ارشح مين طيب؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

[براكودا]

أخي الكريم براكود لقد سبق واعتذرت واكرر اعتذاري وأسفي ومشكوووووووورة أختي ايسل لتقدير موقفي مشكوووووووورة والله يعطيك ألف عافية

انا اللي آسف لاني مشفتش الصفحة الثالثة الموجود بها الاعتذار
دمتي بود واحترام

[براكودا]

لأ وايه يا ميتو ال رايح يقابل الجاليه المصريه فى امريكا علشان يوصل وجهة نظره طب يا عم الحاج البرادعى
شوف الجاليه المصريه اللى عايشه فى مصر متغربه فى بلدها وصل ليهم وجهة نظرك ولو اقتنعوا هيقفوا جنبك بأروحهم بس شكله كده بيكلم الناس
الهاى بيكلمهم بالشوكه والسكينه
ربنا معاه بقى
بس بقولك يا ميتو انا مش معاك فى عمرو موسى وعمر سليمان
ماله جمال مبارك زى الفل
ولا احمد عز فلين
ولا ايه رايكم فى رجب حميده
بجد انا عايزه واحد زى رجب طيب اردوغان ومصممه وهعيش على الامل يمكن يظهر فى اخر لحظه ربنا كبير
شكرا يا ميتو لمرورك

والله مصر يا ايسيل فيها زي اردوغان واحسن
بس محدش منهم بيفكر انه يرشح نفسه

[طيف الامل]

والله هو احمد عز لو نزل سعر الحديد ل 1000 جنية ساعتها الواحد ممكن يفكر ، ويا سلام لو نزل الحديد في البطاقة التموينية ، دا انا ابصملة بالعشرة

هو ده الكلام براكودا بس انت ليه ماسك فى الف جنيه مكنتش نزلت السعر شوي واحنا يا عم مش طماعين ومش عوزينه ينزل فى البطاقة كفايه الشاى والسكر والزيت الى مبيكفوش الشهر احنا نتفق معاه يخليه بستمياية والله يباركله فى المكسب واهو نتفق بالمرة مع بتوع الاسمنت يمكن ربنا يحنن قلوبهم علينا فى فترة التغيييييييييييير

[طيف الامل]

بقولك ايه ايسيل حاولى تسحبى الموضوع ده او تشوفيلك مكان تستخبى فيه لان انا شمت خبر كده بيقولو من الى بيقول التغير ده وبيحاولة يعرفو شخصيته وهيجبوه من ........وانا عن نفسى لقيت مكان ادرى فيه اصل احنا شعب عريق جذوره ثابته فى الارض مهما حصل مش هيتغير هيفتل اصيل والقطنة مبتكدبش
اللهم قد بلغت اللهم فا شهد

[عفريت أفندى]

والله هو احمد عز لو نزل سعر الحديد ل 1000 جنية ساعتها الواحد ممكن يفكر ، ويا سلام لو نزل الحديد في البطاقة التموينية ، دا انا ابصملة بالعشرة

الله عليك يا براكودا

و انا كمان معاك إنت و طيف

أبصم بالعشره اللى ف ايدى و العشره اللى ف رجلى مش خساره فيه ده الغاااااااااااااااااالى علينا غالى

[hadede]

سؤال فى منتهى البراءة

ممكن الاستيراد

لو ممكن نستورد من الصين

مليون واحد على التسعين مليون اللى عندنا

وبعدين نفضل الف سنة عشان نختار

دا مجرد اقتراح

تسلم الايادى ايسل

[maahes]

ايه ياجماعة الموضوع مولع كده ليه هو كل ده عشان التغيير مافيش اسهل منه بس الواحد ماعندوش نفس عشان يغير الجو حلو يعني ومش حار
بجد الواحد قرف من كلاب الحكومة دوول بس والله ياجماعة البرادعي زيه زاي غيره لا هيغير ولا هيعمل حاجة تعالوا كده مع بعض نتذكر مثالين بسيطين :
أولهما /من عندنا مثال الانتخابات سواء كان مجلس الكعب او السورى ، تعالوا كده ننظر للأعضاء اللي بيرشحوا نفسهم وقت الانتخابات يبقى هاين عليهم يشيلونا فوق رؤوسهم ويجيبلونا لبن العصفور ويبقوا وقتها الملايكة اللي نازلين لنا لكي يسعدونا طيب بعد نجاحهم فى الانتخابات يبقى حد يقابلني لو شافهم تاني قبل الانتخابات القادمة اذا كان هيرشح نفسه وتتلاشى الوعود.
ثاني مثال / هنستورده من امريكا ننظر لوعود الرئيس الامريكي كاراك اوكاما ده فى اول ترشيحه وبعد نجاحه مباشرة كانت وعوده شيء لايوصف وكانت احلام وردية ، طيب بعد نجاحه بشوية اصبح الكلب اوباما عند الناس اللي تغشوا فيه من الاول الناس اللي بتنساق وراء المتكلمين فقط ومااكثرهم.
هذه هي الصورة الحقيقية سواء كان للبرادعي او غيره اذا ترشح .
اما موضوع الالتفات حوله من قبل كل السياسين وكل الشعب وكل الاحزاب الذي ذكره احد الاعضاء فى رده أقول له هذا امر طبيعي من شعب عايز التغيير من اي مكان بأي شخص هو عايز البرادعي مش عشان خاطر البرادعي يصلح او لا يصلح ولكان هو عايز يشيل آل مبارك وخلاص وانا معاهم ولكن ليست هذه هي الطريقة.
اذكر مرة فى انتخابات الرئاسة الماضية كان احد المرشحين واسمه ايمن ضلمة قصدي نور كان احد الاصدقاء الذي يؤيد فكر الاخوان قد قابلني قبل الانتخابات سألني انت هترشح مين؟
قلت له لاارى احد يستحق اني ارشحه !فاستغرب
فقال لي : رشح ايمن نور قلت له اشمعنى ايمن نور ؟ قال لي لأنه رجل ليبرالي .
قلت وانت عارف يعني ايه رجل ليبرالي ؟ قال لي طبعا يعني كل حاجة عنده مباحة واعمل اللي انت عايزه متدين خليك متدين سكير خليك سكير داعر ابقى كذلك وقيس على هذا .
قلت عجبا هذا هو التغيير.
لما سقت هذه القصة لكي نرى جميعا فكر الناس الهدف فقط التغيير دون وضع اساس ليه.
عارف اني اطالت عليكم ولكن سامحوني .
الاخت ايسل عايزة واحد زاي اردوغان انا شخصيا احب هذا الرجل ولكن مش هو ده مقياس من يحكمنا او هي دي المواصفات.
لأن زاي مافيه اشخاص كتير هيتفقوا معانا فيه بردوا كتير اللي هيختلف معانا والسبب هو المقياس الموضوع فى اختيار الشخص. لكن لو كان المقياس الموضوع فى اختيار الشخص مقياس رباني بحت يكون المختلف فيه وقتها لا يهمنا رأيه لأن لو رجعتي لأصل هذا المختلف سوف تجديه شخص فى الاصل فاسق او داعر او ماشابه ذلك شخص علماني وقيسي على هذا .
اذا المفترض اننا نتفق اولا على المقياس الذي سنقيس بيه مواصفات المرشح وبعد ذلك نختار من يصلح.
اسف مرة تانية على الاطالة وهذا رأييالذي أراه صحيح يحتمل الخطأ ويراه غيري خطأ يحتمل الصحة.
جزاكي الله خيرا ايسل وبارك الله فيكي على الموضوع المولع ده
مـحـمد

[ايسل]

اذا المفترض اننا نتفق اولا على المقياس الذي سنقيس بيه مواصفات المرشح وبعد ذلك نختار من يصلح.

محمد هل تريد ان يجتمع شعب ليتفق على المقايس ثم يختار على اساسها وما هى المقايس؟؟؟؟؟؟
الأجابه ستجدها عند كل فر د فى المجتمع بدون ان يتفقوا
هيقولولك عايزين نعيش يعرف يعيشنا زى باقى البشر
اللى يختارهم معاه ليساعدوه ميكنش فى وسطهم الفاسد واللص وعايزينه يعيشنا فى بلدنا وخارج بلدنا بكرامه
ويبقى كده ربنا بيحبنا قوى لو لقينا الشخص ده هى دى مقايس الشعب المصرى الغلبان اللى عايز يعيش ثم قولى فين الاختيارات اللى قدامنا علشان نختار حتى البرادعى اللى قالبين الدنيا عليه مش هيعرف يرشح نفسه يعنى هيكون قدامنا خيارين لجمال مبارك لأما الراجل اللى كان لأبس طربوش
ورشح نفسه المره اللى فاتت واختار يا حاج
يا محمد الناس عايزه تغيير واى حد عارف ليه علشان تحس ان مصر مش مملكه ولا عزبه وبعدين لما يحسوا انهم غيروا مره بعدها هيعرفوا يضعوا المقايس ويختاروا صح
الله يكون فى عون الشعب الغلبان اللى هيعيش على امل وهيصحى على كابوس
شكرا محمد لمرورك

[ايسل]

سؤال فى منتهى البراءة

ممكن الاستيراد

لو ممكن نستورد من الصين

مليون واحد على التسعين مليون اللى عندنا

وبعدين نفضل الف سنة عشان نختار

دا مجرد اقتراح

صدقنى شاعرنا عماد هيقعدوا الف سنه علشان يختاروا علشان مفيش قدامهم اختيارات يعنى محتارين علشا بيختاروا بين لأما نموت لأما نموت علشان كده عمرهم ما هياخدوا قرار
كان الله فى عونا
شكرا عماد لمرورك نورتنى

[سعيد الفيشاوى]

مش هطول كتير ايسل
كلكم متفقين على التغيير!
من زمان قوى واحنا بنتكلم على التغيير,
من زمان قوى واحنا بنحاول نغير,
هل فعلا بنغير؟
هل نسبه النجاح فى الانتخابات بتكون 99/99
سواء انتخابات الرئاسه او حتى مجلس الشعب
النسبه دى بتكون صحيحه؟
ـــــــــــــــــــــــــ ـــــــــــــــــــــــــ ـــــ
البـــــرادعـــــى
بتقولو مايعرفش حاجه عن مصر.
وبتقولو يعرف عن مصر اكتر من اللى موجودين فى مصر !!!!!
يعرف انت بقالك كام سنه قاعد اما على القهوه او بتدور على شغل؟
يعرف ان انت لمل ربنا اكرمك وعملت مشروع الحكومه بتعمل فيك ايه؟
يعرف انك لما زهقت من المشروع واشتغلت فى القطاع الخاص عملو فيك ايه؟
يعرف انك لما بتدخل اسم شرطه بيتعمل فيك ايه؟
يعرف انك لما بتتظلم من مسؤل بتاخد حقك ولا لا؟
ممكن يعرف كل ده,,,,,,,,,,,
من النت والفضائيات وغيره
لكــــــــــــــــــن
ممكن يكون اكل رغيف عيش مدعم زى اللى انت بتاكله؟
ركب الاتوبيس اللى انت بتركبه؟
حس بالموظف اللى بيقبض 400او500 جنيه.
بياكل ويشرب ويسكن ويلبس ويتعالج هو واولاده منهم؟
حاسس بيك كمواطن مقهور مزلول فى بلده؟
ـــــــــــــــــــــ
وبعدين بتقولو ان صدام هو اللى عمل فى العراق كده!!!
فى حكم صدام كنت ترى او تسمع ما تراه وتسمعه الان؟
ـــــــــــــــــــ
وبعدين انت مصممه على واحد زى اردوغان!
اردوغان (تركى )
بيحب بلده....شفتى عمل ايه مع اسرائيل لما اهانو السفير التركى
احنا وزير الخارجيه اضرب بالجزمه بره (وعادى) مفيش مشاكل

ــــــــ
اقلكم على موقف حصل مع والد صديق لى
سافر الخليج اعاره من اكثر من 30 سنه تقريباهو مدرس
دخل الفصل لقى طالب كاتب على السبوره(مصرى+فول =حمار)
سأل مين اللى كتب الكلام ده؟
لم يجبه احد
مسح السبوره وكتب( اسم البلد- بترول=كلب)
وخرج من الفصل وصل الكلام لاداره المدرسه
طلبو منه ان يتقدم باعتزار رسمى للطالب والمدرسه والدوله
طلب منهم ان تتقدم اداره المدرسه باعتزار رسمى له ولمصر قبل ان يقدم اعتزاره
فى اليوم التالى كان يجلس فى بيته فى مصر ولم يعتزر
ــــــــــ
هذا هو المصرى
نريد رجل يحب هذا البلد
يحس بهذا الشعب
نريد رجلا مصريا ولد وعاش فى هذا البلد
اكل من خيره وشرب من نيله اللى قرب يتقطع عنا


واخيرا اسف على الاطاله