اسرقني .... شكراً

[SCREEM]

BANK.jpg

عني و عن جميع المفقوعين اتقدم بالشكر و التقدير لكل العاملين بمطبعة البنكنوت بالبنك المركزي و اخص بالشكر السارق القنوع اللي سرق هذا المبلغ التافة 2 مليون و 800 ألف جنيه مصري لا غير اللي ميشتروش شقة متشطبة في التجمع و حتى الان لم يهربهم لسويسرا غير انه مخدش بيهم قرض زي ناس و لا خد رشوة و لا حاجة دة سرق بمجهوده بدون الاعتماد على أي حد او أي قوى خارجية
طبعا كلنا عارفين ان المطبعة اتسرقت
مطبعة مين يا ولاد
مطبعة البنك المركزي !!!! مش مطبعة ام عبده اللي على ايدك اليمين و انت داخل بركة الفيل اللي بتطبع قراطيس اللب

ازاي اتسرقت محدش عارف اهو بيقولك كان فيه كرتونتين فلوس و فيفجابوا كرتونتين بيض و لأن خزنة الفلوس في البنك 28م يعني قد التلاجة الايديال 10 قدم قوم الكراتين دخلوا في بعض و كلوا الفلوس بدل البيض اليوم دة كانوا الموظفين متفقين يعملوا عزومة عشان مكنوش موجودين في شم النسيم

ليه بقى و مش حاسين بطعم الفلوس

لا مش حاسين هما يعني بيشوفوا الفلوس فين دة مرتبهم من الصراف للايجار و الكهربا و العيال و الضرايب عدل

طب هو مش فيه كاميرات مراقبة في البنك دة عمر افندي مليان كاميرات

ايون طبعاً فيه خمس كاميرات بس عقبال امالتكم كدة عطلانين من سنة مفيش غير واحدة شغالة

و ياعيني عشان هي بس اللي شغالة مصورتش الحرامي

دة غير انها كاميرا متمردة مكنتش عايزة تشتغل في المطبعة و كانت عايزة تشتغل في الفيديو كليب

فطبعا كاميرا بالاخلاق دي مش حتعرف تصور حرامية و ناس وحشين كدة

و دة سبب تاني يخلينا نشكر الحرامي و نرفع ليه القبعة لانه فضل ماسك نفسه سنة بحالها و صابر صابر و اداهم فرصة طويلة المدى عشان يصلحوا الكاميرات او يغيروها و لما يأس قال مبدهاش بقى انا اخد الفلوس دي عشان اصلح بيها الكاميرات

قوم ايه ...البوليس قبض على كل اللي شغالين هناك تقريبا 13 واحد بالاضافة للامن زيادة توكيد لان الحرص واجب بعد وقوع الجريمة و قالوا ان اكيد الحرامي واحد منهم

بالرغم ان كل اللي داخلين و خارجين المطبعة مفيهمش واحد بيتفتش و الدنيا امان و الجو بديع و من امنك لم تخونه و الحمد لله انها جت في مطبعة فلوس و اللي اتكسر يتصلح و اللي اتسرق يتطبع غيره و متنرفزش نفسك يا ابو محمد و الماكنة موجودة و الورق متلتل و نطبع 5 مليون بدل الفكة دي يعني هي جت على الغلابة ووقفت يا خويا

بس في حاجة غريبة في القصة دي

في الاول قالوا المبلغ المسروق 800 ألف و بعد يومين اكتشفوا ان فيه 2 مليون كمان مسروقين هل يا ترى الحرامي الخايب سرق ال800 بس و بعد كدة واحد تاني سرق ال2 مليون و بعدين حيشيلوه الليلة كلها ؟؟

سؤال يطرح نفسه داخل قلوب المرتابين

بس الحمد انا مطمن ان القضية دي حتخلص على خير و خصوصا و اننا عارفين ان المجرم واحد من اتنين

يا الماس الكهربائي

يا المختل عقلياً

[Innocent]

هههههههههههههههه
اسلوب التوبك جاااااااااااااااامد
وفى احتمال تانى انه يكون غلطان فى العنوان ههههههههههههه
ثانكس سكرين

[SCREEM]

هههههههههههههههه
اسلوب التوبك جاااااااااااااااامد
وفى احتمال تانى انه يكون غلطان فى العنوان ههههههههههههه
ثانكس سكرين

ههههههههههههههههههههههههه ههههههه

تصدقي ممكن

الف شكر علي مرورك الجميل بس لو تقولي اسمي صح

[~ NORA ~]

ههههههههه توبيك جامد تسلم ياعم ونستنى منك المزيد ومشكووووووور وتقبل مروري المتواضع ده

[HoBa HoBa]

هههههههههههههههههههه
توبيك جميل

[SCREEM]

ههههههههه توبيك جامد تسلم ياعم ونستنى منك المزيد ومشكووووووور وتقبل مروري المتواضع ده

الف شكر لمرورك الجميل

[SCREEM]

هههههههههههههههههههه
توبيك جميل

الف شكر لمرورك الجميل نورتي

[سعيد الفيشاوى]

ههههههههههههههههههههههههه ههههههههههههههههه


سكريم


لا قول بعد الذى قيل

[هشام اللول1]

موضوع جميل ياسكريم
بس هما قالوا انه كان كل يوم بيسرق باكوين في جيبه وهو طالع

وطبعا الامن ولا بيفتش ولا غيره وعاطي الامان لكل الموظفين داخل البنك

ربك كبير
بارك الله فيك

[shahysoufy]

ايه ياعم الحلاوه دي فعلا مصراوى بجد موضوعكك حلو مووووووووووت انا لو اعرف السرقه تمت امتى كنت روحت يمكن يكون وقع منهم جنيه كده ولا كده اهو كان نبنا من الحب جانب وحسبنا الله ونعم الوكيل فيهم ناس بتاخد بالملايين وناس هتموت على الجنيه حد يقولى يرضى ربنا ده