الرجل ميعيبوش إلا جيبه ؟ ده كلام!

[مونه]

حقا مازال هناك اناس يقدرون الرجل بماله
هناك اناس يظنون ان سعادة بنتهم مع من عنده مال
ويا اسفاه
رأيت الناس قد مالو الي من عنده المال
ومن لا عنده المال فعنه الناس قد مالوا
فيا اختاه تمسكي بما هو حق
الدين ثم الدين ثم الدين
لان بقاء الحال من المحال
المال يأتي ويذهب انما الاخلاق بقيت
بارك الله فيكي اختي مني
ورزقك صاحب دين وخلق ومال

بارك الله فيك أبو أحمد وبجد كلامك مقنع جدا جدا
وسعيده جدا بردك هذا الله لايحرمنى من طلاتك
هذه على مواضيعى التى تزيده نورا

[مونه]

موضوع جميل مونه
وقضيه هامه

ولكن للاسف هو علشان احنا في زمن قله في التزامنا وتمسكنا بديننا
فالاهل ينظرونا بهذه النظره
يقولوا اهم حاجه انه عنده شقه ملكه وكمان بقي اذا كان عنده عربيه

بس هو في ناس كتير برده مش كده
والاهل بيكون خايفين علي بنتهم

موضوع جميل مونه
بارك الله فيكي

بارك الله فيك أخى هشام
وجزاك الله كل الخير
دايما منورنى بمرورك العطر هذا

[مونه]

احييك على اختيارك للموضوع يامنى
للاسف اختيار المال اولا موجود ومنتشر
وده بسبب الغلاء اللى مش منطقى
ويطير المال لأنه مش مضمون
فالأولى أن نختار جوهر الأنسان
علاقته بربه ومدى نضج تفكيره
حتى يقدر يتحمل مسئوليه
وبالتالى سيتوفر المال
فعذرا للأباء
فهم من كثرت خوفهم على بناتهم
يختارون لبناتهم زوج ميسور الحال
اما صديقتك كان لازم تدخل حد من أقاربها
يساندها فى رفضها
ومش تستسلم
ربنا يكون فى عونها
فربنا يسترها
تحياتى لكى يامنى
وبارك الله فيك
اختك طله

بارك الله فيك أختى العسوله طله
بجد وجه نظرك دى هى اللى مفروض
تتبع على أساسها إختيار الزوج بعيدا عن
المال والجاه جزاكى الله خيرا أختى
ورزقك الزوج الصالح المتقى اللهم أمين

[مونه]

بارك الله في قولك وعملك يا أختي
ولا كلام يقال بعد الذي قاله اخواني بالأعلي وأنا معهم تماما فيما قالوه وكفانا عبثا بالكلام الساذج والكلام الغير مبرر والكلام غير المقنع
جزاكي ربي الجنة وغفر الله لكي ولوالديكي يارب العالمين

وجزاك ربى بالمثل أخى الفاضل
كم زادنى هذا المرور شرف وتقدير لى
ولموضوعى وأنا فى غايه السعاده به
يارب على طول منور مواضيعى المتواضعه هذه
ومنور المنتدى كله بوجودك

[مهندس الكلمه]

ياواخد القرد على مالو بكره يروح المال ويفضل القرد على حالو

موضوع جميل يا منى

من قال ان الراجل لا يعيبه الى جيبه

قالها من مبدأ ان كل شئ في الدنيا سهل الى المال

الغير ملتزم دينيا يلتزم

الغير سوى بكره يعقل

البخيل ربك الهادي

الخ الخ الخ

بالطبع انا لا انصف تفكيرهم ولكن اشرح وجهة نظرهم

الرجل لا يعيبه الى عمله

الصالح

متى عرف الرجل دينه عرف حقوقه وواجباته وعرف كيف يعامل زوجته بالحسنى وعلى نهج نبينا صلى الله عليه وسلم ومن ثمى المال رزق والرزق بيد المولى عز وجل


شكرا على الموضوع الجميل ده فكره فعلا بنعاني منها في حياتنا حاليا

وبعدبن تعالى

انتي بتقولي ما يعبش الراجل الا جيبه

هو مين جيبه ده

تقبلي مروري

[مونه]

مــــوضوع هــــــــام جداٌ للنقاش وفعـــــلا فيــــة ناس دلـــوقتى كل همــــها بنتها تعيش فى شقـــة كبيـــرة ويكون معاة عربيــــة وعندة املاك وبس كلـــو فلــــوس فلــــوس فلــــوس
بس تفتكرى عمرهم فكرو فى بنتهم وقالو ياترى هتبقى مبسوطة ولا لاء للاسف لاء صدقينى لو فكرو لحظـــة فى بنتهم وركنو الــــفلوس خالص راٌيهم هيتغيـــر تماماٌ بس للاسف الفلوس عمت عيون نااااااااااااااااس كتيــــر اسفة للاطالة تسلم ايدك ياقمر

أولا عفرتوه تطول براحتها خالص زى ماهى عايزه
ثانيا بجد بجد أنا فى منتهى السعاده للمرور الجميل ده
من أحلى وأجمل عفريته فى المنتدى كله فى المنتدى أيه
قولى فى العفاريت كلهم حتى عفاريت السياله
ثالثا أتمنى معاكى إن الأهل يفكرو شويه فى بناتهم بجد
بس يفكرو بعقلهم مش بحاجه تانيه علشان بعد كده ميندموش
بس بعد فوات الأوان بكتييير زى ناس كتييييييير قبلهم
وربنا يارب يرزقك يا عفريته بعفريت كده كويس ومتقى
ويراعى ربنا فيكى وهو عفريت يعنى ها يبقى معاه فلوس
متقلقيش أنتى من حاجه ههههههههههههههههههههههههه

[مونه]

كلامك صح مية بامية يا قمرى اة لغايت دلوقتى فى جهل للاهالى بالشكل دا هو كدا بس نعمل اية بقى ميرسى على التوبك الرائع دا

جزاكى الله خيرا إسراء وبارك لكى أختى
ورزقك الزوج الصالح
ويارب تهب عاصفه تأخد كل الجهل اللى عندنا
وتجيب بداله نور وعلم وممكن شويه فلوس ما فيش مانع
علشان نديهم للأهل اللى عندهم الجهل ده هههههههههههههه