هيا دي بلدنا الجميله

[avatar22]

هو حال البلد انصلح من قليل؟



يعني ايه ان الشعبعايش في رختء وسلام ؟
يعني انك ما تروحش كل يوم القسم بمناسبه ومن غير مناسبه وما يتعملش معاك غير الواجب هناك
يعني محدش يدخل عليك بيتك وياخدك من وسط اهلك بحجه ان البلد في حاله طورائ

يعني ايه ان المواطنين حقهم بيوصلهم لغايه عندهم ؟
يعني ما تقفش في طابور الجمعيه ولا في طابور العيش علشان خمس ترغفه وفي الاخرتروح المستشفي علي نقاله
يعني ما تعملش اعتصام قدام رصيف مجلس الشعب والحكومه تقول هيزهقوا وهيمشوا لوحدهم
يعني ما تطالبش بحقك وفي الاخر تطلع انتا الغلطان

يعني ايه اصلاح سياسي؟
يعني الوزير اللي قبل كده كان مرتشي والوزير الجديد حرامي
يعني سياسه الدوله من الاحلال الي الانحلال
يعني تشوف حقك بيضيع قدام عنيك وتسكت خالص متتكلمش

يعني ايه تقدم وتطوير وازدهار ؟
يعني بدل ما الاتوبيس كان لونه اخضر بقي احمر
يعني بدل ما في ازمه مواصلات بقي في ازمه ميه وكهربه
يعني بدل ما في ازمه مروربقي في ازمه نفوس



يعني ايه ازمه من اصله ؟
يعني انك عايش في سلام وحب وكل الشعوب بتحبك
يعني تتهان وتتزل من جيرانك وتسكت
يعني الرئيس الفولاني يطلع يشتمنا ونقول معلش اصله مكانشي يقصد
يعني اخويا واخوك يتقتل علي الحدود ونقول اصله قتل من غير عمد وبرضه عن طريق الخطا
يعني نشوف بلدنا بتتسرق قدام عنينا ونقول دول ولاد البلد



يا بختك يا مصرباولادك

[مونه]

مع الأسف رغم جمال بلادنا ونهرها
وأهرامتها بس هيه كده وها تفضل
كده لعد بقى ما يحصل فيها معجزه
جزاك الله كل خير وبارك الله فيك

[avatar22]

احنا في الاول وفي الاخر اللي وصلنا البلد للحاله اللي هيا فيها ربنا يحفظنا وشكرا علي مرورك يا مني

[هشام اللول1]

هي دي مصر
بس مصر في عهد الفساد والانحلال
يعني 30 سنه سقطت من تاريخ مصر
لا نراه فيه غير العار من الحكومه المصريه

هذه هي مصر في زمن العار الخارجي والداخلي

شكرا اخي الكريم علي هذه الجمل التي تقطع قلوبنا

بارك الله فيك