استفدت ايه؟؟؟؟؟؟؟؟

[Young DeviL]

احنا طبعا كلنا عارفين ان المنتديات للافاده والاستفاده والنت عموما يعني

انا عملت الموضوع دا لاني استفدت من مصراوي كافيه كتير طبعا ممكن مفتكرهمش كلهم دلوقتي لكن الحمد لله اني استفدت
الموضوع عباره عن انك تقول او تقولي استفدتي او استفدت ايه معانا من مصراوي كافيه

وانا هبدأ انا اكبر حاجه اتعلمتها من مصراوي ازاي اتعامل مع الناس ازاي اضحك وقت الضحك وازاي احزن وازاي انقد الناس بطريقه كويسه متزعلهمش وازاي اختار المواضيع اللي اتكلم فيها

تاني حاجه عرفت ان اي موضوع اكيد بيكون ليه اهميه المهم ان انا شايفه ان الموضوع دا عاجبني وانا تعبت في كتابته ولو مكنتش انا اللي كاتباه يبقي انا شوفته مفيد للاعضاء وعشان انا بحبهم بنقله ليهم

وفي حاجه كمان لو الموضوع محدش رد عليه مبقتش ازعل كنت الاول بقول ان الموضوع تافه بس اتعلمت ان الموضوع لو كان تافه كانت الاداره هتحذفه ولو مكنش ليه فايده مكنتش انا استفدت منه وعايزه افيد الناس اللي بحبهم منه

وكمان من القصص الي بقراها في ركن القصص بتعلم كتير وركن 5 فرفشه بدخله لما اكون زعلانه بضحك كتير وركن الالعاب بنلعب برده عشان نفرح مع بعض كل الاركان مهمه طبعا وانا فعلا حبيت كل اركان مصراوي وكل اعضاءهم واكبر فايده اني عرفت اعضاء زي العسل زيكم

ياريت كل الي يدخل يقولنا استفاد ايه من مصراوي عشان احنا كمان نتعلم منه

[AhMeD El-Za3eEm]

أولا مـــــــوضــــــــوع أكتــــــر من الــــــرائـــــع
لأنك فعـــلا بتتكلمـــي من قلبـــك و الكـــلام وصلنـــي
( ايـــه الكــلام و الشغــل الجـــامد دا .. كــان فيــن من زمـــــان )

أكيــــد طبـــعا استفــــدت من مصــــراوي كـــافيه
كــــل يــــوم بأتـــاح الفــرصـــة إن أنـــا أدخـــل و أتنـــاقش مع أعضــــاء ذو مستـــوي فكري عالـي
المــــواضيــع و المعلــــومات الجديـــدة اليـــوميـــة
كـــل قســـم . و كـــل مـــوضــوع .. و كـــل رد .. و كـــل كلمــــة
أكيــــد بتعلـــم منهــــا حــــاجة .. أكيـــــد

ميرسي كتيــــر ديفــــل علي مــــوضوعك الجمــــيل
و أتمنــي من كـــل الأعضــــاء إنهـــم يشــاركــــوا فيـــه

[MaTriX]

والله الموضوع جيل جدا وجامد اوى انا راي من راي الزعيم

[dr_manoon]

موضوع رائع شيطونتى والحمد لله احلى شئ انى عرفتك وعرفت ناس كتير كويسين جدا

[Young DeviL]

نورتو الموضوع يا جماعه وان شاء الله هنفضل مع بعض نفيد ونستفاد من بعض

[Essam Net]

هو الموضوع ده كل ما اجى عندوا ما اعرفش ارد ..
بس قولت المره دى ارد باللى جوايا ..

هو انا ومش انا بس الكل اكيـــد استفاد حاجات كتيره بس كل واحد بيدخل الموضوع
زى ما يكون نسى هو استفاد ايه .. او زى ما تقولى ما بيبقاش عارف هو استفاد ايه ..

بس انا استفدت حاجات كتير جـــداُ بس المشكله انى مش فاكر كل حاجه ..
هو اللى انا فكره ان انا استفدت ازاى اتعامل مع الناس .. قدرت اصنف الناس ..
بدات اعرف واميز بين الحلو والوحش .. حتى من الكلام مش لازم اكون شوفتوا او قعدت معاه ..
دا غير طبعا المعلومات اللى احنا بنستفدها من المواضع والمعلومات اللى بتكون جديده علينا ..

عرفت معنى الصداقه .. من كل اصدقائى واخواتى اللى فى الكافيه ..
واتعلمت ازاى الواحد يخاف على شعور التانى وما يحولش انوا يجرحوا باى كلمه ..

وـو .. وـو .. وـو حاجات كتير بس اللى يفتكر بقى ..

وشكراُ ليكى ساره بصراحه موضوع جميل جدا ورائع للغايه ..
تسلم ايدكـ على الموضوع الجميل ده ..

على فكره انا بجد ما بحبش المجملات وبكره النفاق

[Young DeviL]

ربنا يخليك يا عصام واحلي حاجه ان بلاش نفاق ولا مجاملات عشان بحس انها زيها زي الكدب والحمد لله مبحبش انافق حد
وكويس انك رديت المرادي والحمد لله اننا بنستفاد من بعض ومش هنقول احنا صحاب لاننا عيله عندنا بابا وماما وعندنا اخوات بنات واولاد وصغيرين وكبارفعلا احلا عيله