هم يبكي وهم يضحك ... اضحك يازمن

[مونه]

فعلا هم يبكى وهم يضحك بس أحنا اللى بنبكى
وأكيد هما اللى بيضحكوا على رأى المثل يقتل القتيل
ويمشى فى جنازته بس يا ترى لسه أيه تانى ها يقتلوه
فينا بعد كده
بارك الله فيك سكريم
وحسبى الله ونعم الوكيل

[هشام اللول1]

والله يا سكريم انت جابت حاجات كتيره غلط في البلد
انت متعتبش من الكتابه والكلام ياحاج

واحنا كل مواضيعنا كده عن الفساد اللي بيحصل في البلد

انا بجد نفسي ادور واشوف حاجه حلو عن البلد واكتب عنها
بس تكون غير انه مصر كسبت كاس الامم والناس نزلت ترقص وتفرح

يعني نفسي اكتب عن اتبني مصانع وناس شغاله فيه
عن اتبنت منطقه سكنيه وباسعار رخيصه للشباب ( بس مايكونش اتكلت منهما )
اي حاجه حلوة وخلاااااااااااص
ولا انت مش معاي

تسلم ياعم الثوراجي
وبارك الله فيك

[Innocent]

ياخوفى انا لتفضل على طووووول معترض كده ياسكرين وللاسف مايحصلش حاجه
صدمه

[SCREEM]

مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال بتعطري شطي..
مش باقي مني غير شوية ضي ف عينيا
أنا مش عايزهم
لو كنت يوم هالمحك وانتي بتوطي
في معركة مافيهاش ولاطيارات ولاجيش
وانتي ف طابور العيش
بتبوسي إيد الزمن ينولك لقمة
من حقك المشروع
مش باقي مني.. غير شهقة ف نفس مقطوع..
بافتح لها سكةما بين رئة.. وضلوع..
ما بين غبار.. ودموع..
وأنا تحت حجر «المقطم» ف الدويقة باموت
أنا.. والعطش.. والجوع..
يئن تحتي التراب

وانا صوتي مش مسموع..
ياحلمنا الموجوع..
من المرور ممنوع..
مستني لما يمر
موكب سلاطينك..


مش باقي مني
غير شوية رحمة من طينك..
علي شوية صبر من دينك..
مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..
ولا صوت بناتي العذاري
في كل صبحية..
والغنوة.. أمنية
«ياما نفسي أقابل حبيبي..
وانا ع الزراعية»..
صوتك وصوتهم غاب..
وانا تحت حجر المقطم.. باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف..
.. خيال الذل..
ف موائد الرحمن..


مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
...
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..


مش باقي منيغير شوية حب جارحّني
ولا باقي مني
غير شوية ضي ف عينيا

تسلم ايدك ياحج

كلمات معبره ومحبطه


الف شكر علي مرورك ياحج

[SCREEM]

[QUOTE=مونه;636421]

فعلا هم يبكى وهم يضحك بس أحنا اللى بنبكى
وأكيد هما اللى بيضحكوا على رأى المثل يقتل القتيل
ويمشى فى جنازته بس يا ترى لسه أيه تانى ها يقتلوه
فينا بعد كده
بارك الله فيك سكريم
وحسبى الله ونعم الوكيل

[/QUOTE

والله انا مبقتش عارف مين الي بيدحك هما بيدحكو علينا ولا احنا الي بندحك علي روحنا

الف شكر علي مرورك الجميل

[SCREEM]

والله يا سكريم انت جابت حاجات كتيره غلط في البلد
انت متعتبش من الكتابه والكلام ياحاج

واحنا كل مواضيعنا كده عن الفساد اللي بيحصل في البلد

انا بجد نفسي ادور واشوف حاجه حلو عن البلد واكتب عنها
بس تكون غير انه مصر كسبت كاس الامم والناس نزلت ترقص وتفرح

يعني نفسي اكتب عن اتبني مصانع وناس شغاله فيه
عن اتبنت منطقه سكنيه وباسعار رخيصه للشباب ( بس مايكونش اتكلت منهما )
اي حاجه حلوة وخلاااااااااااص
ولا انت مش معاي

تسلم ياعم الثوراجي
وبارك الله فيك

والله ياحج لما الاقي حاجه عدله هكتب عنها .. ده لما الاقي وبعدين حوار كاس الامم ده كان ببركه دعا الوالدين يعني الحكومه ملهاش دخل حتي الفرحه الوحيده محاولوش يبقي ليهم يد فيها

انت بتحلم ياحلمي

الف شكر علي مرورك وردك الجامد ياحج

[SCREEM]

ياخوفى انا لتفضل على طووووول معترض كده ياسكرين وللاسف مايحصلش حاجه
صدمه

منتي طول منتي بتقولي اسمي غلط هفضل معترض

ومفيش سلام عليكم