انتبه من فضللك الرجوله ترجع الى الخلف .يابنى استرجل بقى

[SCREEM]

السلام عليكم ورحمه الله وبركاته

كتيير منا فاهمين معنى الرجولة غلط ..

الرجولة عند كتير من الشباب هى أنك تمشى على مزاجك

ماتعملش حساب لكلمة أهلك

تشرب بريل

تشرب سجاير ومايهمكش حد

تشيش من غير ماتكح ((راااااجل اوى !! ))

وشويه شويه تدخل فى طريق المخدرات علشان تكتمل رجولتك أدام اصحابك

وتعاكس بنات بصوت عالى ((ونعم الرجال !! ))

تلبس ضيق وملون وبناطيل واقعة

وموبايل احدث حاجة

عشان بس تصور اللى رايحة واللى جايه

وتسمع فى اغانى ليل ونهار

وتجيب بالبلوتوث من اصحابك حاجات ميصحش تبقى فى موبيل واحد محترم

وأى خناقه تروح تجامل فيها

كل يوم تخدع بنت وتسيبها وتخدع غيرها .وكتير وكتير

يعنى عايش حياتك بدماغك مش بتعمل حساب حد

دا معنى الرجوله عند شباب كتييير أوى..

وفى ناس تانيه فاكرة ان الرجوله هى التحكم فى اى حد ادامه وفرض رايه حتى لو غلط

مثلا لو واحد خاطب او متجوز لازم لما يقول لخطيبته او مراته أعملى كذا يبقى لازم تعمل كذا

كدة يحس أنه راجل فعلا !!

وامثلة كتير عن الفهم الغلط لمعنى الرجوله

لكل الى فاهمين معنى الرجوله بالطريقة دى

((أسفين مش هى دى الرجوله)) دى معناها الاصح (( الهمجيه )) ..

أما الرجوله الحقيقيه بقى فمعناها..

الرجولة كلمة شرف وعزة...

الرجولة هى البذل والعطاء والتضحية..

الرجوله هى الاحسان الى من أحسن اليك ..

الرجوله هى أن تحترم أراء الناس ولو صح تاخد بكلامهم..

الرجوله أنك متدورش غلى شماعة تعلق عليها أخطاءك وترميها على اللى حواليك..

الرجوله هى انك تقول الحق مهما كان بدون أى مجاملة لحد..

الرجوله انك تدى لكل واحد حقه وماتستغلش الضعيف ابدا..

الرجوله هى المعامله الحسنه لاهلك سواء ابوك وامك او مراتك ..

الرجوله هى انصاف واحد مظلوم ولو حتى اقرب الناس ليك هو الى ظالمة..

الرجوله انك تساعد اى حد محتاجلك على أد ماتقدر..

الرجوله انه اللى مترضاهوش على اختك مترضاهوش على اى بنت تانية..

الرجولة انك متقولش البنات هما اللى لبسهم خليع

مهيا خرجت باللبس ده من بيت المفروض انك الراجل فيه ..

الرجوله أنك تمسح بايدك دمعه من على خد أى حد مهموم..

الرجوله أنك تنام مرتاح الضمير من ناحيه نفسك ..

واخيرا

الرجوله مش بالمناظر ..

وطبعا صعب فى زمنا نلاقى راجل كامل بالمواصفات دى

بس فى الاول والاخر

((( هو دا معنى الرجوله الصحيح )))

فياترى كم راجل فى زمانا هذا ...

؟؟؟؟؟؟؟

[ايسل]

الرجوله كانت بتتحفر فى الطفل من اهله على الرغم من العيوب الى بيتربى عليها الطفل بس كمان المميزات كانت كتير زمان كان فيه عيب وحرام
دلوقتى مفيش زمان كنا بنسمع شخطه فى ولد مراهق ايه ده بتعمل ايه دى بنت حتتك تحميها بروحك
او بتعمل ايه؟؟؟؟؟؟؟؟؟؟؟ عندك اخوات
دلوقتى لا
نسيوا الاهالى يحفرو ده فى اولادهم بقى كل البنات حلآ لنا!!!!!!!!
زمان كان يتقال الراجل اللى يقف مع صاحبه وقت الشده دلوقتى الراجل اللى بيعرف بكسب القرش ....................................الخ
جاجات كتير يتكتب فيها كتاب اتغيرت
بس فى نفس الوقت اعترف مازال يوجد رجال بمعنى الكلمه ممكن تجد راجل عمره 16 عاما
فعلا فيه مفروض نشوف كمان الكويس .
اعتذر عن الرغى سكريم ولكن موضوعك فى غاية الأهميه ويحتاج لنقاش

جزيت خيرا اخى

[مونه]

الرجوله..الرجوله..الرجوله
دى كانت زمان أيام ما كان الولد بيتحرج
يرفع راسه قدام والده ويخاف يعلى صوته
على أمه او حتى أخته ده كان زمان وياريته
يرجع زمان بس الزمن أتغير والرجاله كمان
أتغيرت دلوقتى بص فى عين أبوك وأرفع صوتك
على أمك وأضرب أختك مافيش مانع هتخاف
من مين ياريت الكل زيك يا سكريم
معلشى طولت عليك بس بجد جرئى
منك الموضوع ده تسلم

[SCREEM]

الرجوله كانت بتتحفر فى الطفل من اهله على الرغم من العيوب الى بيتربى عليها الطفل بس كمان المميزات كانت كتير زمان كان فيه عيب وحرام
دلوقتى مفيش زمان كنا بنسمع شخطه فى ولد مراهق ايه ده بتعمل ايه دى بنت حتتك تحميها بروحك
او بتعمل ايه؟؟؟؟؟؟؟؟؟؟؟ عندك اخوات
دلوقتى لا
نسيوا الاهالى يحفرو ده فى اولادهم بقى كل البنات حلآ لنا!!!!!!!!
زمان كان يتقال الراجل اللى يقف مع صاحبه وقت الشده دلوقتى الراجل اللى بيعرف بكسب القرش ....................................الخ
جاجات كتير يتكتب فيها كتاب اتغيرت
بس فى نفس الوقت اعترف مازال يوجد رجال بمعنى الكلمه ممكن تجد راجل عمره 16 عاما
فعلا فيه مفروض نشوف كمان الكويس .
اعتذر عن الرغى سكريم ولكن موضوعك فى غاية الأهميه ويحتاج لنقاش

جزيت خيرا اخى

عندك حق وبرضه انشغال الاهالي بلقمه العيش والفضائيات الي عمال الي علي بطال الي الشباب بيتفرجو عليها عشان يقلدو الاوروبين ياريت بناخد منهم حاجه مفيده المشكله اننا مبناخدش غير الكلام الفاضي تسقيط البناطيل والشعر والكلام الفاضي

الف شكر علي مرورك الجميل ايسل

[SCREEM]

الرجوله..الرجوله..الرجوله
دى كانت زمان أيام ما كان الولد بيتحرج
يرفع راسه قدام والده ويخاف يعلى صوته
على أمه او حتى أخته ده كان زمان وياريته
يرجع زمان بس الزمن أتغير والرجاله كمان
أتغيرت دلوقتى بص فى عين أبوك وأرفع صوتك
على أمك وأضرب أختك مافيش مانع هتخاف
من مين ياريت الكل زيك يا سكريم
معلشى طولت عليك بس بجد جرئى
منك الموضوع ده تسلم

اشكرك انك قولت ان الموضوع جريء وانا عارف ان في ناس مش هترضي تخش كل همها تعمل مواضيع عن الموضه وعلاقه الولد بالبنت وتصاحبي ومتصاحبيش وكاننا ف امريكا مش ف مصر

هو الموضوع مش صوره سوده قوي زي منتي فاهمه او فاهم مش عارف بقي في ناس محترمين بس المشكله ان الواحد المحترم ف وسط الف زي دول مش هيعمل حاجه والناس مبقاش فارق معاها تحرش من شتيمه من قله ادب عادي كله بقي طبيعي


الف شكر علي مرورك

[Innocent]

هوفى رجاله بس الجيل الى فات يعنى الناس الى عدت ال 25 كده
بس بقى الى طالع اغلبه بيستهبل ومش بيقدر يتحمل اى نوع من انواع المسؤليه كل الى هامه انه يلمله كام بنت حوليه فى الكليه وبكده بقى يبقى راجل
معنى الراجل الصح تقريبا كده ضااااااااااااااااااااااع
وانا بشوف ان كلمة راجل دى بتحمل معانى كتير مهمه زى مانت كاتب فى التوبك كده والصفات دى ياريت كمان تبقى عند البنات(بنت راجل) مش معنى كده ان يبقى صوتها خشن وتشرب سجاير او كده بس تبقى جادعه بدل ماتبقى عامله زى العروسه الحلاوه الى ماشيه فى الشارع
وسورى على الرغى الكتير
ثانكس اسكرين

[SCREEM]

هوفى رجاله بس الجيل الى فات يعنى الناس الى عدت ال 25 كده
بس بقى الى طالع اغلبه بيستهبل ومش بيقدر يتحمل اى نوع من انواع المسؤليه كل الى هامه انه يلمله كام بنت حوليه فى الكليه وبكده بقى يبقى راجل
معنى الراجل الصح تقريبا كده ضااااااااااااااااااااااع
وانا بشوف ان كلمة راجل دى بتحمل معانى كتير مهمه زى مانت كاتب فى التوبك كده والصفات دى ياريت كمان تبقى عند البنات(بنت راجل) مش معنى كده ان يبقى صوتها خشن وتشرب سجاير او كده بس تبقى جادعه بدل ماتبقى عامله زى العروسه الحلاوه الى ماشيه فى الشارع
وسورى على الرغى الكتير
ثانكس اسكرين

اسكرين تاني مفيش فايده المهم



هو فيه رجاله بتتحمل المسؤليه مش مفيش بس مظاهر الرجوله اتغيرت من وجهه نظر الناس شرب السجاير والكلام الفاضي ده الرجاله موجوده بس الراجل الجدع هو الي مبقاش موجود

الف شكر علي مرورك الجميل نورتي

[هشام اللول1]

هو موضوع مهم جدا طبعا
لانها اصبح معظم الشباب يقلدون الغرب في السلبيات فقط
ولكن لا ينظرون الي الايجابيات مثل الانتاج

وان الرجوله تربي من المنزل
لان الشاب لو تربي تربيه صحيحه
يعني المفروض الاسره تعلمه التربيه الاسلاميه الصحيحه
والاعتماد علي النفس
والمعاني الحقيقيه للرجوله

وفي الاخير لو متعلمش في البيت
الحياه هتعلمه يعني ايه الرجوله
ولو متعلمش من الحياه
يبقي عليه العوض ومنها العوض
والله يرحمك يارجوله

شكرا لموضوعك سكريم
وبارك الله فيك

[SCREEM]

هو موضوع مهم جدا طبعا
لانها اصبح معظم الشباب يقلدون الغرب في السلبيات فقط
ولكن لا ينظرون الي الايجابيات مثل الانتاج

وان الرجوله تربي من المنزل
لان الشاب لو تربي تربيه صحيحه
يعني المفروض الاسره تعلمه التربيه الاسلاميه الصحيحه
والاعتماد علي النفس
والمعاني الحقيقيه للرجوله

وفي الاخير لو متعلمش في البيت
الحياه هتعلمه يعني ايه الرجوله
ولو متعلمش من الحياه
يبقي عليه العوض ومنها العوض
والله يرحمك يارجوله

شكرا لموضوعك سكريم
وبارك الله فيك

عندك حق يا اتش ف كل كلمه قلتها بس فين الي يسمع بس في ظل الظروف دي كلها صعب انك تقدر تسيطر من البيت والمدرسه والنواحي دي

الف شكر علي مرورك ياحج

[المبدع]

اولا بشكرك على موضوعك لانه فعلا موضوع جميل ومهم
وثانيا هو ده فعلا معنى الرجوله للشباب انه يمشى بعلبة السجاير والولاعه والموبايل فوقيهم فاكر انه هو كده البنات هتكلمه وتجرى وراه
طب انت عارف دول الشباب اومال بقى العيال الصغيره اللى هى لسه فى تالته اعدادى ويمكن اقل وبيشرب سجاير
لانه فاكر انها كده هتخليه راجل
اسف للاطاله
وشكرا ليك وعلى موضوعك يا (اسكريم)اى خدمه قلته صح اهو