الفساد غطى البلاد .........

**عفريت أفندى** · 16 - 4 - 2010, 03:50 PM

الفساد غطى البلاد
الفساد غطى البلاد وانتشر ذى الطاعون
حتى الطاعون له شكل واحد الفساد
الف شكل والف لون
فى الرياضه والسياسه والاقتصاد
......حتى الفنون
فى المجالس والمدارس والمصالح والسجون
مش محتاج لودان بتسمع او عيون
بقى ظاهر فى المظاهر والمجاهر والظنون
واللى جاى ده صورة منه .صورة فيها الف لون
نبدا باصل المشكله....دستور متعدل بالقانون
اغلبيه تقول موافقه على التجديد..
.والتانيه تهتف لاجل خاطر ابن الزبون
ما الاغلبيه برضه جايه بالفساد
تزوير وضرب وبلطجه .....لجل ما يبقو محصنين
ماهمهمش يطحنونا فى العجين
او يحرقونا جوا قطر الغلبانين
وعبارات تغرق فى بحر الظلمات
ومعاها الف وربعميه......من الغلابه المطحونيين
وصاحبها يهرب؟ اصل صاحبه ...كان مصاحبه من سنيين
ومسجله فى قلب الديوان ....وانتو عارفين قاصدى مين
والاحتكار!!!!!!!!!!!!!!!!!!!
كاس ودار ...مشربش منه غير شويه مسئولين
قلبهم ذى الحديد.......والعز جالهم من الشمال ومن اليمين
**********
وتعالو نحكى ع الفساد اللى ريحته مشعشعه
ادى وزير فى وزاره حلوه مرعرعه
ومزرعه خضرة و خضار وشجرة خضره.... مفرعه
ومضلله ....وع الشعب كله موسعه
والقمح كان زايد وفايض... ومالى الصومعه
والقطن كان نمرة واحد وشهرته......... مسمعه
ام جه صاحبنا وجاب لنا كام خبير من اسرائيل ...
ال ايه عشان المنفعه
جابو هرمونات متسرطنه....... ومتشععه
الفاكهه كبر حجمها وطعمها لو كلتها........
بطنك تروح مرجعه
لو بوست راسه وراس ابوه مايكلها ابدا ......
الحمار ابو بردعه
***********
وادى صورة من الفساد اللى ذاد وانتشر
لو مسئول رايح يزور او هيحضر مؤتمر
او يفتتح مشروع جديد...يا دوب اساسه بيتحفر
او عنده زياره مفجأه.. ..معادها معروف من شهر
والمسؤل مش جاى لوحده.....جاى ومعاه يجى ميه نفر
الطريق يسفلتوه وتختفى منه الحفر
والورود فى كل حته والزهور...... غير الشجر
واليفط تملا الشوارع....... تؤلش فاتح منتصر
والعزايم والولايم له ولكل اللى حضر
يصرفو على البهرجه فلوس كتير...... ذى المطر
ويقولنا شدو حيلكو .......احنا داخلين على الخطر
والدعم حتما نشيله......قبل الازمه ما تنتشر
واللحمه بكره تلاقوها فى المتاحف...... ذيها ذى الاثر
***********
صوره تانيه من الفساد....كيف تصبح ملياردير؟؟؟
تاجر صغير على قد حاله... وكل ماله مليونير
علشان دهائه وعشان جماله .. وعلشان خطير
فجاءه تلقيه بين يوم وليله....... بقى وزير
فلوسه تكتر ومصانعه تكبر ويبقى واحد من المشاهير
ويكبر اكتر ومشاغله تكتر وبرده يفضل وزير كبير
ولو حد وزه... عقله ينافسه... هيلاقى نفسه واقع فى بير
ادينى عقلك وفكر معايا وانا اصلى عارفك مستنير
هيجيب منين وقت يكفى المسؤليه والمشاويير
ومقابلات واجتمعات مع الصغير... ومع الكبير
داه غير مصالحه... واللى فى صالحه...
واللى يصالحه يبقى امير
ولو سألته يكون جوابه لسؤال مباشر ومش مثير
انا عصامى ودمى حامى ومش حرامى ولا اسير
لاى حد.. والكل عارف انى فمجالى احسن خبير
عاوز يقول مفيش مجامله ولا محسوبيه..
.وسيبها ماشيه .....ذى ماهيه
واركب معانا فى العربيه
يا اما تجر مع الحمير
******
ودى صورة تانيه من الفساد ......الواد وابوه
فى الكليه العسكريه والنيابه.... يسألوه
مش مهم مؤهلاته وتقديراته ....المهم مين ابوه
مقبول وابوه المستشار ....فى النيابه يقبلوه
احول وابوه من الكبار ......فى الشرطه عادى يدخلوه
فاشل وابوه دكتور كبير..... فى الكليه يعينوه
اهبل وابوه بدرجه وزير ......هو ده اللى يوظفوه
اما لو....!!!!!!!!!!!!
ممتاز وابوه بياع خضار.......فى كشف الهيئه يقلشوه
ولو رياضى واصله عادى..........فى الرياضى يسقطوه
خايف احسن يجي يوم........
ابن الوزير يرفع قضيه على اخوه
يقول ابويا فى الوصيه........ كتب الوزاره ليه
ياخلق هو ...حقى ضايع رجعوه......حقى ضايع رجعوه

منقول مما راق لى

**ايسل** · 17 - 4 - 2010, 06:44 PM

من حقهم ما هى دى العزبه بتاعتهم
واحنا العبيد ربنا يرحمنا برحمته
شكرا وليد على المجهود

**Lovely Dina** · 17 - 4 - 2010, 07:27 PM

مهما اولنا ومهما عملنا مفيش حد هيسمعنا وبشكرك جدا لانه عجبني اوي اوي اوي
تسلم ايدك

**SCREEM** · 17 - 4 - 2010, 09:52 PM

لا تعليق ياحج

موضوع اكتر من ممتاز

**هشام اللول1** · 17 - 4 - 2010, 11:02 PM

هو ايه اللي عاوزه يرجع ياوليد
حق مين حق مين ياباه
انسي يامااااااااااان

دول مشاركين الموظفين في رواتبهم
ومشاركين اصحاب المشاريع الصغيره في دخلهم
كل حاجه مقسمنا فيه

بعد كده الواحد يخاف وهو رايح البيت
يلاقي واحد منهم واقف علي الباب يقولك انا شريك بالنص
في البيت

وعيش يامااااااااااااااان
احنا في زمن الحكومه لاتعرف المستحيل مع الشعب
بل كل شئ ممكن

وتسلم ياوليد

**عفريت أفندى** · 18 - 4 - 2010, 06:59 PM

المشاركة الأصلية كتبت بواسطة ايسل

من حقهم ما هى دى العزبه بتاعتهم
واحنا العبيد ربنا يرحمنا برحمته
شكرا وليد على المجهود

عفوا يا ايسل

هدى أعصابك شويه

نورتى التوبيك

**عفريت أفندى** · 18 - 4 - 2010, 06:59 PM

المشاركة الأصلية كتبت بواسطة Lovely Dina

مهما اولنا ومهما عملنا مفيش حد هيسمعنا وبشكرك جدا لانه عجبني اوي اوي اوي
تسلم ايدك

تسلمى يا دينا

مشكوره ع المرور و المشاركه

**عفريت أفندى** · 18 - 4 - 2010, 07:00 PM

المشاركة الأصلية كتبت بواسطة SCREEM

لا تعليق ياحج

موضوع اكتر من ممتاز

تسلم يا سكريم

مرور أكثر من ممتاااااااااز

**عفريت أفندى** · 18 - 4 - 2010, 07:01 PM

المشاركة الأصلية كتبت بواسطة هشام اللول1

هو ايه اللي عاوزه يرجع ياوليد
حق مين حق مين ياباه
انسي يامااااااااااان

دول مشاركين الموظفين في رواتبهم
ومشاركين اصحاب المشاريع الصغيره في دخلهم
كل حاجه مقسمنا فيه

بعد كده الواحد يخاف وهو رايح البيت
يلاقي واحد منهم واقف علي الباب يقولك انا شريك بالنص
في البيت

وعيش يامااااااااااااااان
احنا في زمن الحكومه لاتعرف المستحيل مع الشعب
بل كل شئ ممكن

وتسلم ياوليد

تسلم يا هشام

و إلحق شم شويه هوا

قبل ما يفرضوا على النفس ضراااااااااايب

منور يا هشام

**Innocent** · 19 - 4 - 2010, 12:06 AM

نايس توبك
ثانكس مرهف

الموضوع: الفساد غطى البلاد .........

أدوات الموضوع

الفساد غطى البلاد .........

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة