نقـــــــاش هــــام للجمــيع ..(ارائــكـم تهـمـنا)..

[سعيد الفيشاوى]

طيف الامل
قرأت هذا الرد مره تلو الاخرى
لاتأكد اننى وصلت الى المعنى المراد ايصاله الى
ولكننى لم اصل اليه
لذلك سأرد عليك نقطه نقطه
كما جزأت انت الموضوع الى نقاط هامه

قبل ما ابدا نقاشى هقول الأرواح جنود مجندة فما تعارف منها ائتلف و ما تناكر منها اختلف وقبل ما اتناقش معاكم برده انا متفق معاكم ان المنتدى للود والاحترام والاخوةومناقشه الموضوعات وتبادل الافكار والاراء والكلام ده مفيش عليه اختلاف ونحاول نتناقش فى رد الاعضاء وننظم الرد فى نقاط
1- ولو نتكلم فى نقطه ان شخص اتعلق بشخص من خلال كتاباته يبقى كده هو اتعلق بشخصيته لان القلم بيعكس الشخصية على الورق وفيه نماذج كتير فى المنتدى تركت تاثير كبير فى نفوسنا بعد رحيلها نا بالرغم ان احنا مشوفنهاش لاكن شوفنا كتابتها بس لكن اثرها علينا كبير يبقى لازم نتفق ان القلم بيعكس الشخصية

كلام جميل قوى
لكننا اهملنا نقطه مهمه
وهى انك تتكلم عن اشخاص تركو بصماتهم بيننا
الاشخاص دى ما كانتش معانا
لتكوين علاقات من النوع ده
دى ناس كتبت موضوعات او حتى خواطر واحاسيس
وناقشت قضايا عامه بعيدا عن العلاقات الخاصه
وبموضوعاتها المهمه واحاسيسها الصادقه اللتى لامست احوالنا جميعاااا ولم تدعونا الى اى شئ خارج
وصلو الى قلوبنا جميعااا
ولكن كاخوه وليس كموضوعنا الان

وموضع ان فيه من يتمتع بحسن اللباقه وحسن الحديث مع غيرة والغرض هو المنظرة مش لزم نعمم الموضوع ده لان اكيد فيه الحلو وفيه الوحش

دا اكيد ومافيش عليه اختلاف لان الحلو موجود والوحش موجود فى كل شئ وفى كل مكان
واللهم لا اعتراض

2- تعارف المنتدى هو كاى تعارف انت بتقابل الشخص وتسال على اهله و اخلاقه وكل شئ عنه و اى حد يقول هو انت تضمن اخلاقه منين وانت لو قابلت اى شخص لاول مره تضمن اخلاقه منين غير بالسؤال عليه وعلى اهله وبيته ونشاته

ممكن يكون وجهه نظر سليمه 100%
لان الانسان دا ممكن جدا ما يكونش فيه سابق معرفه
يبقى هتتعرف علي اخلاقه من خلال سؤالك عنه
لكن شخصيته انت هتتعرف عليها من معاملتك له
مش من سؤال الناس

3- هنفرض مثلا ان انت فى العمل ومعاك انسانة اعجبت بيها وباخلاقها هل مينفعش ترتبط بيها علشان هنقول ان العلاقة الى بينا زمالة عمل بس لا طبعا من حقك ترتبط بيها طالما كل ده مش هيغضب ربنا

دا شئ طبيعى جداا
زميله عمل تعاملت معها وتكلمت معها وتعرفت عليها جيداا
كانسانه وليس كقلم يكتب ومن الممكن انه لا يكتب
بل انه ينسخ وفى هذا الحال كلماته وقلمه لا ينعكس على شخصيته ولا يعبر عنه !!!

القصد انك ممكن تواجه اهلك وتقولهم
انك عرفت البنت دى عن طريق النت ؟

وكلامى ده دفاع عن العلاقات الجادة الى مفيش فيها شئ حرام مفيش مانع ان اتنين اتعرفو على بعض سواء فى المنتدى او على الماسنجر او فى العمل او فى الشارع وحصل بينهم وفاق طالما ان العلاقة بينهم هتمشى فى حدود العادات والتقاليد الى دينا ومجتمعنا بيامرنا بيها

احترم هذا الرأى كثيراا مع اختلافه معى
ولكن الاختلاف فى الرأى لا يفسد للود قضيه
ولكن يمنحها وضوحا واراء اكثر


و انا متفق مع رد اسماء ملكة الرومانسية فى كل حرف

هنا تكمن المشكله؟
فأنا ارى تناقضا واضحا
فرأى اسماء مخالف تماما لرأيك
هنا اصبحت مشوشا جدا وارجو الايضاح


وبعدين يا بخت من وفق راسين فى الحلال

اتمنى يكون المعنى الى انا عاوز اوصله وصل وشكرا لطرحك الجميل يا ابو الاسماء (اجمل الاسماء ) مش معاكسه برده على فكره هههههههههههههههه

هههههههههههههههههههه
انا ابو اسماء واحده بس
مش كل الاسماء
تقبل مرورى

مرور رائع ومداخله سعدت بها كثيرااا
واتمنى تكرار هذه الزياره
لموضوعاتى المتواضعه

مع وافر احترامى وتقديرى

ابو اسماء

[طيف الامل]

انا مش عارف ايه الى مش واضح لكن احاول اوضح
ان اول نقطة بتقول ان الكتابة بتعكس شخصية الكاتب
تانى نقطة بتهيالى مفيش فيها نقاش
تالت نقطة هتتعرف على شخصيته من خلال فترة الخطوبة الى حللها الاسلام واعتقد ان دى فترة تكون كافيه لمعرفة الشخصية وده الهدف من الخطوبة
رابع نقطة ايه هى مصادر النت الى انا اقصدها هو كل تعارف مع بنت على نت نقول ان البنت دى مش كويسة انا متاكد ان لا واعتقد ان انت متفق معايا فى الموضوع ده

وبعدين احاول اوصل ان انا مش اقصد اى علاقة خاصة بيحرمها الدين انا اقصد العلاقة الى الدين شرعها لينا او علاقة فى الخفاء يعنى مقصدشى علاقة زى العلاقات الجامعية الهدامة لا انا بتكلم على علاقة زواج وتكوين اسرة وعلاقة من النوع الى بامر الدين بيه واعتقد ان انا ذكرت ده فى كلامى انت قولت احترم هذا الراى جدا مع اختلافى معه ومذكرتش ايه تفسير الاختلاف او ليه بتختلف عليه يمكن تكون هناك فكرة غائبة عن ذهنى

وفعلا اختلاف الراى لا يفسد للود قضية سعدت بيك ابو اسماء وانت والد اجمل الاسماء

[سعيد الفيشاوى]

انا مش عارف ايه الى مش واضح لكن احاول اوضح
ان اول نقطة بتقول ان الكتابة بتعكس شخصية الكاتب


دا ممكمن لكن مش اكيد
زى انا ما قلت ممكن يكون بينقل موضوعات قرأها فى مكان
اعجبته
نقلها
ممكن يكون بينتقى كامات للوصول الى شئ معين
مش علشان يناقشها او ما الى ذلك.......
ودا مش بيعبر عن شخصيته
دا بيجمل شخصيته!!


تانى نقطة بتهيالى مفيش فيها نقاش

تمـــــــــــام


تالت نقطة هتتعرف على شخصيته من خلال فترة الخطوبة الى حللها الاسلام واعتقد ان دى فترة تكون كافيه لمعرفة الشخصية وده الهدف من الخطوبة


كمان هنا ما فيش اختلاف !!


رابع نقطة ايه هى مصادر النت الى انا اقصدها هو كل تعارف مع بنت على نت نقول ان البنت دى مش كويسة انا متاكد ان لا واعتقد ان انت متفق معايا فى الموضوع ده

انا لا اقصد هذا
ولم ولن اسيئ من قريب ولا بعيد لفتاه النت
لانى لا اراها سيئه
بنات النت كغيرهن منهن الجيد والسيئ
وليس هناك تعميم


وبعدين احاول اوصل ان انا مش اقصد اى علاقة خاصة بيحرمها الدين انا اقصد العلاقة الى الدين شرعها لينا او علاقة فى الخفاء يعنى مقصدشى علاقة زى العلاقات الجامعية الهدامة لا انا بتكلم على علاقة زواج وتكوين اسرة وعلاقة من النوع الى بامر الدين بيه واعتقد ان انا ذكرت ده فى كلامى انت قولت احترم هذا الراى جدا مع اختلافى معه ومذكرتش ايه تفسير الاختلاف او ليه بتختلف عليه يمكن تكون هناك فكرة غائبة عن ذهنى


اختلافى ان انا مش ممكن افكر ارتبط ببنت
عرفت شخصيتا من خلال موضوعاتها او ردودها
وكل اللى عرفته عنها اللى هى قالتو عن نفسها عبر الايميل
علشان اعرفها كويس يبقى لازم اقابلها واكلمها
واتعرف على شخصيتها الاول قبل ما اتقدم لخطبتها

ودا هو اللى انا برفضه رفضا نهائياا
والا اصبح الشباب يتجولون فى المنتدايات
للتعرف على الفتايات
اصبحت فتياتنا لعبه رخيصه فى ايدى هؤلاء الشباب
ودا كان السبب الرئيسى فى طرحى للموضوع
(( الشاب اعجب بموضوعات الفتاه وهى اعجبت بموضوعاته ))
فلا يبقى الا اللقاء ليتعرف عليها اكثر
ممكن يكون انسان كويس
وممكن لا
يبقى نسيب البنت تغامر وتقابله وهى وحظها ؟
ولا نرفض هذا المبدأ ؟

وبعدين اللى انا مش فاهمه
انك مع فكره التعارف والارتباط اللى شرعه الله حتى لو كانت المعرفه عبر الانترنت
ورجعت قلت انا اتفق مع اسماء فى كل(( حرف ))
اسماء رأيها غير ذلك
فهى ترفض هذه الفكره
فكيف يكون رأيك هكذا @ وتتفق معها فى رأيها
هذا ما جعلنى مشوشا واردت الايضاح

وفعلا اختلاف الراى لا يفسد للود قضية سعدت بيك ابو اسماء وانت والد اجمل الاسماء

بارك الله فيك اخى الكريم
سعدت جداا بمحاورك
ومداخلتك
واذداد موضوعى اهميه وموضوعيه عن ذى قبل
لك منى كل احترام وتقدير

........................................
ابو اسماء

[aeme3100]

وانا رأيى ان المنتدى فقط للود والاحترام والاخوة
ومناقشه الموضوعات فقط لا غير

لا مجال للحب من وراء الاقلام
الحب بيكون من الافعال وان نتحاب فى الله

[سعيد الفيشاوى]

وانا رأيى ان المنتدى فقط للود والاحترام والاخوة
ومناقشه الموضوعات فقط لا غير

لا مجال للحب من وراء الاقلام
الحب بيكون من الافعال وان نتحاب فى الله

اخى الفاضل

تشرفت بمرورك الكريم
واسعدنى ردك وتواجدك كثيرااا

لك منى كل احترام وتقدير