قهوتنا على الانترنت
ابحث عن :  
النتائج 1 إلى 5 من 5
  1. #1
    تاريخ التسجيل
    9 - 11 - 2007
    ساكن في
    ღ♥ღ الأسكندرية ღ♥ღ
    العمر
    39
    المشاركات
    2,459
    النوع : ذكر Egypt

    افتراضي نصائح للبنات فقط

    أختي العزيزة لو ربنا فك عقدتك واتخطبتي
    فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه
    إلى مثوااااه الأخير في قفص النسانيس
    قصدي قفص الزوجية السعيد


    أجمل ما في الخطوبة العزومات الرومانسية على أحلى محلات أكل فى البلد
    واللي عمرك ماهاتشويفها بعد الجواز
    المهم نصائحي لك عند أي عزومة مع خطيبك

    1-الأول لازم تعرفي إن الشوكة والسكينة بيتمسكوا من إيديهم
    من الطرف يعني مش من الوسط ولا م البوز زي الخنجر ولا من فوق طبعًا


    العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
    العيش بيتقطع بالسكينة فى الطبق وبعدين تاخدي لقمة
    لقمة بالعافية قال يعني نفسك مسدودة
    اضغطي على أعصابك جدااا
    وبعدين لما تروَّحي إبقي حِفِّي زي مانتِ عايزه

    3- الشوووربة
    بند الشوربة ده مهم جدًاااا
    أبوس كعب رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
    وطبعــاً عايزك تنسى تمامًاالسلطانية اللي بتقيميها على بقك ف البيت وتدلدقي على روحك
    بالمعلقه وبدون صوت
    سخنة ولعة برضه بدون صوت
    وتسيبي تلت الطبق ع الأقل مش تميليه عشان تلهطيها لآخر نقطة


    4- الرز
    طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
    إوعي
    الرز بالشوكة وكأنك بتبوسيه مش بتاكليه

    5- المكرونة
    الاسباكتي برضه بالشوكة تتلف على طرف الشوكة
    لحد ما تخلص وبعدين تحطيها فى بؤك من سكات
    مش تشفطي المكرونة عود عود

    6- السمك
    مشكلة
    شوفي
    بتفصلي اللحم عن الشوك ..إزاي؟؟
    تقطعي اللحم من النص بالطول وبعدين تفردي اللحم ع الجانبين ولما تخلصي ناحية
    متقلبيش السمكة.. بلاش فلح
    شيلي السلسلة بالشوكة والسكينة وحطيها ف جنب الطبق وكملي أكل النص التاني
    وبدل الفيلم الهندي ده
    نصيحة ماتكليش السمك خالص
    قولي مابحبش السمك وخلصي نفسك

    7- الجمبري
    -إذا كنتي عارفاه-
    أول ماطبق الجمبري ينزل.. بصيله بقرف واحتقار شديدين
    آل يعني زهقانة من كتر أكل الجمبري الجامبو ف بيت بابـا
    وأتنهدي جامد وقولي.. برضه؟؟؟
    وتروحي قاطعة راس الجمبريياية بالشوكة
    أنا فى عرضك إنسي المصمصة دلوقتى

    8- البطاطس سواء مسلوقة أو محمرة
    أوعي تهرسيها وتدبيها على الرز وتدي
    لا..لآ...لآ
    بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

    الفاكهة
    لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
    وبعدين فى طفاية السجاير اللي على الترابيزه
    أوعي ياحبيبتي من نظام التفتفة للبذر
    إنسي

    10- ولما تخلصي أكل تحطي إيدك على بطنك
    اللي عصافيرها بتصوصو من العينات اللي كلتيها.. وتقولي له مش ممكن
    أنا عمري ما اتفجعت كدة
    أنا أودامي أسبوعل هابطل أكل فيه

    وبعدين تمسكي الفوطة اللي دايمًا موجودة على التربيزة من غير لازمة
    وتبوسيها
    آل يعني بتمسحي بؤك
    وبعدين تستأذني منه لدخول التوليت لإصلاح ماكياجك

    وتخشي التواليت وتطلعي من شنطة إيديك
    لفة الفول والطعمية اللي جايباها معاكي
    وبالهنا والشفـــاء
    لاتعتمد على الصديق فهو نادر
    ولاتعتمد على الحبيب فهو غادر
    ولكن
    اعتمد على الله فهو قاااااااااادر


    البحث على جميع مواضيع العضو mido3d

  2. #2

    افتراضي رد: نصائح للبنات فقط


  3. #3
    تاريخ التسجيل
    9 - 11 - 2007
    ساكن في
    ღ♥ღ الأسكندرية ღ♥ღ
    العمر
    39
    المشاركات
    2,459
    النوع : ذكر Egypt

    افتراضي رد: نصائح للبنات فقط

    شكرا علي المرور
    لاتعتمد على الصديق فهو نادر
    ولاتعتمد على الحبيب فهو غادر
    ولكن
    اعتمد على الله فهو قاااااااااادر


    البحث على جميع مواضيع العضو mido3d

  4. #4
    تاريخ التسجيل
    16 - 11 - 2007
    ساكن في
    دنيا فانية
    المشاركات
    24,705
    النوع : انثيJordan

    افتراضي رد: نصائح للبنات فقط

    شكرا كتير على النصائح التي تؤدي لفسخ الخطوبه فورااااااااااااااا
    مشكور ميدو

  5. #5

    افتراضي

    كدة الخطوبة تتفسخ يا مان
    يعني يرضيك كدة انا اللي هعزمة طبعا في بيتي
    وانا اللي هعمله الاكل بنفسي
    اه ابقى اهددة اني ممكن اسمة زي ما هدخلة المستشفى فور التذوق مش الاكل كمان

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©