محاج رأيكم في حل المشكلة

[white_heart]

ازيكم ياشباب وبنات مصراوي كافيه
أنا عندي مشكلة وحبيت إني أعرضها عليكم علشان في أوقات العصبية الواحد مش بيعف يفكر كويس وممكن ياخد القرار الغلط وبدل مايخلي الدنيا ماشية تمام يضيع كل حاجه وزي ما بيقولو (جه يكحلها عماها)

أنا حبيبتي بعيد عن حبيبتي في المسافه بسبب الدراسه والجامعه وكده المهم المسافه مش بعيده أوي يعني 5 ساعات
بس مش مشكله المهم ندخل في الموضوع.
أنا كان عندي أجازه يومين وسافرت لحبيبتي وقولت إني أشوفها وأطمن عليها لأنها بجد وحشتني أوي وبقالي كتير أوي مشوفتهاش وفي أول يوم حصلت مشكله ومشوفتهاش(مشكله عندها) قالتلي خلاص ياحبيبي هشوفك بكره قولتلها ماشي المهم أنا اتأرت عليها يعني حوالي نص ساعه أو أكتر شويهفهي زعلت وافتكرت إني مش جايلها وإني جاي علشان أشوف صحابي وإنها مش مهمه عندي وكنت هأجل سفري علشان أشوفها اليوم الي وراه بس بصراحه قولت لنفسي وقتها مش ساعه أو يوم أو يومين فمشيت من غير ما أشوفها وبصراحه كنت مخنوء جدا إني مشوفتهاش علشان هي سبب سفري بس ومن وقتها وإحنا كل يوم مشاكل بسبب الموضوع ده وكل ما أقولها أنا جايلك علشان وحشتيني أو أي حاجه تانيه تقولي مش هنزل ومش هشوفك علشان إنت مقدرتنيش ومجتش علشاني وأنا بحايل فيها بقالي كتير وبجد زهقت من المحايلة ولولا إنها غاليه عليا بجد مكنتش عملت كده بس ياجماعه اللي مداقني إن روحت علشانها وهي مش مصدقه بكده وفاكراني مش عايز أشوفها وبقيت بتسلى بيها وأنا مش عارف بجد أعملها إيه أنا زهقت وياريت تقولولي رأيكم..
معلش طولت عليكم

[آية الرحمن]

الحل الوحيد انك تحاول تسبتلها حبك ليها
بحركة ايجابية يعنى تكلم حد من اهلها
حتى مش لازم يكون باباها بس يكون حد
من اهلها علشان تحس انك مش بتتسلى بيها
وتنزل اجازة تانية تشوفها فى الاجازة دى ماتقبلش
اى حد من اصحابك علشان تعرف انك نازل علشانها
ويارب يكون رأى نفعك ويفيدك
تقبل مرورى

[white_heart]

مرسي يا رومانسية على ردك واهتمامك بالموضوع بس المشكله إنها رافضه إنها تشوفني علشان هي فاكره إنها لما بتعاملني حلو أنا بنفضلها وبدوس فيها بس والله المشكلة حصلت كده وغصب عني مش أصدي بس أهو اللي حصل بقى وأنا هجرب أعمل بنصيحتك

[Innocent]

سورى يعنى بس انا اساسا مش فاهمه هى ازاى زعلانه وكبرت الموضوع اااااااااااوى كده ليه كنت المفروض انك تشرحلها ظروفك ولو فى ثقه متبادله فهى اكيد هتفهم وتقدر ظروفك
لاكن شور انت اساسا مش محسسها بالثقه علشان كده هى زعلانه اااااااااوى كده.... او بقى ممكن تكون دماغها صغير
وعلى العموم انا من وجهة نظرى ان العلاقات الى مش بتبقى رسميه بتبقى مش فيها ثقه علشان كده حاول تعمل خطوه فيها شئ من الرسميه

[white_heart]

مرسي يا Innocent على ردك واهتمامك بس هو كان فيه ظروف مانعاني إني أشوفها وكمان هي واثقه فيه شور بس هو الحكاية كلها إنها زعلانه علشان هي كان نفسها تشوفني وده الي زعلها إنها حست إنها كانت في حلم وفجأه صحيت وضاعت كل حاجه وشور هيكون في خطوبه وكل حاجه بس دلوقتي صعب بسبب ظروف الدراسة

[روكي]

المفروض انك تحاول تتفاهم معاها براحه بمعني انك تقولها انا اخدت اجازة يومين مخصوص علشانك واول يوم جيت عشان اشوفك وانتي حصلت عندك مشكلة ومعرفتش اشوفك وقدرت الظروف ديه ومزعلتش وتاني يوم انا اتاخرت شويه ومكنش قصدي وبعدين لوانتي مش واحشني مكنش فكرت اخد اجازة مخصوص عشانك ومفروض تقدري الظروف وتحاول تشوف اه اللي يرضيها في الوقت ده وتعمله يعني قولها مثلا انا بحاول ارضيكي ومش عارف انتي شايفه مفروض اعمل اه دلوقتي وكده يعني وان شاء الله ربنا يوفقك تقبل مروري

[fraola]

السلام عليكم بص ياسسدى انا مش هطول عليك بس الى اعرفة الى بيحب حد بيسمحة ومش بيقدر يزعل منة كتير ويتحجج بحجج واكيد انت وحشها فما تنزل اكيد هى كمان هتنزل عشان تشوفك ومش معقول لو بتحبك اوى تضيع فرصة نزولك ومتشفكش وتسمحك ممكن تكون زعلانة بس بردة تنزل تشوفك وهى مخصماك وانت تحاول تصلحها مش تكبرها اوى زى ماهى عاملة

[soso s]

الموضوع ميستهلش كل الى هى عملتة بس لو هى بتحبك بجد هتغفر لك مع انى شايفة انك مغلطش ولو انت شايف انك بتحبهافعلا اتقدم لها بس الشكة ليكون الحب دة من ناحيتك انت بس وربنا يوفقك soso s

[محمد فوزى1951]

الحب يحتمل الغفران هذا مااعرفه جيدا ان الذى يحب يغفر