مش انت اللى مصرى 1

[محمود سمير]

عشان انت مصرى

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عاملك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟

[مونه]

بجد محمود ما شاء الله هو ده حالنا بالظبط
زى ما إنت قولت كده جزاك الله خيرا
ودمت بكل خير ودامت إبداعاتك
تقبل مرورى المتواضع هذا
منى

[دره]

اه هو ده حالنا فعلا يا محمود بس نقدر نغيره ومش لازم نقتنع ان حالنا مش هيتغير لا دا هيتغير وقريب ان شاء الله
تقبل مرورى
اسماء

[aeme3100]

الحال بقى ضنك خلاص بس متيجو نحلم احنا نفسنا نشوفها ازاى قبل ما الياس يعجزنا وقبل ميحرمونا من
الاحلام كمان
موضوعك جميا يا محمود بس مش عارف اشكرك ولا نعزى انفسنا؟

[محمود سمير]

اه هو ده حالنا فعلا يا محمود بس نقدر نغيره ومش لازم نقتنع ان حالنا مش هيتغير لا دا هيتغير وقريب ان شاء الله
تقبل مرورى
اسماء

ان شاء الله هيتغير نورتى يااسماء

[محمود سمير]

[COLOR=Blue]بجد محمود ما شاء الله هو ده حالنا بالظبط
زى ما إنت قولت كده جزاك الله خيرا
ودمت بكل خير ودامت إبداعاتك
تقبل مرورى المتواضع هذا
منى
[/


COLOR]

منى ياعسل نورت ياجميل