معادلة طالب نبغه

[ماجد m]

معادلة طالب نبغه

هتذاكر =مش هتسقط ---------(1
مش هتذاكر=هتسقط ---------(2
بجمع المعادله 1+2
هتذاكر + مش هتذاكر =هتسقط +مش هتسقط
(هتذاكر (1+مش) =هتسقط (1+مش

بالقسمه على (1+مش)

# إذاً هتذاكر =هتسقط
ملاحظه:

المعادله شغاله وميه ميه
وسألوا مجرب بالتوفيق للجميع

　

[مونه]

أيه يابنى مش كفايه لخبطه كده
حرام عليك ده من كثر المذاكره
ولا أيه على العموم أنا مفهمتش
أى حاجه اللى يفهم يبقى يغششنى
وسيبك أنت بقى من المعادلات وقوم
ذاكر أحسن مش كده ربنا معاك

[ماجد m]

شكلك ملكيش فى الرياضه
دى معادلة بسيطه جداً
وبعدين أنا قلت أخنق فيكوا شويه
قبل الحرب مع الكتاب

[عفريتـــة هانم]

فكرٍتنى بالمذاكرٍة انا كنت قربت انسى اصلا
تسلم ايدك على المعادلــــــة الجميـــــلة دى واوعدك هعمـــــل بيها
وربنا يعينــا على الجريمة الى هنرتكبها

[هشام اللول1]

المعادله دي صح علي فكره
كمعادله بس يعني نظريا صح
عمليا متوقعش طبعا
تسلم ايدك

[ماجد m]

واواوعدك هعمـــــل بيها
لأ إوعى تعملى بيهاأنا كنت بهزر
أسعدنى مرورك ملاك هانم

[ماجد m]

أنا جربتها نظرى وعملى
وصدقنى متفرقش كتير فى بلدنا
شكراً لمرورك أخى هشام

[ماجد m]

ليس كل ما يدرسه المرء يفهمه
تاتى الإمتحانات بما لا تحتويه الكتب

[بك أستجير فمن يجير سواك]

ههههههههههههه
جميلة اوى المعادلة دى
نسلم ماجد ومنتظرين جديدك
تحياتى وتقديرى

[آية الرحمن]

يا ابنى احنا كدة كدة ساقطين ساقطين
ذكرنا هنسقط مذكرناش هنسقط
يبقى متفرقش كتير زخليك فى نظريتى احسن
ذاكر تنجح غش تجيب مجموع
نايس توبيك
تقبل مرورى