مين السبب؟؟؟؟؟؟؟؟؟؟؟

[kokototy]

احب اقول فى الاول مين السبب فى اللى جرالنا مين اللى غير احوالنا الانسان اتغير ؟؟؟ ولا ظروف ومأسى الحياه هى اللى غيرته هعرض عليكوا شويه امور وتقولولى مين السبب
لما تبقى راكب مواصله عامه ويبقى راجل كبير او ست كبيره واقفه وانت حضرتك قاعد او عامل نفسك مش شايف يبقى ليه؟!! مشوارك طويل لا مؤاخذه وخايف تقف !!!!!!!
لما تبقى واقف فى الشارع وحد بيصرخ الحقونى الحقونى اتسرقت وانت تمر مرور الكرام من غير حتى ما تشوف اذا كنت تقدر تقدم مساعده ولا لاء يبقى ليه؟!!!!!! مستعجل سيادتك ومش فاضى .. اتأخرت على مشوارك
احنا بقينا كده ليه ؟؟
مبقاش حد يصعب علينا ليه؟؟
مبقناش باقيين على حد ليه؟؟
زمان كان ابويا وابوك وامى وامك يعرفوا ان فلان عيان وساكن هناك فى اخر الشارع اللى بينا وبينه نصيتين يمكن ميكونوش عارفيين الشخص المريض لكن كانوا بيسألوا
احنا دلوقتى بنبقى عارفيين ان جارنا اللى فى نفس السكن .اللى جنبنا ده تعبان جدا ومعلش بقى اصلنا مشغولين مش فاضيين نسأل عن حد!!!!!!!
العيب فى مين ؟؟؟
فيا وفيك ولا فى الزمن ولا فى ايه بالظبط
قيس على كده حاجات كتير وفى الاخر بقول
مين السبب؟؟!!!!!!!!

[Essam Net]

هو العيب مش فيا وفكـ .. العيب عليا وعليكـ ..

ايوه عيب اوى لما انا او انت نسمع ان جاركـ تعبان وما تزوروش ..
ايوه عيب اوى لما انا او انت نشوف واحده محتاجه مساعده وما نسعدهاش ولو بحتى كلمه ..
ايوه عيب اوى لما انا او انت نكون قعدين فى المواصلات واحنا لسه فى عز شببنا وامكـ او امى ست كبيره وتعبانه وسيبنها وقفه ..

لكن مفيش اجه اسمها العيب فى الزمن .. لان دى تصرفات من النفس مش من الايام ..

وكما قال الشاعر ..
نعيبوا زماننا العيب فينا .. وما لزماننا عيبً سوانا

واشكركـ خى على لموضو الجميل ده ..
والهدف منوا ان انا وانت نغير من نفسنا .. ونصلح كل عيوبنا ..
جزاكـ الله خيرا

[شمس]

العيب دايما بنرميه على الزمن احنا السبب احنا لي انعدمت في قلوبنا الرحمة ومعدناش نحس غير بنفسينا والكل بقى يقول يا الله يا نفسي ايوة احنا السببببببببب موضوع هايل يريت نفكر فيه وبجد تسلم ايدكككككككككككككك

[kokototy]

مشكورين على المرور واتمنى ان مواضيعى تعجبكم ميرسى ليكم كتير وياريت لو فى اى نقد لكلامى تقولوهولى ميرسى كتييييييييييييييييييييييي ييير

[طيف عابر]

موضوعك جميل توتى وجميل جدا
فعلا نحن السبب الناس والمجتمع هو بالنهايه نحن
نحن نخطيء بعضنا يقلد البعض بالخطأ فينتشر ويصبح عادة ونقول من المخطيء
وجب علينا البدء باصلاح انفسنا
مشكورة جداااااا

[kokototy]

ميرسى كتير ليكى يا طيف على المرور

[ميشو مصريه]

موضوعك جميل والله احنا السبب طبعا ليه نعيب علي الزمن