤال الثانى: القصة

من قصة " وعهد الله ما انت داخل الانتخابات" .. اقرأ القطعة وأجب عن الآتى

ثم أتى إليه وضربه بالجزمة وقال: انت عايز تترشح فى الانتخابات يا.......؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟

- ما هى اللحمة؟ حدد أقرب معنى خيالى لها

- مرادف معجزة فى اللغة ( تغيير وزارى – زيادة المرتبات – رغيف العيش)

- لماذا ضربه الرجل بالجزمة وليس بالعصى مثلا؟؟

ـــــــــــــــــــــــــ ـــــــــــــــــــــــــ ــــــــــ

السؤال الثالث القراءة

من موضوع ( الزعيم..والفنان.. والقدوة) اقرأ القطعة وأجب

وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا

كما أنه يرحب بالتوريث ومقتنع بكل سياسات الحكومة

- فى رأيك هل يصلح عادل إمام لوزارة الثقافة أم لوزارة الصناعة ؟؟

ـــــــــــــــــــــــــ ـــــــــــــــــــــــــ ــــــــــــ
السؤال الرابع النصوص

أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟ (المسيسبى - الأمازون – يونج يانج )

- هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه ورجَّعُه مكانه

- أكمل الأبيات إلى آخر الكليب

ـــــــــــــــــــــــــ ـــــــــــــــــــــــــ ـــــــ

السؤال الخامس: الخط

- كوز المحبة اتخرم و طرطش علي كمي...ياريتك تحس بيا و أرحم عذاب امي

- اكتب الجملة السابقة ثلاث مرات ب ثلاث خطوطموبينيل و فودافون و اتصالاتمع العلم انه يمكن التحويل الي خط اخر و لمزيد من المعلوماتاتصل بخدمة العملاء مجانا

[A7med elsayed]

موضوع فكرته جميله تسلم إيدك

[ميره]

موضوع فكرته جميله تسلم إيدك

ميرسى ليك احمد
وعلى المتابعه الجميله
لى موضوعاتى تحياتى ليك

[Innocent]

هههههههههههههه
ايه الامتحان الى جايب من الاخر ده

[ميره]

هههههههههههههه
ايه الامتحان الى جايب من الاخر ده

ميرسى ليكى يا عسوله
وعلى مرورك الجميل ده
وتحياتى ليكى ياجميله

[ابو تريكه]

احنا متراقبين يا اسماعين

انا مشفتش حاجه

ههههههههههههههههههههههه

[جنرال الحب]

ههههههههه جامد اوى امتحان الكيميا ده

[مسافر عبر الازمان]

جاااااااااااااامد الموضوع
على فكرة انا عرفت حل الامتحان كامل
هههههههههه
مشكورة عالموضوع
تقبلى مرورى

[ميره]

احنا متراقبين يا اسماعين

انا مشفتش حاجه

ههههههههههههههههههههههه

ههههههههههههههههههههه
ميرسى بجد على ردك الجامد
تحياتى ليك

[ميره]

ههههههههه جامد اوى امتحان الكيميا ده

ههههههههههههههه
ميرسى ليك