دلع سياسى((الي يلاقي دلع وميدلعش))

**SCREEM** · 13 - 4 - 2010, 12:21 PM

الدلع السياسى

قالوا زمان ..يبقى غلطان أللى يلاقى دلع ومايدلعش..فكثير منا يحب الدلع وخاصة الجنس اللطيف والأطفال وكل من كتب عليهم الشقى والبعض يرفض الدلع بأى صورة من الصور حتى لو كان من أقرب الناس لهم
ولكن أن يكون الدلع جماعى من أسكندرية حتى أسوان فهذا نهج جديد لم يشهده شعب فى الدنيا غير شعب مصر فى هذه الحقبة الفلته من التاريخ المعاصر.. نعم مرت بنا فترات أدلعنا فيها على يد المستعمرين والمستبدين ولكن لا تقارن بما ينعم به الشعب الأن من دلع وطنى على يد الحزب الوطنى الذى دلعنا على مدى 30 عاما مضت متصلة بعرض مستمر لاينقطع ولو حتى بفاصل أعلانى
وكان نتيجة هذا الدلع أن تجرأ الشعب وخرج فى مظاهرات وأعتصامات ووقفات أحتجاجية وأضرابات وأنبثقت من داخل الجماهير حركات مشاغبة مثل كفاية والجمعية العامة من أجل التغيير ناكرين فضل سادتنا الذين حرصوا على تدلعينا ليلا ونهارا وهذا يرجع لزيادة جرعة الدلع فى الأونة الأخيرة مما أفسد هذا الشعب الذى يجب أن يكون معه وقفة جاده ومنع الدلع من هنا ورايح .. وأصاب هذا التجرأ نفسية وزراء الحكومة مما جعلهم محبطين ويقول لسان حالهم فى السر والعلن : ده كله نتيجة الدلع
سألوا يوسف بطرس غالى وزير الماليه أن يجد حلا لموظفى الضرائب العقارية
المعتصمين أمام مصلحة الضرائب منذ شهر مضى أن يلبى مطالبهم فأجاب بكل ثقة : دى عالم بتدلع..وعندما سألوا الوزيرة عائشة عبد الهادى أن تحضر لمناقشة مطالب عمال المحلة رفضت الحضور وقالت دى ناس بتدلع حتى الوزير الجديد أحمد زكى بدر (بدر الجمالى ) أعلنها صريحة أنه سيوقف الدلع فى المدارس والعوده للعصى لمن عصى وباقى الوزراء من صحة وزراعة وثقافة وغيرهم يشجبون بشده أثار الدلع التى ظهرت مؤخرا على الشعب المصرى
وعندما أعتصم سكان حى الدويقة أمام ديوان عام محافظة القاهرة للحصول على مساكن بدلا من التى هدمتها المحاقظة نظر إليهم المحافظ وهو يتحداهم وهو يقول :والله لو قعدتم هنا 100 سنه .. أنتم عالم بتدلع
وتأتى حبيبتنا أمريكا من خلف المحيط وتطالب بكل ثقة وجبروت الدوله العظمى وعمدة الكرة الأرضيه أن تتوقف الحكومة عن ممارسة الدلع مع شعبها وكأننا ولاية من ولايتها ولكن حكومتنا الهمامة الشجاعة الوطنيه أسما وفعلا رفضت بكل أباء وشمم أى تدخل فى شأنها الداخلى فهى حرة تدلع شعبها بمعرفتها ولا دخل لأحد (شعبى أنا حره فيه أفرده وأكويه )
فعندما تنتشر البطاله ويجلس العاطلين على القهاوى فهذا دلع حكومى للشباب لأراحته من عناء العمل .. وعندما تختفى معظم المواد الغذائية أو ترتفع أسعارها ولا يقدر الفقير على شرائها فهذا دلع حكومى مدبر حفاظا على صحة الشعب من أمراض المعدة والكليسترول عملا بمبدأ جوعوا تصحوا ..فيه بعد كده دلع بالذمة
وعندما تمتلء صناديق الأنتخابات ببطاقات مزوره للموتى والأحياء فهى تقوم بتدليع الناخبين وتوفر عليهم عناء الوقوف فى طوابير اللجان
وعندما تعين وزرائها من رجال المال والأعمال فهى تدلعهم بدلا من الجرى وراء المسؤلين ودفع الرشاوى لتسهيل الأعمال فما عليه غير التوقيع والختم فى الدرج
وعندما تفتعل الأزمات مثل الخبز والبوتاجاز والسولار فهو دلع من نوع آخر للحفاظ على الليقة البدنيه لشعبها الحبيب وتريبه على الجرى والمصارعة وحمل الأثقال فيه بعد كده دلع
وعندما ترفع الأسعار لجميع الخدمات والمرافق ووسائل المواصلات فهى تنمى داخل الشعب الواعظ الدينى باللجوء إلى الأضرحة والمساجد والكنائس للدعاء والتقرب لله وتبث فيه فضيلة الصبر على المكاره التى تفتح لصاحبها أبواب جنة عرضها السموات والأرض أعدت للصابرين
ولو قعدنا نعد فضائل الحكومة فى شتى المجالات لعرفنا بأننا أدلعنا مافيه الكفاية
ولم يتبقى فى حياتنا شيئا لم تدلعه الحكومة وبالرغم من هذا كرهنا هذا الدلع الماسخ الذى عافته الأنفس

كفاية كده أحسن منظرنا حندلع آخر دلع عند حبايبنا

01.jpg

طبعا هو ده الموضوع انا بتكلم عن مدحت شلبي لحسن حد يكون فاكر اني بتكلم عن مصر حاشه لله

%D9%85%D8%AF%D8%AD%D8%AA+%D8%B4%D9%84%D8%A8%D9%89.jpg

ده احنا هنرقص رقص

**عفريت أفندى** · 13 - 4 - 2010, 01:07 PM

شوف يا سكريم

هما كلمتين

هشتكنا و بشتكنا يا ريس

ده انت رئيس و النعمه كويس

**SCREEM** · 13 - 4 - 2010, 01:28 PM

المشاركة الأصلية كتبت بواسطة مرهف الاحساس

شوف يا سكريم

هما كلمتين

هشتكنا و بشتكنا يا ريس

ده انت رئيس و النعمه كويس

هو في احسن من كده هشتكه

الف شكر لمرورك ياحج

**ايسل** · 13 - 4 - 2010, 03:48 PM

تصدق انى من اول كلمه قريتها فى الموضوع عارفه انك بتتكلم على مدحت

على رأى جدتى دلع مرئ دلعهم ماسخ مالوش ملامح واحنا عملنا بمقولة اللى يشوف دلع وما يدلعش يبقى فقرى وافقنا نسيبهم يدلعونا بمزاجهم مش بمزاجنا بس هانت الايام دول
ودورهم جاى وهيشوفوا احنا هندلعهم ازاى
اقصد مدحت طبعا ياحاج

تسلم سكريم على كمية الدلع اللى خلتنا نقراها

**SCREEM** · 13 - 4 - 2010, 11:15 PM

المشاركة الأصلية كتبت بواسطة ايسل

تصدق انى من اول كلمه قريتها فى الموضوع عارفه انك بتتكلم على مدحت

على رأى جدتى دلع مرئ دلعهم ماسخ مالوش ملامح واحنا عملنا بمقولة اللى يشوف دلع وما يدلعش يبقى فقرى وافقنا نسيبهم يدلعونا بمزاجهم مش بمزاجنا بس هانت الايام دول
ودورهم جاى وهيشوفوا احنا هندلعهم ازاى
اقصد مدحت طبعا ياحاج

تسلم سكريم على كمية الدلع اللى خلتنا نقراها

دي حاجه بسيطه انتي لسه شوفتي حاجه الدلع لسه جاي ... ياما نفسي اشوفك يا.... يامدحت طبعا .. عشان هعمل؟؟ ولا بلاش

الف شكر لمرورك انتي وجدتك عالموضوع

نورتي

**براكودا** · 14 - 4 - 2010, 02:32 AM

قبل ما تحلم فوق ... احلم وانتا فايق
قبل ما تطلع فوق ... انزل للحقايق

**SCREEM** · 14 - 4 - 2010, 11:40 PM

المشاركة الأصلية كتبت بواسطة براكودا

قبل ما تحلم فوق ... احلم وانتا فايق
قبل ما تطلع فوق ... انزل للحقايق

شكرا علي مرورك بس انا مش فاهم انت تقصد ايه

**براكودا** · 15 - 4 - 2010, 01:29 AM

اقصد ان الشعب صعب يدلع الحكومة

**SCREEM** · 15 - 4 - 2010, 06:21 PM

المشاركة الأصلية كتبت بواسطة براكودا

اقصد ان الشعب صعب يدلع الحكومة

مين الي قال كده اظن الي بيحصل اليومين وشكل الحكومه وهي بتلف حوالين نفسها عشان كل واحد فيهم يحاول يعمل حاجه عشان الكرسي بتاعه ميزولش افضل دليل ان الشعب ابتدي يدلع الحكومه

شكرا علي مرورك

**مسافر عبر الازمان** · 15 - 4 - 2010, 06:37 PM

ههههههههههههههههههه
وحشتنى اسكريم
والله دلع مرئ
قلتلك انت هتقفل المنتدى ده
ادعى معايا ربنا يسترها علينا

الموضوع: دلع سياسى((الي يلاقي دلع وميدلعش))

أدوات الموضوع

دلع سياسى((الي يلاقي دلع وميدلعش))

معلومات الموضوع

الأعضاء الذين يشاهدون هذا الموضوع

المواضيع المتشابهه

سيارة التعليم : سق بنفسك السيارة وتعلم مباشرة قيادة السيارة

الكلمات الدلالية لهذا الموضوع

ضوابط المشاركة