جايلي عريس ممتاز

[فاطيما]

جايلى عريس متاز !!!

[


جايلى عريس متاز
فى الجامعة يا ناس استاذ
عنده الشقة والعربية
والشبكة حتكون دهبية
صحباتى بيقولوا وسيم
وفى كرمه الحق ..كريم
كل مناسبة يجيب لى هدايا
وما بينساش مامتى وبابايا
خروجاتنا كلها ..هاى هاى
لعزوبية حاقول باى باى
اه فرحانة ومافرحش ليه
فى"فلان"خطيبى رايكوا ايه؟؟
للاسف دة تفكير معظم بنات النهاردة لما يجى لهم عريس
شكله مركزه الشبكة حتكون ايه عنده شقة ولا لا فين مساحتها كام
عربيته نوعها ايه والهدايا والخروجات للاسف الشديد دة واقعنا اليوم تفكير البنات اصبح اجوف فارغ
فين الاساسيات يا بنات ؟؟
فين دينه فين خلقه ؟
فين طباعه ؟
فين بره باهله قبل اهلك؟

تفضلوا تفكروا بالشكل التافه دة ..وبعد الفاس ما تيجى فى الراس تعيطى وتولولى
الحقونى انا اتغشيت فيه
الحقونى دة انا اكتشفت انه كذا وكذا ..وتحكى بقى

لا يا قلبى انتى ما اتغشتيش فيه ولا حاجة ..انتى ما حاولتيش تعرفيه اصلا اكتفيتى بالمظهر ونسيتى تشوفى الجوهر

ركزى قبل ما تتدبسى الجواز ليس سباق مين تتجوز قبل مين
بنت خالتى اتخطبت يبقى لازم انا كمان
بنت عمى جالها شبكة الماظ وليه انا لا؟
يا بنتى شوفى المهم سيبك من الكلام الفاضى دة شوفى مين حتعامليه باقى عمرك شوفى مين ممكن يكون سب دخولك الجنة او النار
شوفى مين هيكون اب لاولادك ولا نسيتى دى

العمارة من غير اساس اكيد هتق صح ولا ايه

[عفريتـــة هانم]

فعلا كلامك صح معظم البنات حاليا بيركزو على المظهر الخارجى وبينسو ان المظاهر خداعــــة
تسلمى ياقمر على مناقشة الموضوع المهم دة
تقبلى مرورى

[فاطيما]

فعلا كلامك صح معظم البنات حاليا بيركزو على المظهر الخارجى وبينسو ان المظاهر خداعــــة

تسلمى ياقمر على مناقشة الموضوع المهم دة

تقبلى مرورى

ميرسي ياحبيبتي لمرورك

[فاطيما]

اومال فين باقي الاعضاء

[شيري العسولة]

موضوعك جميل فاطيما وبجد مهم جدا
لان كل البنات دلوقتى مش بيفكروا غير كده وبجد شوفت حاجات من دى كتير
وجوازات بتبوظ علشان البنت عايزة العريس اللى جالها اغنى واحد فى الدنيا
ربنا يهدى البنات ويرزقهم الزوج الصالح
تسلمى على طرحك للموضوع المهم ده
وكل سنة وانتى طيبة

[فاطيما]

موضوعك جميل فاطيما وبجد مهم جدا
لان كل البنات دلوقتى مش بيفكروا غير كده وبجد شوفت حاجات من دى كتير
وجوازات بتبوظ علشان البنت عايزة العريس اللى جالها اغنى واحد فى الدنيا
ربنا يهدى البنات ويرزقهم الزوج الصالح
تسلمى على طرحك للموضوع المهم ده
وكل سنة وانتى طيبة

شيري منوره التوبيك بجد وميرسي ياقمرايه لردك الجامد اخر حاجه ويارب ارزق بنتنا بولاد الحلال
وكل سنه وانتي طيبه