تعريفات سياسيه جدااااااااااااااااااااا

[Innocent]

تعرفات سياسية جدا

الدستور
هو الشئ الوحيد اللى كلما يتعدل..البلد يتعوج اكتر

المواطنة
أن توطن نفسك على انه مفيش فايدة

خطاب الرئيس
كلام يكتبه شخص ليقرأه شخص آخر على أشخاص يعرفون أن شخصا آخر هو الذى كتبه لكنهم يصفقون للشخص الذى يقرءاه

مجلس الشعب
هو الهيئة التى تساعد الحاكم لكى يجلس على الشعب

التحديث
السياسات الحكومية التى تؤدى إلى جعل المواطن يمشى فى ربوع الوطن وهو يتحدث مع نفسه

التعدديـــــــــة
حرص نظام الحكم على ضمان تعدد الفترات الرئاسية للحاكم بحيث يستمر فى الحكم حتى يعدد الناس عليه

سينـــــاء
شبه جزيرة حررها المصريون بدمائهم

ليمنعوا الإسرائيليين من التجول فيها بالملابس العسكرية

ولتسمح لهم اتفاقية كامب ديفيد بالتجول فيها بالمايوهات

قانون الطوارئ
القانون الذي يسمح للحاكم باعتقال من يشاء كلما طرأ ذلك على باله

العصيان المدنى
خروج المدنيين لإعلان رفضهم لسياسات الحكومة

قبل أن يضربهم الأمن المركزى بالعصيان

الصراع الطبقى
صراع الشعب من اجل إزالة الحاكم الذى طبق على نفسه لعشرات السنين

سياسة الاعتدال
قيام الحاكم بالاعتدال على العرش فى نهاية فترته الرئاسية لكى يبدأ فترته الرئاسية الجديدة

الترشيح
الفلتر الذى لابد من استخدامه للتمكن من عصر خيرات البلاد حتى أخر قطرة

إقرار الذمة المالية
يقدم المسئول الحكومى عند بداية شغل منصبة إقرارا يؤكد فيه أن ذمته انتقلت إلى رحمة الله

الكسب غير المشروع
قيام الحاكم بكسب رزقه من نهب أموال المشروعات الحكومية
من غير أن يركز على مشروع واحد بالذات

التضخم
الحالة التى تصيب الشعب بعد ربع قرن من ضربة على قفاه
حلوة دى قوى

العدل
عدل المواطن حتى يأخذ على قفاه بشكل مريح لمن يضربه

السواد الأعظم
هو السواد الذى يشوفه الشعب الذى يسكت معظم أبنائه على استبداد وفساد حكامه

تطوير التعليم
العمل على جعل كل طالب مصري طورالله في برسيمه

سياسة التقشف
تجويع الشعب إلى أن يتقشف جلدة

إعادة الهيكلة
توفير كل الضمانات الأمنية ! والسياسية لعدم ترك الحاكم لعرش السلطة إلا وهو هيكل عظمى

السيدة الفاضلة
السيدة التى تفضل هى وزوجها فى الحكم لأكثر من ربع قرن

حزب الأغلبية
الحزب الذى يذيقك الغلب والذل وتعيش تحت حكمة اغلب فترات حياتك

الانجازات
المشروعات التى تفتتحها الحكومة ويضخمها إعلامها لحد الناس ما تجيب جاز

العالم التالت
العالم الذى يتم فيه توريث الحكم دون أن يجرؤ ا! لشعب على قول تلت التلاتة كام

النظرية النسبية
النظرية التى ابتكرها اينشتاين
وطبقها شخص آخر بتشكيل الوزارة من مجموعة من النسايب
مع تحياتى(innocent)

[عفريت أفندى]

قانون الطوارئ
القانون الذي يسمح للحاكم باعتقال من يشاء كلما طرأ ذلك على باله
أنا كنت فاكره غير كده خاااااااااااالص

كنت عارف إنه يقبض على طارق أحمد و طارق محمود و طارق محمد و طارق السيد
و طارق السعيد و طارق يحيى ( مش قانون الطوارئ ! )

نورتى المحكمه يا توتى

تسلم الأيادى و ربنا

[Innocent]

قانون الطوارئ
القانون الذي يسمح للحاكم باعتقال من يشاء كلما طرأ ذلك على باله
أنا كنت فاكره غير كده خاااااااااااالص

كنت عارف إنه يقبض على طارق أحمد و طارق محمود و طارق محمد و طارق السيد
و طارق السعيد و طارق يحيى ( مش قانون الطوارئ ! )

نورتى المحكمه يا توتى

تسلم الأيادى و ربنا

ثانكس مرهف على المرور نورت التوبك
بس بعد كده ابقى فكر كويس لانها بتختلف من طارق لطارق

[ك/علاء النسر]

التوبيك دا يتشال احسن بدل اما نروح كلنا ف66داهيه
وهيطبق علينا قانون الطوارئ بجد

تقبل مرورى

[bosy_na]

هو فعلا قانون الطوارىء هيطبق علينا
ان شاء الله فى المنتدى العسل ده
انتو ما تعرفوش ان كل واحد فينا دلوقتى
واقف تحت بيته بوكس بظابط وواحد امين و3 عساكر
وربنا يستر!!!!!!!!!!!!!!!!!!!!!!!!!!!!!!!

thanks innocent
خلى بالك من نفسك اوكى

[ايسل]

النظرية النسبية
النظرية التى ابتكرها اينشتاين
وطبقها شخص آخر بتشكيل الوزارة من مجموعة من النسايب

ههههههههه
هم يبكى وهم يضحك والله عندك حق يا توتى فى كل كلمه معانا الله
تسلمى با قمرايه

[براكودا]

ما تخافوش
محدش يقدر يطبق عليكم قانون الطواريء طول ما انا موجود معاكم

[Innocent]

ايه يا رجاله انتو خايفين والا ايه
ماتخفوش احنا ممكن يطبق علينا قانون السواد الأعظم بس
نورتو التوبك