يبقى انت اكيد اكيد ف مصر

[ابن البحر]

لوف مرة كنت ماشى ف حال سبيلك
وفجأه لقيت نفسك تايه
ومش عارف انت فين
ولقيت الحاجات دى
يبقى لا زم تعرف
ان انت أكيد أكييييد فى مصر

WELCOME TO CAIRO




•
لما تقرى على الميكروباصات جمل مكتوبة بخط اليد هى خلاصة التجربة والحكمة البشرية زى " يا سلام لو الناس تبطل كلام " " ما تبصليش بأيامه دا انا بجرى على يتامى " – " الحلو حلو ولو صحى من النوم " – " الحاسد ربنا يعينه " – " يا بركة دعاكى يامه " – " يقينى بالله يقينى" – " كل واحد عاجبه عقله " – " ما حدش فاهم حاجة " – " لا افتخار ولا غنى دى من ربنا " – " للبيع عشان ترتاحوا " .

[CENTER]

• لما تلاقى أعمدة النور منورة بالنهار بنورها الاصفر زى كوبايات ينسون ايزيس أورجانيك .

• لما تلاقى نفس العواميد دى مطفية بالليل .

• لما تقرا أسماء شوارع وماتعرفش مين الناس دى " ميدان لاظوغلى " " شارع نوال " " شارع ابن الوز عوام " .

•لما تكون إشارة المرور معمولة مخصوص عشان الواحد يكسرها .

• لما اى حد يسألك عن أى حاجة بس بصيغه دينية زى " الساعه كام والله ؟ " - أو " والنبى شارع طلعت حرب إزاى؟ " – فحد يجاويه ب " على طول إن شاء الله " .

• لما تقف بعربيتك ف الاشارة جمب ميكروباص وتلاقى كل الركاب بيبصوا لك ف وقت واحد نظرة ملهاش معنى .



•
لما تلاقى فرق الافطار السريع ف رمضان لحظة اذان المغرب عشان تدى الصايمين ع الطريق أكياس بلح ، وتلاقى الشاب منهم متحمس ويقف لك ف نص الطريق ( ماعندوش مانع انك تدوسه بس المهم تفطر ) .



• لما تلاقى اعلان ف الشارع بطلته ممثلة أو موديل عارية الاكتاف وفيه حد لون الكتف العارى ده باللون الاسود .

وبرضو
ويلكم تو كايرو

[مسافر عبر الازمان]

هم يبكى وهم يضحك
تسلم عالتوبيك
تقبل مرورى

[HoBa HoBa]

هههههههههههههههههههههههه
جامدة اوى
بس عامة هى اى حاجة غريبة بتحصل يبقى انت اكيد ف مصر ( ام الدنيا )

[عفريتـــة هانم]

دة انت شردت مصر خالص
بس توووووبيك جامد
تسلم الايادى

[ابو تريكه]

طبعا مش ام الدنيا

[هشام اللول1]

• لما اى حد يسألك عن أى حاجة بس بصيغه دينية زى " الساعه كام والله ؟ " - أو " والنبى شارع طلعت حرب إزاى؟ " – فحد يجاويه ب " على طول إن شاء الله " .

جامده قووووووووي يابرنس
ربنا معاك باذن الله

تسلم ايدك
وربنا يببارك فيك

[gora]

توبيك جامد اوي وموتني من الضحك

[♥بـونـبـونـايـه سـكـره♥]

ههههههههههههههههههههههههه ههههههههههههه
تسلم ع التالق بكد ته و التوبيك

[bosy_na]

• لما تقرا أسماء شوارع وماتعرفش مين الناس دى " ميدان لاظوغلى " " شارع نوال " " شارع ابن الوز عوام " .
ههههههههههههههههههه
حلوة دى والله مفيش شارع هانى او مدحت