رد مع اقتباس(قل يا عبادي الذين اسرفوا على انفسهم لا تقنطوا من رحمة الله.ان الله يغفر الذنوب جميعا.انه هو الغفور الرحيم)
ما اجملها قصه معبره
اللهم اغفر لى ولأخوانى وأخواتى المسلمين اجمعين
امين يارب
اشكرك اخى محمد
قهوتنا على الانترنت
مشرف الركن الإسلامي
►█◄ : رقم تليفون بابا ......010 ►█◄
بسم الله الرحمن الرحيم
حكايه حب
هى بعباية طويلة وطرحة ملونة جميلة ووجه برىء مبتسم دائما..و.ماسكة كمية كتب مهوله
فاتت ........كتبها وقعت ...حاول يلمهلها ...(انتو عارفين الشباب المصري خدوم قد ايه)
هى:متشكره اوى (ووشها احمرمن كتر الكسفة يا عينى)
لاول مره يرفع عينه ويشوفها
هو:لا عادي ولا يهمك(فى اسبهلال)
تمشى ونظراته مش قادره تفارقها
هو:مش ممكن البراءة دي (فى سره)
يعود لاصدقاءه
هو:يااااه ..ايه ده؟ قصدي مين دي ؟انا اول مره اشوف البنت دي...هى سنه كام؟
صحابه:دي معانا يابرنس .بس سيبك خنيقة مووووت..اصلها من النوع الدحيح ..اللى بيحضر ووجع الدماغ ده ...يا شيخ دي بت معقده...انت قولتلى سيبت جيجى ليه؟يامان خالد كان بيوصلها بعربيته عشان كنا بليل طالعين ومفيش مواصلات..متبقاش خنيق يا مان
وصاحبه قاعد يتكلم ويتكلم وصاحبنا ولا هو هنا
لاول مره فى حياته يحس بحاجه .احساس بالامان ...العودة للوطن...حضن امى...احساس حلو اوى....
هوفى سره)هى رايحه فين؟نظراته بتراقبها؟.....المسجد!!!!
احساس دخيل لاول مرة يشعر بيه...انا عمري ما دخلت مسجد الكليه ولا اعرف شكله...ده انا بصلى الجمعة بزن امى
مستنيها(فاضى بقى )
هو:لو سمحتى ممكن كلمة
هى:فى حاجه حضرتك؟
هو:بس كنت عاوز اعرف اسمك
تمشى (فى سرها ده مين الانسان ده ؟)
اتكررت محاولات اخينا مليون مرةوطبعا دون جدوي
الموضوع ف الاول كان تحدي واثبات لنفسه ان الكبير كبير وعاوز يكلمها باي طريقة.ايوة اشمعنه دي ..دي كل البنات هتموت لو اشارة منه
لكن كل المحاولات فشلت
بس هو كان مش موضوع تحدي كان حب ...ايوة حب ..بس حب جميل اوى ..نضيف اوى...برىء اوى
...قال خلاص مبدهاش انا هدخلها من طريق تانى!!!الجواز!!
ياسلالالالالالالالالام(ده انا اللى بقول)
هو:لو سمحتى انا معجب بيكى...وعاوز اتقدم ليكى
هى:تتقدم لى !!!انا اسفه مينفعش
هو:انتى مرتبطة(واحساس بصدمة رهيبة هيسمعها)
هى:لا بس انا عاوزه ارتبط بشخص ملتزم.....ومشت
وكانت الكلمة دي اكبر صدمه سمعها فى حياته
حس احساس رهيب ولاول مرة يسمع الكلمه دي ويفكر فيها ....
بيبص للبسه!
لشكله!
لعلبة السجايرو(واخواتهاا)اللى فى ايده!
لموبايله اللى مليان تليفونات بنات ومسجات بشعه!و........وو..انا مين؟انا ايه؟.
ويمر شريط حياته لاول مره امام عينيه ....يااااااااه انا فاشل اوى كده...ياه انا بشع كده
انا استاهل انها ترفضنى.!.. يبص لحياته لاول مرةو يفهم يعنى ايه كلمة ملتزم...
الله اكبر ...الله اكبر.....(اذان العصر )لاول مرة ياخد باله من الاذان
شافها داخله مسجد البنات....
بلا شعور لقى نفسه فى المسجد.....بس انا مش متوضى !...راح واتوضى
وبكي...ايوة قعد يبكي وهو بيتوضى ويقول مستحيل ربنا يسامحنى ده ولا كل الميه تنضفنى انا والذنوب اللى عملتها
سمع هاتف..وأيه كان بيقراها وهو صغير(قل يا عبادي الذين اسرفوا على انفسهم لا تقنطوا من رحمة الله.ان الله يغفر الذنوب جميعا.انه هو الغفور الرحيم)زاد بكاؤه وصوته بيقول يااااااااااااااااارب يااااااااااااااارب
صلى وبكي فى خشوعه وركوعه وسجوده...بعد ما خلص مخرجش ...قعد يناجى ربنا شويه...وخرج
عارفين احساسه كان عامل ازاي؟انا مش قادر اوصفه؟رجع تانى بنى ادم ربانى رجع تانى لقلبه رجع تانى ضميره رجع لكل حاجه حلوة كانت ضايعه منه فى ايام الضياع !!!
صحابه:............ايه يابرنس كنت فين قالبين الدنيا عليك موبيلك مقفول ..ايه كنت فين؟
مسمعهمش ..مشى فى طريقه ..مش شايف حد أمامه ..مش شايف غير طريق نور ركب عربيته وصل بيته قبل ايد والدته
دخل غرفته قطع الصور ...نضف الكومبيوتر...رمى شريحته...نضف حياته ...مسك قلم وورقة وقال
انا بنى ادم جديد
انا بقيت نضيف
غاب عن جامعته شهر.... بيعيد نظام حياته يصلح علاقاته بيحب اهله ولاول مره بيتكلم بجد وبحب مع اخواته
ياااااااااه انا اخواتى بيحبونى اوى كده .....وامه بالدعاوى ماشيه وراه...لفلها وقالها بحبك ياامى وقبل ايدها
نزل راح الجامعه .....اتصدموا من شكلوا...صلح حاجات كتيييييييير معاهم...بعد عنهم .....
شاااافها!!!
..اتغير لونها وبريق عنيها اول ماشافته..............زى ما يكون........
هو طبعا مش مصدق نفسه..ولا هى مصدقه شكله ولاعلامة الصلاه والنور اللى بقت فى وجهه!!
قالها :لسه مينفعش؟
قالتله:رقم تليفون بابا........................010.....
التعديل الأخير تم بواسطة معا لنصرة ديننا ; 1 - 5 - 2010 الساعة 11:48 AM
مصراوي مفيش منه
(قل يا عبادي الذين اسرفوا على انفسهم لا تقنطوا من رحمة الله.ان الله يغفر الذنوب جميعا.انه هو الغفور الرحيم)
ما اجملها قصه معبره
اللهم اغفر لى ولأخوانى وأخواتى المسلمين اجمعين
امين يارب
اشكرك اخى محمد
مشرفه ركن الترحيب والمناسبات
جزاك الله كل الخير
بوركت اخى محمد على الطرح الجميل
اللهم اهدى شباب المسلمين جميعا وبارك فيهم
وسدد خطاهم الى ماتحبه وترضاه وسلمت يمينك
وفى انتظر كل ماهو رائع وطيب منك
نجم مصراوي
عضوه مميزه
بارك الله فيك وجزاك
مشرف الركن الإسلامي
جزاكي ربي الجنة أختيالمشاركة الأصلية كتبت بواسطة bosy_na
وبارك الله في قولك وعملك
شرفني مرورك العطر أختي
مشرف الركن الإسلامي
اللهم آمين يارب العالمين
جزيتي كل خير أختي ريم
وبارك الله في عمرك يارب العالمين
أسعدني ويسعدني مرورك دائما أختي ريم
مشرف الركن الإسلامي
وجزاك ربي الجنة أحمد
بارك الله فيك وجزاك ربي بالفردوس الأعلي يارب العالمين
شرفني مرورك العطر أخي
مشرف الركن الإسلامي
وجزاكي ربي الجنة أختي الكريمة
بوركتي أختي وغفر الله لكي ولوالديكي يارب العالمين
أسعدني مرورك الطيب
عضو مميز
كم هي رائعه تلك الفتاه التي طلبت زوج لها ملتزم
كم هي رائعه تلك القصه التي عبرت واقع كثير من شباب اليوم
كم هي رائعه لاني وجد فيها معني قوله تعالي
[ ان الله لا يغير ما بقوم حتي يغيروا ما بأنفسهم ]
ثبتنا الله علي طريق الحق والنور المبين
وبارك الله فيك محمد
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
