كاتب مميز
جحا وضرب الرصاص
جحا وضرب الرصاص
*********
الفحم مع الــغــازات بـيـعمــل ادمــصـــــاص
ودراكولا ياناس للدم بيحــب الامتصـــــــاص
وان مات يوم الضمير ينعـــدم الاخـــــــلاص
والعقل زينة وغيابه لـــحظـــة يعمل انتقــاص
وناس عايزة الشعب يكــــــــون لنفسه قنـــاص
وبتنادى بضرب مظاهرات ولادى بـالرصاص
دا كلامهم يجــيب الـقـرف وكـمـــان الامتغاص
وفيه تحريض على الــجريمــة وللقانون عـاص
********
والله جــنــودنا بـــواسل وابطال فـــى الرمــاية
بس هما لينا وليك ولبلدنـــا الأمــان والحمــــاية
وكلامك ما هيسمعوه لانــــه تحريض للجنــاية
*********
لو حمارى أكـــلـتــوه فى يـــوم رمـــل وزلـط
وغضب وقال ليكم دا ظـــلـم وكــمـــان غـــلط
منــكـــم يـانـائــبـــنا بالرصاص هـــيـــنــخبـط
يبقه اكــيـــد دى حلول بتتوصف بالــعبط
*******
يانائب خـــد لـــك يـــافطـــة وكـــام عـــمــود
وســافــر بــعـيـد هــنـــاك عـــلى الحـــــــدود
للصـهــاينـــة الـلــى قتـلـوا ولادنــــا الـجنــود
وطمنهم ان الرصـــــاص عـــنـــــدك موجود
وخلى ايـــــدك بـــالســـلام لــيــهـــم ممـــدود
ومن هـــنــــاك تــــانى الـــيـــنــــا لا تــــعود
فأمثالك بـــالــخـيــر عـلــيـنـــا لـــن تجـــــود
********
كلمات م/ عماد الدين محمد
هذا الكلام ردا على مطالبة بعضالنواب
بالرد على المظاهرات بالرصاص
ياريت هؤلاء النواب
يسمعوا مشاكل الناس ويحاولوا يحلوها
قبل ما الناس تعمل اصلا مظاهرات
التعديل الأخير تم بواسطة hadede ; 25 - 4 - 2010 الساعة 12:23 AM
عضوه مميزه
هى الغلطه غلطة مين شعب و لا نواب
أحنا اللى أخترناهم وعلى الكراسى مكناهم
بس أحنا شعب غلبان دائما نقول اللى تعرفه أحسن من اللى ماتعرفوش
ودائما أيام الأنتخابات النواب بيغيروا الوشوش
ياخوفى من الجاى اللى منعرفوش
ربنا يسلم ويلطف بينا
تسلم أيدك عماد على هذة الكلمات
وربنا معانا بقى
مصراوي على حق
مشرفة المنتدى السياسي
الله عليك يا شاعرنا الكبير وعلى عم جحا الرائع
دا كلامهم يجــيب الـقـرف وكـمـــان الامتغاص
صدقت اخى كلامهم يجيب القرف
كانوا بيحسبوا ان كده بيضمنوا التقرب من السلطه وضمان ترشيحهم فى الأنتخابات القادمه
حاجه تجيب القرف فعلا
شكرا ياشاعرنا على ابداعك ودمت متألق
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
كاتب مميز
المشاركة الأصلية كتبت بواسطة ام اسراء
هى الغلطه غلطة مين شعب و لا نواب
أحنا اللى أخترناهم وعلى الكراسى مكناهم
بس أحنا شعب غلبان دائما نقول اللى تعرفه أحسن من اللى ماتعرفوش
ودائما أيام الأنتخابات النواب بيغيروا الوشوش
ياخوفى من الجاى اللى منعرفوش
ربنا يسلم ويلطف بينا
تسلم أيدك عماد على هذة الكلمات
وربنا معانا بقىنعم الاخت الفاضلة ام اسراء
هى غلطتنا نحن
فنحن لا نحسن الاختيار
مرة نختار نائب يطلع نائب قروض
ونائب تانى يطلع نائب قمار
ونواب عايزة تضربنا بالرصاص
بس اهم فائدة جت منهم هو وجودك بيننا الان
دمت فى حفظ الله متمتعة بالصحة والسعادة وراحة البال
اللهم آمين يارب العالمين
مشرفه ركن الترحيب والمناسبات
بجد حالنا صعب مش عارفين رايحين لفين
احنا بجد محتاجين اننا نفوق ماهى المشكلة انوا سهل يهدر دم عربى لكن حد تانى نخاف
ياسلام على الكلام الا دائما بيطلع من الناس الا المفروض انهم الدهر الا بنتسد عليه بجد خلاص هنوصل لفين
الله يستر علينا من الا جاى
استاذى الفاضل عماد دائما كلماتك رائعة بتوصف الحال بحق سلمت وسلمت يمينك
ودائما ماتمتتعنا بكل ماهو رائع ومتميز وحفظك الله ودائما قلمك المبدع
كاتب مميز
ولك خالص الشكر
بارك الله فيك الاخت الفاضلة
كاتب مميز
الله عليك يا شاعرنا الكبير وعلى عم جحا الرائع
دا كلامهم يجــيب الـقـرف وكـمـــان الامتغاص
صدقت اخى كلامهم يجيب القرف
كانوا بيحسبوا ان كده بيضمنوا التقرب من السلطه وضمان ترشيحهم فى الأنتخابات القادمه
حاجه تجيب القرف فعلا
شكرا ياشاعرنا على ابداعك ودمت متألقبارك الله فيك الاخت الفاضلة ايسل
لك كل الشكر والاحترام على التشجيع الدائم
اما عن جحا
فخلاص قرب يركب لحماره عجل ويجرى بالعجل من غرائب ما يرى ويسمع
اما عن كلام نواب الرصاص
فقد اصابنا بالقرف وبالتاكيد هيقرفوا هم من انفسهم
لان بكلامهم خسروا الناس اللى انخدعوا فيهم وبكل تأكيد مش هيكسبوا السلطة
دمت فى حفظ الله ايسل
كاتب مميز
حمدا لله على رجوعك بالسلامة الاخت الفاضلة ريم
نسأل المولى عز وجل ان يحفظك ويرعاك
وطبعا زى ما بتقولى ان النواب اللى مفروض يكونوا سند لينا
طلعوا حيطة مايلة
واهم حاجة عندهم مصالحهم الشخصية
ونقصد بالطبع القلة القليلة الى بتطالب بضرب الرصاص على اخوانهم وابنائهم
بدل ما يسمعوا ليهم ويحلوا المشاكل بيعملوا فتنة بين الناس وبعضها
نسأل الله تعالى ان يخيب أمالهم واحلامهم
تقبلى خالص شكرى وتقديرى
دمت فى حفظ الله ورعايته
مصراوي
وان مات يوم الضمير ينعـــدم الاخـــــــلاص
هو فعلا المشكله ان الضمير انعدم خلاص في قلوبهم
مبقاش فيه رحمة او انسانيه او تقدير لظروف الشعب الغلبان
كلمات جميله أ.عماد وملمة بواقع حاضرنا الأليم
ندعو الله ان يكون التغيير في أقرب فرصه
وفي انتظار المزيد من الابداعات المعبره ان شاء الله
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
