مصر هى أمى ولا بتشتغلنى !!!

**A7med elsayed** · 19 - 4 - 2010, 11:07 AM

سألت نفسى كتــــــــير يا ترى
مصر دى أمى ولا بتشتغلنى ؟؟

مصر هى امى

ولا بتشتغلني !!!

انا ابنها وضناها

ولا ابن بالتبنى !!!

بتفرق ليه مابينى

وبين اخويا الكبير

وتطلع عينى

عشــــان هو يلبس حرير !!!

وتقولى اصبر شوية

يا ضنايا يانور عنيا

امى بتضحك عليا

مانا شايف خير كتير

مش لاقى فى بلدى شقة

وامى تقولى الظروف

افطر واتغدى دقة

واللحمة للضيوف

واخويا ابن اللذينا

واخد فيلا فى مارينا

وبسين وكمان جنينة

وانا اسكت غصب عنى

ماهى امى بتشتغلنى

مش لاقى وظيفة ليا

اصرف منها واعيش

ومعنديش محسوبية

وبالتالى دخلت الجيش

واخويا حظه نار

وبيقبض بالدولار

امى بتديله كوسه

وتأكلنى أنا الخيار

مصر هى امى

ولا بتشتغلنى !!

**~~hero~~** · 19 - 4 - 2010, 11:31 AM

والله مش عارف اقولك ايه ع الموضوع الرقى الرائع ده
تسلم ياحك بجد الموضوع اكتر من رائع وحلوه اوى موضوع
الكوسه والخيار ده
سلمت يمينك

**هشام اللول1** · 19 - 4 - 2010, 11:58 AM

موضوع جميل اخي احمد
انا مش عارف اقول ايه
بس مفيش ام بتفرق بين ولاده
بس في نفس الوقت مقدرش اقول غير
((( مصر هي امي )))

شكرا لموضوعك الجميل
وبارك الله فيك

**bosy_na** · 19 - 4 - 2010, 12:18 PM

موضوع جميل اخي احمد
انا مش عارف اقول ايه
بس مفيش ام بتفرق بين ولاده
بس في نفس الوقت مقدرش اقول غير
((( مصر هي امي )))

وانا كمان مش عارفه اقول ايه غير ان مصر امى

شكراااااااااااااااااااا أحمد

**ayoy** · 19 - 4 - 2010, 12:40 PM

تحفة الموضوع انا احتمال اقتبسه منك دة بعد اذنك طبعا

**ميره** · 19 - 4 - 2010, 05:02 PM

ههههههههههههههه

اصل احنا اخر العنقود يابنى
فعشان كده الكبار خدو حقهم قبل
مانيجى احنا بس انت عارف اكيد ماما
مصر بتتحيل على اخوك عشان يحن
عليك بس انت اصبر وهو هيديك بس
الى يتبقه منه ده لو اطبقه منه حاجه
بس مصر هى مامتى بس ونيلها هو
دمى وتحياتى ليك يا استاذاحمد
على الكلام الجميل ده

**محمد السـيد** · 30 - 5 - 2010, 05:35 PM

اشكرك اخى او اختى على نشر قصيدتى وادعوك ايضا لنشر الفيديو
http://www.youtube.com/watch?v=sVeVAzNQr6M

**BOOOsy** · 30 - 5 - 2010, 05:38 PM

ههههههههههههههههههههه
توبيك يجنن

**سعيد الفيشاوى** · 30 - 5 - 2010, 06:09 PM

جميل قوى يا احمد
بس هقولك على حاجه

المشكله مش فى امنا الجميله مصــر
المشكله فى جوز امنا
اللى هى ادتلو الامان
وهو خلى بينا وبيها
وخنا وخنها
ربنا يسامحو

**hadede** · 30 - 5 - 2010, 07:13 PM

عيبها انها عملت لغيرها توكيل

اخويا يضحك ودمعى انا يسيل

بس بحبها وقلبى ليها يميل

وربنا يهدى كل غدار عويل

سلمت يداك اخى الكريم كلمات فعلا رائعة ارتجلت عليها بعض الكلمات

لاننا نحس مثلك بالفرقة

من

اللى غيروها

لكن منها مش هنزعل
دمت فى حفظ الله

الموضوع: مصر هى أمى ولا بتشتغلنى !!!

أدوات الموضوع

مصر هى أمى ولا بتشتغلنى !!!

معلومات الموضوع

الأعضاء الذين يشاهدون هذا الموضوع

المواضيع المتشابهه

غصب عنك هتغلط هتغلط ههههههههههه

عباره عن سؤال واتحداك انك هتغلط فيه ....

مش حتشتغل يعنى مش حتشتغل

مش حتشتغل يعنى مش حتشتغل

الكلمات الدلالية لهذا الموضوع

ضوابط المشاركة