المصرى و العفريت !

**عفريت أفندى** · 13 - 4 - 2010, 08:56 AM

القصيده عجبتنى اوى بس مش عارف عنوانها إيه

لكن أنا إختارت ليها العنوان ده

المصرى و العفريت !

لقيت الفانوس مرة ودعكته طلعلى عفريت… شبيك لبيك
قلت أنا للذل باى وودعته وللعفريت هاهريك هاهريك
قالى هأوأو يا إبن الإنسان دانا عفريت مارد بن جان
ما يهمني مكان ولا زمان واطلب وأنا عندى البرهان

*****************
أناعاوز قمح زُرع فى مصر ومرتب يكفى لآخر الشهر
وحكومة متعصرنيش عصر ومسؤولين يبطلوا فشر
وعاوز عيش من غير طوابير وإنفاق حكومى بدون تبذير
وانتخابات من غير تزوير ورئيس سابق أشوفه كتير

*****************
عاوز فى بيتى شيكارة دقيق وتبرير مقنع لأى حريق
ومجلس شعب بدون تصفيق وفى كأس العالم لينا فريق

وأكلة كباب مشوى على السيخ مع عيالى فى شرم الشيخ

وأشرب فى القسم عصير بطيخ وأخرج سليم بدون تلطيخ

ونفسى الضحكة ترجع تانى ورصيف للمشى أنا وخلاّنى
وجنيه مصرى زى البرانى يشترى حتة لحمة ضانى

*****************
رد العفريت عليا بغشم وقال يا مصرى ماكنش العشم
بص.. أنا ممكن أشيل الهرم واسدلك الأوزون اللى اتخرم
وأرجعلك الأكل اللى اتهضم وتمأمأ البقرة كأنها غنم
أبنيلك قصر من العدم وأقولك معنى شرم برم
بس طلباتك طلبات ملموس عقله خلاص أكله السوس
ده تخطيط يا بنى ومدروس إنك تعيش على طول موكوس
وأحنا بناخد منكوا دروس ; إزاى يبقى الجن متعوس
ويا ريت ترجعنى تانى الفانوس وأنا راضى أعيش محبوس
بدل ما أخرج واتبهدل زيك ويتلم موكوس على متعوس

منقول مما راق لى

**SCREEM** · 13 - 4 - 2010, 12:06 PM

مفتكرش ان في عفريت يقدر يحقق ده

دمت متمبز ياحج

**عفريت أفندى** · 13 - 4 - 2010, 01:02 PM

المشاركة الأصلية كتبت بواسطة SCREEM

مفتكرش ان في عفريت يقدر يحقق ده

دمت متمبز ياحج

تمام يا سكريم

و هوه ده رد العفريت

ده ممكن يسد ثقب الأوزون

و يخلى البقره تمأمأ

و يبنى قصر م العدم

و يقول معنى شرم برم

لكن طلبات المصرى مستحيل إن العفريت يحققها

تسلم يا سكريم ع المرور و المشاركه

نورت الموضوع يا حج

**ايسل** · 13 - 4 - 2010, 03:40 PM

هههههههههههههه
ال عفريت ال
والله لو جمعنا عفاريت الدنيا كلها مش هيعملوا حاجه هيجوا ايه جنب الشياطين واحنا الشياطين اللى عندنا محدش يقدر عليهم
خليه يرجع العفريت الغلبان للفانوس احسن
شكرا وليد

**براكودا** · 14 - 4 - 2010, 03:19 AM

ها ها ها
ده عفريت طلع موالي للحكومة وللنظام
انتوا عايزين عفريت معارض
مشكور وليد على مجهودك

**عفريت أفندى** · 14 - 4 - 2010, 08:21 AM

المشاركة الأصلية كتبت بواسطة ايسل

هههههههههههههه
ال عفريت ال
والله لو جمعنا عفاريت الدنيا كلها مش هيعملوا حاجه هيجوا ايه جنب الشياطين واحنا الشياطين اللى عندنا محدش يقدر عليهم
خليه يرجع العفريت الغلبان للفانوس احسن
شكرا وليد

كلامك سليم يا ايسل

العفريت بيقول للمصرى

احنا بناخد منكوا دروس ازاى يبقى الجن متعوس !

يعنى بيتعلموا من الشياطين اللى عندنا

سبحان الله و لا حول و لا قوة إلا بالله

تسلمى يا ايسل ع المرور و المشاركه

**عفريت أفندى** · 14 - 4 - 2010, 08:23 AM

المشاركة الأصلية كتبت بواسطة براكودا

ها ها ها
ده عفريت طلع موالي للحكومة وللنظام
انتوا عايزين عفريت معارض
مشكور وليد على مجهودك

لا و إنت الصادق يا براكودا

ده بيتعلم منهم

العفريت تلميذ فى مدرستهم يا حج

نورت التوبيك

**عفريتـــة هانم** · 14 - 4 - 2010, 10:39 PM

دة حتى العفريت معجبوش الحال وعاوز يرجع تانى
بجد ربنا يصبرنا على الى احنا مستحملينة
تسلم ايدك وليد توبيك رائع
تقبل مرورى

**عفريت أفندى** · 15 - 4 - 2010, 06:47 AM

المشاركة الأصلية كتبت بواسطة عفريتـــة هانم

دة حتى العفريت معجبوش الحال وعاوز يرجع تانى
بجد ربنا يصبرنا على الى احنا مستحملينة
تسلم ايدك وليد توبيك رائع
تقبل مرورى

ضاقت فلما استحكمت حلقاتها فرجت و كنت أظنها لا تفرج

هااااااااااانت و كل ظالم ليه يوم

تسلمى يا ميرووووووووو

و مشكوره ع المرور و المشاركه

**Innocent** · 17 - 4 - 2010, 10:30 PM

مش معقوله التشائم ده يا مرهف كل التوبكات كده مافيش توبك فيه امل خاااااااالص

ثانكس على التوبك بس خلتنى افكر اهاجر

الموضوع: المصرى و العفريت !

أدوات الموضوع

المصرى و العفريت !

معلومات الموضوع

الأعضاء الذين يشاهدون هذا الموضوع

المواضيع المتشابهه

ارجو التثبيت : عند تغسيل هذا الميت وجدوا على كتفه وشم؟؟؟؟

لقيت الفانوس مرة ودعكته طلعلى عفريت

ياجداعان عايز رايكم بسرعه ياريت ياريت ياجداعان بجد مهم جدا ؟

أنا جيت وبالحب عالباب دقيت هستنى كتير عالباب ؟؟

الموسوعه الاسلاميه الضخمه ياريت يتم تثبيت

الكلمات الدلالية لهذا الموضوع

ضوابط المشاركة