خلعتينا هدومنا ياحكومه .... وبتهربوا ؟؟؟؟ ليه كده

[هشام اللول1]

قال المركز المصرى للحقوق الاقتصادية والاجتماعية، إن قوات الأمن ضربت عمال شركة أمونسيتو لصناعة الغزل والنسيج، وأصابت العشرات منهم، وألقت القبض على أكثر من 20 عاملا، واعتدت على الصحفيين المتواجدين هناك، وذلك بعد أن خرج العمال من مقر اعتصامهم أمام مجلس الشورى وتظاهروا أمام "الشعب" محاولين التوجه إلى مقر بنك مصر، قبل أن ينجح الأمن فى إجبارهم على العودة إلى مقر اعتصامهم باستثناء نحو 150 عاملاً نجحوا فى الهروب من الكردون الأمنى والوصول للبنك للاحتجاج أمامه.

كانت لجنة القوى العاملة بمجلس الشعب برئاسة حسين مجاور وحضورعائشة عبد الهادى وزيرة القوى العاملة التقت صباح اليوم الأحد بوفد من العمال لبحث مشكلة صرف بنك مصر لـ 50 مليوناً فقط من إجمالى تعويضات العمال التى نصت عليها الاتفاقية الموقعة بين البنك والعمال ووزارة القوى العاملة فى 21 مارس الماضى.

هروب وزيره
هروب وزيره
هروب وزيره القوي العامله من الباب الخلفي خوفا علي نفسه
من المعتصمين

اضطر حرس مجلس الشعب اليوم الأحد، لتهريب عائشة عبد الهادى وزيرة القوى العاملة من أحد الأبواب الجانبية للمجلس، خوفاً من تعرض المتظاهرين من عمال شركة "أمونسيتو" الذين تجمهروا أمام أبواب المجلس الرئيسية لها بعد رفضهم للاتفاق الذى أعلن عنه اليوم فى لجنة القوى العاملة، حيث خرجت سيارة الوزيرة فارغة".

واضطرت الوزيرة للسير على قدميها داخل أروقة المجلس حتى وصلت لأحد الأبواب التى لا يتواجد أمامها أى من المعتصمين، وكانت السيارة فى انتظارها، حيث حاول العشرات من "أمونسيتو" اقتحام أبواب المجلس أو القفز من فوق أسواره، وعلى الفور "تم الدفع بالعشرات من قوات الأمن المركزى والقوات الخاصة، لتفريق المتظاهرين، والحيلولة دون اقتحامهم مجلس الشعب.

حرام والله العظيم

اهل مصر تتبهدل كده

الحكووووومه دي اااااااااااايه

عاوزين ااااااااااايه

يسيبوا كراسيهم طالما بيهربوا من حل مشاكلنا

هما مش عارفين انه في
موت
وحساب في القبر
وحساب في الاخره
وتاريخ ينهش لحمهم بعدين

عرفتم لو ضغطنا عليهم حيعملوا ايه حيهربوا دى طبعا سياسه بلدنا عقبال كل اللى فى بالى يارب


ولك الله يامصر

[دره]

والله يا هشام انت صوت الضمير فعلا وحسبى الله ونعم الوكيل
الا ان نصر الله قريب

[bosy_na]

اضطر حرس مجلس الشعب اليوم الأحد، لتهريب عائشة عبد الهادى وزيرة القوى العاملة من أحد الأبواب الجانبية للمجلس، خوفاً من تعرض المتظاهرين من عمال شركة "أمونسيتو" الذين تجمهروا أمام أبواب المجلس الرئيسية لها بعد رفضهم للاتفاق الذى أعلن عنه اليوم فى لجنة القوى العاملة، حيث خرجت سيارة الوزيرة فارغة".

ليه السيده الفاضله تهرب مش عيب وزيره تهرب

وهى المدام كان حد هيتعرضلها ليه هما رجال مصر بيتهجمو على النساء برده

عيب عليكى والله انك هربتى طالما انتى خايفه ايه اللى يخليكى تبهدلى فى الشعب

اللى بيشقى اديهم حقوقهم هو انتى بتدفعى من جيبك حرام عليكم بئه كفااااااااااااااااااااااا ااااااايه

[هشام اللول1]

والله يا هشام انت صوت الضمير فعلا وحسبى الله ونعم الوكيل
الا ان نصر الله قريب

نورتي الموضوع يا اسماء
والله انا بتهز فعلا لما شوف كل اللي بيحصل في البلد ده
فبحاول اعمل اي حاجه
حتي لو بالقلم
وانا شاء الله ننتظر النصر من عند الله

بارك الله فيكي اسماء وحفظك
ودمتي بخير وود وسعاده وراحه بال

[هشام اللول1]

ليه السيده الفاضله تهرب مش عيب وزيره تهرب

وهى المدام كان حد هيتعرضلها ليه هما رجال مصر بيتهجمو على النساء برده

عيب عليكى والله انك هربتى طالما انتى خايفه ايه اللى يخليكى تبهدلى فى الشعب

اللى بيشقى اديهم حقوقهم هو انتى بتدفعى من جيبك حرام عليكم بئه كفااااااااااااااااااااااا ااااااايه

وللاسف هذه السيده الفاضله الوزيره المحترمه
لما تنل من التعليم غير الاعداديه فقط
فعلا عندك حق يابوسي من امتي ورجاله مصر بيتهجموا علي النساء

ولما هي هتديهم حقهم هما هيسرقوا ايه وينبهوا ايه
هما بيجهزوا شنطهم خلااااااااااص البلد خلصت
لا يبقي فيه شئ حتي يستولوا عليه

نورتي يابوسي وبارك الله فيكي

[hadede]

للاسف الشديد

مشاكل العمال بدأت من اول ما باعوا الشركات ببلاش

نعم معظم الشركات اللى اتباعت تعتبر اتباعت ببلاش

يعنى الثمن اقل من قيمة الارض

والنتيجة
الناس فقدت الوظائف

حسبنا الله ونعم الوكيل فى كل انسان تسبب فى خراب القطاع العام

وبارك الله فيك الاخ الفاضل هشام

[سعيد الفيشاوى]

لا حول ولا قوه الا بالله

مش كفايه نص الشعب
عاطل وقاعد على القهاوى

اهم خصخصو كل حاجه
علشان النص التانى
يقعد جنبهــــــــم

وحسبى الله ونعم الوكيل فيهم

[هشام اللول1]

للاسف الشديد

مشاكل العمال بدأت من اول ما باعوا الشركات ببلاش

نعم معظم الشركات اللى اتباعت تعتبر اتباعت ببلاش

يعنى الثمن اقل من قيمة الارض

والنتيجة
الناس فقدت الوظائف

حسبنا الله ونعم الوكيل فى كل انسان تسبب فى خراب القطاع العام

وبارك الله فيك الاخ الفاضل هشام

نورت اخي الكريم عماد
للاسف احنا قولنا الخصخصه دي هتبقي شركات
يعني زياده رواتب ومزايا للعمال والموظفين

لكن للاسف ابو بلاش بيروح ببلاش
طالما اشتروا رخيص يبقي ليهم حق يبيعوا العمال

بارك الله فيك عماد
ودمت بخير وود وسعاده وصحه وراحه بال

[هشام اللول1]

لا حول ولا قوه الا بالله

مش كفايه نص الشعب
عاطل وقاعد على القهاوى

اهم خصخصو كل حاجه
علشان النص التانى
يقعد جنبهــــــــم

وحسبى الله ونعم الوكيل فيهم

بجد انا مش عارف الحكومه دي بتفكر ازاي يا سعيد
ثروات البلد ونهبوا وفرقوا علي نفسهم

كمان عملين يبيعوا في الشعب
حسبي الله ونعم الوكيل

بارك الله فيك سعيد
ودمت بخير وود وسعاده

[~ NORA ~]

حسبي الله ونعم الوكيل بجد حاجة محزنة بجد وتقطع القلب ده الكلام ده بأه بتنشر بشكل فظيع وبقت فضيحة ربنا يستر وتسليم ياعم متابع الاخبار المصريه العالميه هههههههههه