نقـــــــاش هــــام للجمــيع ..(ارائــكـم تهـمـنا)..

[سعيد الفيشاوى]

رساله جائتنى من صديقه غاليه كاختى تماما
تدعونى للاشتراك فى منتداها (...........)
الاشتراك خصيصا لاقرأ موضوعات عضو معين
وهذا لانه حبيبها
حبيبها الذى لم تشاهده يوما !!
ولم تتعرف عليه الا من خلال موضوعاته !!
احببته من خلال موضوعاته!!
ورسائله الخاصه لها !!
وكل ما تعرفه عنه ..
هو ما قاله لها عبر الايميل !!

هناك اسئلة جادة في هذا الموضوع

وهى لنا جميعا
شباب وفتايات المنتدى

يا ترى الحب ده حقيقي ؟

وياترى تخرج او تخرجى تشوفى انسان كل اللى تعرفيه عنه كتاباته ؟

وهل فعلا كل واحد فينا عندما يكتب يكتبما يعبر عنه او عن شخصيته ؟

واذا احببتى هذا الانسان تقدرى او تقدر تكون صريح مع اهلك وتقولهم انت عرفته ازاى؟

وياترى لو محصلش بينكم نصيب وافترقتم عن بعض هتشترك تانى في المنتدى اللى اتعرفتو على بعض فيه ؟

ولو رجعت للمنتدى هتفدر تتعامل معه اوتتعاملى معه لاخوه
مفيش بينكم الا كل احترام ؟

وياترى لو حبيته بجد اوى او حبتها بجد اوى هتقدر توقف حبك ليها وتظهر مرة تانيه فالمنتتدى بس المرة دى ظاهر متجاهلها خالص...
بعد مكنت بتدخل عشانها عشان تقرى كلامها وتتعرف عليها اكتر؟

انا عارف انه موضوع غريب بس حصل !!

واعتقد ان فيه اصلا شباب وفتايات بيشتركو عشان يتعرفو على صداقات جديدة !!

كل واحد يدخل يقول رائيه .

وانا رأيى ان المنتدى فقط للود والاحترام والاخوة
ومناقشه الموضوعات فقط لا غير

لا مجال للحب من وراء الاقلام
الحب بيكون من الافعال
والمعرفه الجيده ليس الاقلام


أرائكم هامه فلا تبخلو بها
ولكم كل احترام وتقدير

[شيري العسولة]

وانا رأيى ان المنتدى فقط للود والاحترام والاخوة
ومناقشه الموضوعات فقط لا غير

لا مجال للحب من وراء الاقلام
الحب بيكون من الافعال
والمعرفه الجيده ليس الاقلام

وانا معاك تمام يعنى اية حب من خلال كلمات
فالحب افعال قبل الكلام
شكرا الك ع الموضوع وانتظر مع راى الجميع

[Innocent]

طبعا انتى عندك حق ساد
وبعدين ازاى هى حبته من غير ماتشوف الشخص ده وتشوفه ازاى بيتصرف الحب افعال ومواقف مش مجرد كلام

[مونه]

انا رأى أن المنتدى للود والأحترام
ومناقشه الأمور والمشاكل والمشاركه
فى حلها أنما تحب واحد من كلماته
ده مش حب ولو بالفرض قلنا حب
يبقى حبها لقلمه نفسه مش لشخصه
جزاك الله خيرا أخى سعيد او سعد
لو سمحتلى أنت سعيد ولا سعد
ولا أسمك أيه بس أوعا تقولى
أسمى الشبح هههههههههه

[bosy_na]

وانا رأيى ان المنتدى فقط للود والاحترام والاخوة
ومناقشه الموضوعات فقط لا غير

لا مجال للحب من وراء الاقلام
الحب بيكون من الافعال
والمعرفه الجيده ليس الاقلام

انا معكم ايضا فى آرائكم
الحب عبر المنتديات والماسنجر واى شىءتانى
مش حب اصلا ازاى تحبى شخص من غيرما تنظرى فى عينيه
العين بتقول الحقيقه وبتتكلم مش اللسان وكتاباته فى المنتديات
الحب فعل وتضحيات
احنا كده هندخل فى حصة حب ههههههههه
اوكى اشكرك اخى على موضوعك مهم جدااااااااااااااااااااااا ااا

[بك أستجير فمن يجير سواك]

اخى سلمت لطرحك موضوع مهم جدا
وهو الحب من خلف جدار اى كان الجدار ده نت او منتدى اوخلافه
بعض الناس بتفهم الموضوع غلط ان المنتدى ده علشان نعمل علاقات وصداقات بس
لا المنتدى من الروائع الا بجد بنحمد ربنا عليه لانوا بيحمل فكرة وبيحمل روح الاخوة
الا بيدوب الجدار الا قولت عليه يعنى الجدار ده لو قدهم حب حقيقى هيدوب مش هيكون ليه اثر
بس المنتدى بيكون مكان لطرح احلى واغلى الكلمات ومش بعيد يحدث حب بس ده هيكون حب حقيقى الا ياكده صاحب الحالة
بجد اخى اسعدنى جدا مرورى على موضوعك الرائعة وحفظك الرحمن

[ابو احمد رزق]

الموضوع ليس غريب اخي الفاضل
بل سهل ان يحدث لكن لن يكون حب
وانما يكون اعجاب او انبهار بكلمات الكاتب
وليس بشخصه لاننا لم نعامل بعض علي واقع الحياة
وانا أري ان المنتدي للحوار الهادف والصداقه
لا للحب عبر الشات او المنتديات
موضوعك مهم بارك الله فيك

[دره]

الموضوع رائع ودا شئ اكيد
بس على فكره الحب مش ماسنجر ولا حتى مقابلات وكلام بعيد عن الاهل وحتى لو هيموتو على بعض دا اسمه خيانه للاهل الحب ده بييجى فى وقته اللى ممكن يكون حد اتقدملك وحبتيه او واحده اتقدمتلها وارتحتلها هو ده اللى حب بجد على الاقل فى النور مش مقابلات وكلام فاضى وتهييس من الشباب والبنات وكمان مفيش حاجه فيه تغضب ربنا ولا اه يا شباب ومتنسوش ان داين تدان واللى هتعمله او تعمليه هتشوفيه على بناتك وساعتها الدموع هتبقى مش دموع واحد حبتيه وسابك لادى دموع الام اللى ممكن والدتك تكون بتبكى عليكى او عليك بيها وذنبها الوحيد انها ام
اسفه على الاطاله والرغى الكتير
اسماء

[سعيد الفيشاوى]

وانا رأيى ان المنتدى فقط للود والاحترام والاخوة
ومناقشه الموضوعات فقط لا غير

لا مجال للحب من وراء الاقلام
الحب بيكون من الافعال
والمعرفه الجيده ليس الاقلام

وانا معاك تمام يعنى اية حب من خلال كلمات
فالحب افعال قبل الكلام
شكرا الك ع الموضوع وانتظر مع راى الجميع

شيرى

رأى صحيح وسليم 100%

اسعدنى تواجدك كثيرااا

[سعيد الفيشاوى]

طبعا انتى عندك حق ساد
وبعدين ازاى هى حبته من غير ماتشوف الشخص ده وتشوفه ازاى بيتصرف الحب افعال ومواقف مش مجرد كلام

معاكى كل الحق
صعب ان يعجبو ببعض من خلال
موضوعاتهم وارائهم

وان هى تصدق كلامه
انو عايز يقابلها ويتعرف عليها اكتر
ارى ان ده كلام فارغ واستهبال منه
مش حـــب

اسعدنى رأيك وتواجدك كثيراا
ولك منى كل احترام وتقدير