رد مع اقتباسموضوع جميل جدا
وفعلا الناس اللى زى دول معندهمش زمه ولا ضمير
اهم حاجه الفلوس والفلوس = الضمير والاخلاق
شكرا على طرحك المميز ده
ومن تميز لتميز يارب
تقبل مرورى المتواضع
قهوتنا على الانترنت
مشرف على المنتدى السياسي العام
مفيش ذمة وضمير واخلاق
مفيش ذمة وضمير واخلاق
لما تكون بقالك سنة شهور شغال وبتحوش في مرتبك
علشان تجيب لك موبايل بكاميرا وبيشغل اغاني وحوشت الفلوس وروحت اشتريت
وتركب تاكسي وموبايلك يوقع في التاكسي وانت تتصل برقمك
تلاقي الموبايل اتقفل والشريحة اترمت وخلاص مفيش موبايل
(يبقي مالهاش غير معني واحد مفيش ذمة وضمير واخلاق )
----------------
لما تروح محافظة غير محافظتك بتخلص اي مصلحة
وانت علشان مش عارف المواصلات ايه ظروفها هناك
فبتركب تاكسي وخلاص علشان يوديك المكان اللي انت عايزه
وعلشان انت غريب عن البلد ومتعرفش الاسعار ايه
يقوم السواق ضاحك عليك في الاجرة
يبقي مفيش ذمة وضمير واخلاق
----------------
لما تروح السوبر ماركت علشان تشتري اي حاجة ليك او للبيت
وترجع البيت وتبص في الحاجة اللي انت اشتريتها تلاقي مدة الصلاحية منتهية
والبياع بايع ليك الحاجة دي وعارف
يبقي مفيش ذمة وضمير واخلاق
----------------
لما تروح تاني السوبر ماركت وانت بتحاسب البياع
فالبياع يغلط في الحساب وانت صاحي ومركز وعارف ان هو كده ليه باقي
وتاخذ بعضك وتمشي وكان شيئا لم يكن
يبقي مفيش ذمة وضمير واخلاق
----------------
لما وانت راكب وفي الترام بتاع اسكندرية
وتلاقي واحد ركب جمبك
والراجل الكمثري بيقول حد عاوز يخلص ضميره حد بيراجع ضميره
وهو مش في دماغه مع العلم ان تذكرة الترام ب25 قرش يعني ربع جنيه
يبقي مفيش ذمة وضمير واخلاق
----------------
لما انت تروح اي مصلحة حكومية علي الساعة 8 الصبح
وتسال علي الموظف اللي معني بتخليص الورق اللي انت محتاجه
يقولك هو اجه بس مضي ومشي
يبقي مفيش ذمة وضمير واخلاق
----------------
لما تكون انت واحد متجوز وقاعدة في شقة والدتك او والدك
وفي مشاكل اه بين امك وبين مراتك
فانت روحت تقدم علي شقة
والباحث جالك
فانت علشان الباحث يديك الشقة اللي انت اصلا ما تستحقهاش
تزبطه وتقبضه علشان يكتب حاجة غير اللي شافها لان انت كلكم علي بعضكم تلاتة
ويروح لناس تانية ممكن يكونوا سبعة في الشقة بس علشان ما قبضوش
يبقي انهم ما يستحقوش الشقة دي
يبقي مفيش ذمة وضمير واخلاق
----------------
لما انت تروح علشان ترخص العربية علشان تجدد رخصة العربية
فالمهندس بتاع الفحص علشان ما يقعدش يتلكك لك علي حاجة
وهي اصلا العربية زي الفل مفيهاش حاجة
بس علشان يمشيلك ورقك
لازم تجيبله كارت شحن يا ب50 يا ب100
يبقي مفيش ذمة وضمير واخلاق
----------------
لما انت تكون فاتح محل النت
وحملة مصنفات تجيلك وانت مرخص وكل حاجة تمام وزي الفل
بس برده علشان هما اتللكوا ليك فقاموا مدينك قضية ب20 الف جنيه
علشان انت بس مكنتش مزبط مع المخبرين علشان يقولوا ليك قبل ما الحملة تطلع
علشان تقفل المحل وقت الحملة وتريح دماغك منهم
يبقي مفيش ذمة وضمير واخلاق
----------------
لما تكون شغال سواق تاكسي وماشي في حالك
وعسكري المرور يقولك هاتلي فطار علشان ما اديكش مخالفة
او استقصد العربية دي واديها مخالفات من غير ما تكون كاسر اشارة او اي حاجة تانية من بتاعة المرور
يبقي مفيش ذمة وضمير واخلاق
طبعا مش كل الناس معندهاش ذمة وضمير واخلاق بس دي الاغلبية والحياة عندنا خلاص بقت ماشية كده
التعديل الأخير تم بواسطة SCREEM ; 10 - 5 - 2010 الساعة 01:39 AM
نجم مصراوي
موضوع جميل جدا
وفعلا الناس اللى زى دول معندهمش زمه ولا ضمير
اهم حاجه الفلوس والفلوس = الضمير والاخلاق
شكرا على طرحك المميز ده
ومن تميز لتميز يارب
تقبل مرورى المتواضع
مصراوي مفيش منه
وبجد اللى يقرا موضوع زى دا وميرودش ولو بحتى كلمة شكر
يبقى
مفيش ذمه ولا ضمير ولا اخلاق
ما اصعب ان تبكى بلا دمع
وان تتكلم بلا صوت
وان تحيا لتنتظر الموت
وان تحضر تتويج خيانة الاحباب
وان تستيقظ لترى ان كل لك
((حقيقة))
وليس احلام
البحث على جميع مواضيع العضو ك/علاء النسر
مشرف على المنتدى السياسي العام
المشاركة الأصلية كتبت بواسطة المبدع
الف مبروك طبعا الاول للاهلي
وبعدين انت لحقت ترد ياحج ايه السرعه دي اللهم لا حسد
فعلا الفلوس بقت ممكن تشتري اي حاجه دلوقتي
الف شكر علي مرورك الجميل ياحج
مشرفة المنتدى السياسي
سكريم حرقت دمى يا اخى تصدق بجد احنا وحشين
بجد الضمير مات جوانا بس صدقنى سكريم ممكن يكون اللى بيمد ايده ده محتاج قوى قوى قوى ويمكن كمان ضميره بيأنبه ومبينامش الليل بس محتاج يعمل ايه ( مش ببرر يا سكريم والله) بس فى ناس كتير ضميرهم بيوجعهم بس فعلآ محتاجين...................................
وفى ناس كتير ربنا ينتقم منهم ضميرهم ميت
ودول حسابهم عند اللى لا بيغفل ولا ينام تسلم اخى على الموضوع
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
مشرف على المنتدى السياسي العام
جامده منك دي ياحج
وعموما الي مبيردش مبزعلش منه لانه جايز الموضوع معجبوش والواحد لازم يتقبل كل الاراء
الي يشوف ردك وميقولش الف شكر ليك علي المرور
يبقي معندوش ذمه ولا ضمير ولا اخلاق
الف شكر ياحج عالمرور
مشرف على المنتدى السياسي العام
هيا وصلت لحرقه الدم
ماهو بصراحه الي يشوف موضوع زي ده وميتحرقش دمه يبقي معندوش ذمه ولا ضمير ولا اخلاق
عموما ممكن تكون الناس دي فعلا محتاجه بس هتحس بايه بعد متمد ايدها وهيبقي شكلهم ايه قدام ربنا مع ان ده ممكن يكون اختبار من ربنا سبحانه وتعالي ولو تحاملو علي نفسهم ممكن ربنا يكرمهم انما ان شايف ان عمر ده ما كان مبرر
الف شكر علي مرورك الجميل ومعلهش اني حرقت دمك امسحيها فيا
نجم مصراوي
انت هتحسدنى ولا ايهالف مبروك طبعا الاول للاهلي
وبعدين انت لحقت ترد ياحج ايه السرعه دي اللهم لا حسد
فعلا الفلوس بقت ممكن تشتري اي حاجه دلوقتي
الف شكر علي مرورك الجميل ياحج
اناا رديت بسرعه لان عنوان الموضوع عجبنى وطبعا كاتب الموضوع
مشرف على المنتدى السياسي العام
انت هتحسدنى ولا ايه
اناا رديت بسرعه لان عنوان الموضوع عجبنى وطبعا كاتب الموضوع
تسلم ياحج ده بس من زوقك
انا ملحقتش ابص جنبي لقيتك رديت انت النت عندك سرعته كام اللهم لا حسد
الف شكر ليك ياحج
مصراوي مفيش منه
الذمه والضمير والاخلاق
خلصت خلاص وانتهت فى بلدنا
قليل لو لقينا حد عنده ضمير
والله فى ناس كتير اوى فى بلدنا ضميرها مات محتجين حد
يفكرهم انهم كده ماشين فى طريق ملوش غير نهايه واحده
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
