ارشح مين طيب؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

[ايسل]

لو كان البرادعي أحد المرشحين للرئاسة في إنتخابات نزيهة و ديموفراطية ليس بها حسني مبارك ولا ولده
فلن أنتخب البرادعي رئيسا
أنا أري ان البرادعي رجل سياسة و دبلوماسية زيادة عن اللزوم و في رأيي أنه طيلة حياتة العملية لم يكن إلا شخشيخة في يد قوى أخري
فالبرادعي صاحب نوبل حصل عليها لانة إستطاع أن يقلم أظافر العراق هو و هانز بلكس الرئيس السابق للوكالة الدولية للطاقة الذرية فقد قام البرادعي منذ تولية رئاسة الوكالة بل و قبلها بتقليع و تدمير البرنامج النووي العراقي
منفذا رغبة القوي العظمي أمريكا و الغرب و بالطبع لأنه عالم في القانون الدولي كان يقوم بعملة في تصفية البرنامج النووي العراقي بمنتهي الهدوء و راحة البال لانه ينفذ القانون في حين أنه لم يحاول أنه حتى يزعج إسرائيل أو يقلقها بحجة أنها لم توقع على أي أتفاقية دولية تسمح لاي حد أنه يقولها بم أو يقولها هنفتش و لا حتى نشوف
في حين أنه جند الوكالة الدولية و كان يتم أخذ صورا بالأقمار الصناعية للمواقع العراقية عندما حاولت أمريكا غزو العراق عام 2003 و لم يعجب ذلك الأوروبيين كان للبرادعي دورا و تم إستخدامة كشخشيخة مرة أخري و أعلن في تقريرة أمام الأمم المتحدة أن فريق الوكالة لم يجد أي أسلحة نووية في العراق و أن الأسلحة العراقية تم تدميرها في التسعينات ....و غضبت أمريكا على البرادعي و أصبح هو عند البعض بطلا في حين أنه لم يكن ينفذ إلا الرغبة الأوروبية مدعوما بحنكتة الدبلوماسية و القانونية و تقرير فريق الوكالة .

اما عن مصرفقد ظل البرادعي صامتا و ينأي بنفسة عن أي حديث عن مصر و لم يحاول حتى أن يساعد مصر في برنامجها النووي السلمي و يدعمها بخبرتة القانونية في هذا المجال و لم يتذكر البرادعى مصر و اللي في مصر إلا منذ شهور قليلة
لم يحاول البرادعي حتى أن يعلق على ما كان يحدث بمصر و لا أعتقد أن موقعة كرئيس لهيئة دولية قد يمنعة من المشاركة و لو حتة بالرأي سلبا أو إيجابا فيما جري و هو من موقعة الدولي كان يمكن أن يكون له تأثيرا و ضغطا في إتجاة الإصلاح إلا أنة ظل صامتا دبلوماسيا و الان لماذا إستيقظ فجأة و تذكر أن في بلد إسمها مصر هي بلده و أن مصر فيها فساد و غش في الأنتخابات و طواريء و فقر و قهر و جهل و بدأ البرادعي يتكلم هل ضميرة صحي فجأة .
مش عيب إنة بيتكلم و مشكور جدا إنة بيتكلم و كلامة حلو أوي و دبلوماسي لكن بالنسبة لي إنت إتأخرت أوي يا برادعي و في بيئة ديموقراطية قد يصلح البرادعي ليكون مستشارا لرئيس المنتخب فيما يخص تعديل الدستور و القوانين بحكم دراستة و خبرتة.
البرادعي مصري نسي مصر على الأخر و رجع إفتكرها فجأة بعد لما وصل و حقق طموحة و احلامه اللي مصر مكنتش فيها و دلوقتي مبقاش في حاجة عايزها أكتر من كده و مش خايف على حاجة .
اللي نسي مصر كل ده مينفعش أفتكرة و أدي له صوتي
طيب لو مرشحتوش هرشح مين

هو احنا معندناش من ده

[مصطفى ابوليله]

ايسل اولا انا بشكرك جدا على الموضوع الفوق راع دة
ثانيا مبارك خلاص دمر البلد فلازم حد غيرة
وميفعش يبقى ابنه
احنا بندور على التغير وليست التوريث
البردعى انشاء الله هيحافظ على البلد ويحاول ينظفها شويه
من الوساخه اللى فيها واحنا مقدمناش حد غيرة
ولو جمال مسك البلد هتقوم ثوره
والله الشعب خلاص مبقاش قادر يستحمل
انا اسف على الاطاله
وتقبلى مرورى

[هشام اللول1]

شكرا يا ايسل علي موضوعك الجميل ده
هو البرادعي فعلا مش هو الشخصيه اللي مفروض تمسك مصر
لانه فعلا ميعرفش عن مصر كتير زي اللي عاش فيه
بس اسمحي ليه يا ايسل
انه اقول الراجل كتر الف خيره انه بيتكلم وبيحول يعمل تغيير
وانا حاسس انه ممكن يعمل
حاجه يعني لو غير الدستور يبقي مش بيغير الدستور لنفسه بيغيروا للشعب

وبجد انا مش شايف حد يمسك البلد خااااااااااااالص
المفروض كل واحد يمسك نفسه ويبقي رئيس علي نفسه


شكرا لموضوعك يا ايسل
وربنا معانا ويتولنا برحمته

[طيف الامل]

انا معاك فى كل كلمة ايسيل وانا بحترم راى بقيت الاعضاء بس انا مختلف معاهم مش معنى ان البرادعى اتكلم كلمتين حلوين يبقى هو حلو انا عاوز اعرف حاجة هو البرادعى يعرف ايه عن مصر وبعدين الموضوع مش موضوع كلام مهو حسنى قبل الانتخبات بيتكلم كلام زى العسل وبيفرش الارض طحينه وبعدين ايه الى بيحصل كل بيضيع وانا فى نظرى ان البرادعى لو مسك مصر هتخرب اكتر ماهى خربانة موضوعك رائع

[maahes]

موضوع طيب ايسل كالعادة ولكن اسمحي لي اترك تعليق على هذا الموضوع
ألا وهو بكل بساطة :
كل اللي ذكرتيه كويس وطيب وقريب بدرجة كبيرة جدا من الصحة بل هو صحيح تمام ولكن، صدقيني كل اللي موجود على الساحة مينفعش يمسك مصر .
لأن ببساطة شديدة لو كان ظاهره فى البداية ينفع كما يعتقد الاخ هشام والاخ مصطفى ولكن الموضوع موضوع وقت فقط وسيصبح شخشخة زاي اللي قبله للقوى العظمى واللي متعشم خير فى البرداعي او غيره يبقى غلطان.
الحدق يفهم:
كلمة أخيرة من أراد بناء مبنى ضخم من عدة طوابق يبدأ من الاساس فيقوم ببناء اساس يتحمل هذه الطوابق
جزاك الله خيرا وبارك الله فيكي
مـــــحـــــمد

[SCREEM]

موضوع ممتاز ايسل

انا مش مع البرادعي ولا مع غيره بس لحد دلوقتي مبانش ان حد هيرشح نفسه غيره يمكن قدام شويه يطلع حد يكون احسن منه لسه بدري شويه وصعب ان حد يقول ان البرادعي بس هو الي يرشح نفسه انا يهمني بس ان الراجل الطيب الي ماسكنا ده يسيب الكرسي الي متبت فيه ويجي حد غيره عالاقل يراعي مصالح مصر الداخليه والمواطنين الغلابه وحقهم المهدور ف البلد مش حد كل همه ينهب فيها اي نعم هو ولا غيره هيبقي شخشيخه في ايد امريكا بس للاسف هو ده الواقع وصعب يتغير في الوقت الحالي
تقبلي مروري

[براكودا]

تسلمي يا ايسيل يا غالية على موضوع الجميل ده
دا البرادعي كمان بيدعم حق الاخوان المسلمين في اقامة حزب سياسي رسمي
متجاهلا خطورة قيام الاحزاب السياسية على اساس ديني
وشكرا لموضوعك

[عفريت أفندى]

ايسل

مين قال البرادعى مش يعرف حاجه عن مصر؟ عشان عاش بره يبقى مش يعرف حاجه ؟ فى ناس كتير عايشين بره مصر و يعرفوا عنها اكتر من اللى عايشين جوه مصر

كمان مين قال انه سبب ف تدمير العراق ؟؟ صدام هو السبب مش البرادعى لعبة السياسه و موازيين القوى كمان هى السبب فى كل ما يخص المنطقه العربيه

و كمان المجتمع الدولى و الحكام العرب هما السبب فى تدليع اسرائيل و معاملتها كأنها طفل مدلل يحق لها ان تفعل ما لا يحق للعرب

أرجو عدم تحميل البرادعى أخطاء غيره من الحكااااااااااام

البرادعى بحكم و طبيعة عمله كمدير للوكاله الدوليه للطاقه الذريه يلزمه أن يكون على الحياد لا يتدخل فيما يجرى من حوله من سياسات الدول بما فيها مصر و ده بروتوكول و شرط من أساس وظيفته

و بغض النظر عن كل هذا اعتقد ان ما قام به البرادعى فى الأيام القليله الماضيه قد شجع الكثير من المصريين و عامة الشعب على الدخول فى مجال السياسه و التعبير عن حقوقهم المشروعه

كما انا ما يطالب به البرادعى من تعديلات دستوريه و عدل إجتماعى هو ما يحلم به كل مصرى ذاق الذل و الهوان و عانى من الفساد

يكفى ان يطالب برقابه دوليه على الانتخابات لضمان نزاهتها و البعد عن التزوير و فبركة صناديق الانتخاب و النتيجه اللى مش بنشوفها غير فى مصر و بس

كما ان البرادعى هو الوحيد الذى طالب بحق التصويت لكل مصرى خارج البلاد
تصورى عدد المصريين ف الخارج يزيد على 6 ملايين مصرى معظمهم مثقفين و متعلمين و اصحاب فكر و رأى لأنهم بعدوا عن البلد و عن الظلم و الفساد اللى فيها تخيلى لو انهم كان لهم حق التصويت أعتقد انهم سيكون لهم وزن و ثقل فى لعبة الانتخابات و سيشكلون قوة لا يستهان بها

كمان كفايه استبداد و ظلم و فساد ووعود بدون فايده و نتايج عكسيه ف كل المجالات

عاوزيين التغيير

عاوزيين الإصلاح

عاوزين نحس إن لينا أهميه فى مستقبل بلدنا

ييجى الاصلاح عن طريق البرادعى او عن طريق الجن الأزرق او من جوه البلد او من بره البلد مش مهم

المهم إنه ييجى و إن الهدف و الغايه تتحقق و مش مهم عن طريق مين

الحريه و الديمقراطيه و العداله الاجتماعيه تتطلب التضحيه و لها ثمن و لازم ندفعه عشان سكتنا كتير لحد ما طفح الكيل من زمااااااااااان

و اخيرا

بارك الله فيكى و مشكوره على طرحك للموضوع

و تقبلى مرورى و رايى الشخصى

دمت بود و إحترام و تقدير

[طيف الامل]

ايسل

مين قال البرادعى مش يعرف حاجه عن مصر؟ عشان عاش بره يبقى مش يعرف حاجه ؟ فى ناس كتير عايشين بره مصر و يعرفوا عنها اكتر من اللى عايشين جوه مصر

كمان مين قال انه سبب ف تدمير العراق ؟؟ صدام هو السبب مش البرادعى لعبة السياسه و موازيين القوى كمان هى السبب فى كل ما يخص المنطقه العربيه

و كمان المجتمع الدولى و الحكام العرب هما السبب فى تدليع اسرائيل و معاملتها كأنها طفل مدلل يحق لها ان تفعل ما لا يحق للعرب

أرجو عدم تحميل البرادعى أخطاء غيره من الحكااااااااااام

البرادعى بحكم و طبيعة عمله كمدير للوكاله الدوليه للطاقه الذريه يلزمه أن يكون على الحياد لا يتدخل فيما يجرى من حوله من سياسات الدول بما فيها مصر و ده بروتوكول و شرط من أساس وظيفته

و بغض النظر عن كل هذا اعتقد ان ما قام به البرادعى فى الأيام القليله الماضيه قد شجع الكثير من المصريين و عامة الشعب على الدخول فى مجال السياسه و التعبير عن حقوقهم المشروعه

كما انا ما يطالب به البرادعى من تعديلات دستوريه و عدل إجتماعى هو ما يحلم به كل مصرى ذاق الذل و الهوان و عانى من الفساد

يكفى ان يطالب برقابه دوليه على الانتخابات لضمان نزاهتها و البعد عن التزوير و فبركة صناديق الانتخاب و النتيجه اللى مش بنشوفها غير فى مصر و بس

كما ان البرادعى هو الوحيد الذى طالب بحق التصويت لكل مصرى خارج البلاد
تصورى عدد المصريين ف الخارج يزيد على 6 ملايين مصرى معظمهم مثقفين و متعلمين و اصحاب فكر و رأى لأنهم بعدوا عن البلد و عن الظلم و الفساد اللى فيها تخيلى لو انهم كان لهم حق التصويت أعتقد انهم سيكون لهم وزن و ثقل فى لعبة الانتخابات و سيشكلون قوة لا يستهان بها

كمان كفايه استبداد و ظلم و فساد ووعود بدون فايده و نتايج عكسيه ف كل المجالات

عاوزيين التغيير

عاوزيين الإصلاح

عاوزين نحس إن لينا أهميه فى مستقبل بلدنا

ييجى الاصلاح عن طريق البرادعى او عن طريق الجن الأزرق او من جوه البلد او من بره البلد مش مهم

المهم إنه ييجى و إن الهدف و الغايه تتحقق و مش مهم عن طريق مين

الحريه و الديمقراطيه و العداله الاجتماعيه تتطلب التضحيه و لها ثمن و لازم ندفعه عشان سكتنا كتير لحد ما طفح الكيل من زمااااااااااان

و اخيرا

بارك الله فيكى و مشكوره على طرحك للموضوع

و تقبلى مرورى و رايى الشخصى

دمت بود و إحترام و تقدير

اختلاف الراى لا يفسد للود قضية
هو انا اسيبها لما تغرق وبعدين اقول انا جاى انقذها تسلم حبيب قلبى

[عفريت أفندى]

اختلاف الراى لا يفسد للود قضية
هو انا اسيبها لما تغرق وبعدين اقول انا جاى انقذها تسلم حبيب قلبى

فعلا يا طيف

الإختلاف فى الرأى لا يفسد للود قضيه

و فعلا هى غرقت من زمااااااااااااااان

و كلنا السبب فى غرقها

و ع الأقل البرادعى رجع و بيحاول انقاذها

لو قدر يبقى خير

لو ماقدرش يبقى ربنا يجازيه على محاولته و إجتهاده

الدور و الباقى ع اللى عايشين فيها و هى غرقانه و ساكتين

صمت رهيب

و زى ما قلت يا حبيب قلبى

الإختلاف فى الرأى لا يفسد للود قضيه