الرجل ميعيبوش إلا جيبه ؟ ده كلام!

**مونه** · 27 - 5 - 2010, 03:06 PM

هو فى حاجه كده فيه حاجه إسمها
(الراجل ميعيبوش إلا جيبه)؟
يعنى أيه الكلمه الساذجه دى؟
يعنى الواحد لو معاه فلوس وربنا فاتحها عليه !
يعنى لو مش بيصلى عادى؟معاه فلوس!
يعنى لو مش متقى وعارف ربنا عادى؟معاه فلوس!
ولو مش بشتغل وقاعد فى البيت زى..... عادى؟معاه فلوس!
إسمعوا والله هذا حصل مع صديقه لى فى مره أتقدم لها واحد لخطبتها
هو من وجهة نظر أهلها عريس كويس وكمان لقطه طبعا بمعنى أنه عنده
شقه حكايه بس من غير العربيه طبعا وعنده فلوس وأرض ملكه يعنى مبسوط
ويقدر يعيش بنتهم عال العال وبالرغم من كل هذا فهو مش وركزو على كلمة مش!
مش بيصلى؟مش بعلاقة كويسه بربنا؟مش بستمر فى أى عمل؟ مش بيبطل شرب سجاير؟
ده طبعا غير إسلوبه فى الكلام والصوت العالى؟ ولما البنت حبت تقول رأيها بصراحه!
إنه غير مناسب ليها خالص يكفيك الشر أهلها قاموا عليها وطبعا عارفين يعنى أيه قاموا عليها؟
وبعد كل محاولات البنت للرفض إختصروا هما ردهم عليها وبكل برود
(الراجل ميعيبوش إلا جيبه وده جيبه مليان)؟؟!!
سبحان الله ولا حول ولا قوة إلا بالله يعنى هى ها ترتبط بيه ولا بجيبه المليان؟
ويا ترى لو جيبه ده مره فضى هى ها تعمل أيه وقتها؟
وياترى أكتر العيب فى مين بالظبط؟
فينا؟ ولا فيهم؟ ولا فى الزمن نفسه؟
فين الصلاة؟فين التقوى والإيمان؟فين حٌسن المعامله؟فين فين فين.....إلخ.
إتقوا الله إتقوا الله إتقوا الله فينا وفى أنفسكم؟
إتقوا الله فى بناتكم؟
المهم بعد كده اللى حصل البنت إتزوجت بعد غصب من الأهل ومتقولش وإنتى متقوليش!
إن هو لسه فيه حد بيتجوز بالغصب ؟ اه اه لسه فيه كده لسه فيه جهل كده؟
وإستمر الزواج فقط شهرين ونص وكانوا أسود أيام عاشتها البنت سبحان الله؟
وبعد كده عادت البنت لبيت المحروس أبوها وهى مطلقه خرجت أنسه ورجعت مطلقه؟
وتنتظر حضور طفلها منه ياااااه فرق كبير بين أنسه وومطلقه؟ رجعت بعد فوات الأوان
وبعد الندم الكبيييييير من أهلها ولكن أيضا بعد فوات الأوان وخراب مالطا
أعذرونى أخواتى وإخوانى على التطويل عليكم بس ده بجد من خوفى عليكم وعلى نفسى
سمعتم الحكايه كلها قولوا أيه رأيكم ولو أنتم أتعرضوا لكده أيه المهرب أو المفرمن ده؟

أختكم فى الله منى

**مونه** · 27 - 5 - 2010, 03:09 PM

**ايسل** · 27 - 5 - 2010, 03:47 PM

موضوعك مهم جدا منى هقولك حاجه

الأهالى دايما بيكون نفسهم ان بنتهم تعيش مبسوطه وسعيده وعارفين بسبب خبرتهم فى الحياه ان لو دخل الفقر من الباب هرب الحب من الشباك وهنا هما معاهم حق بالتاكيد سمعتى عن ناس كتير كانوا بيحبوا بعض وبعد الجواز بفتره بدات المشاكل ويمكن الطلاق كمان دى نوعيه من الأهالى
وفى ناس تانيه اهم حاجه عندهم ان العريس
يكون متدين صالح يخاف الله لأنهم هيضمنوا ان بنتهم فى ايد امينه هيتقى الله فيها واللى بيخاف الله يجعل له مخرجا ويرزقه من حيث لا يدرى
وهو ده احسن الاختيارات
اما بالنسبه لى فبقول العريس ما يعبوش الا عقله
عندى الفكر والثقافه اهم من كل الفلوس وبالتاكيد يكون انسان يخاف الله وملتزم دينيا
معلش على الرغى بس موضوعك جميل تسلمى مونه ودمتى متميزه فى مواضيعك

**ابو احمد رزق** · 27 - 5 - 2010, 05:23 PM

حقا مازال هناك اناس يقدرون الرجل بماله
هناك اناس يظنون ان سعادة بنتهم مع من عنده مال
ويا اسفاه
رأيت الناس قد مالو الي من عنده المال
ومن لا عنده المال فعنه الناس قد مالوا
فيا اختاه تمسكي بما هو حق
الدين ثم الدين ثم الدين
لان بقاء الحال من المحال
المال يأتي ويذهب انما الاخلاق بقيت
بارك الله فيكي اختي مني
ورزقك صاحب دين وخلق ومال

**هشام اللول1** · 27 - 5 - 2010, 05:55 PM

موضوع جميل مونه
وقضيه هامه

ولكن للاسف هو علشان احنا في زمن قله في التزامنا وتمسكنا بديننا
فالاهل ينظرونا بهذه النظره
يقولوا اهم حاجه انه عنده شقه ملكه وكمان بقي اذا كان عنده عربيه

بس هو في ناس كتير برده مش كده
والاهل بيكون خايفين علي بنتهم

موضوع جميل مونه
بارك الله فيكي

**طلة القمر** · 27 - 5 - 2010, 06:09 PM

احييك على اختيارك للموضوع يامنى
للاسف اختيار المال اولا موجود ومنتشر
وده بسبب الغلاء اللى مش منطقى
ويطير المال لأنه مش مضمون
فالأولى أن نختار جوهر الأنسان
علاقته بربه ومدى نضج تفكيره
حتى يقدر يتحمل مسئوليه
وبالتالى سيتوفر المال
فعذرا للأباء
فهم من كثرت خوفهم على بناتهم
يختارون لبناتهم زوج ميسور الحال
اما صديقتك كان لازم تدخل حد من أقاربها
يساندها فى رفضها
ومش تستسلم
ربنا يكون فى عونها
فربنا يسترها
تحياتى لكى يامنى
وبارك الله فيك
اختك طله

**معا لنصرة ديننا** · 27 - 5 - 2010, 07:09 PM

بارك الله في قولك وعملك يا أختي
ولا كلام يقال بعد الذي قاله اخواني بالأعلي وأنا معهم تماما فيما قالوه وكفانا عبثا بالكلام الساذج والكلام الغير مبرر والكلام غير المقنع
جزاكي ربي الجنة وغفر الله لكي ولوالديكي يارب العالمين

**عفريتـــة هانم** · 27 - 5 - 2010, 10:14 PM

مــــوضوع هــــــــام جداٌ للنقاش وفعـــــلا فيــــة ناس دلـــوقتى كل همــــها بنتها تعيش فى شقـــة كبيـــرة ويكون معاة عربيــــة وعندة املاك وبس كلـــو فلــــوس فلــــوس فلــــوس
بس تفتكرى عمرهم فكرو فى بنتهم وقالو ياترى هتبقى مبسوطة ولا لاء للاسف لاء صدقينى لو فكرو لحظـــة فى بنتهم وركنو الــــفلوس خالص راٌيهم هيتغيـــر تماماٌ بس للاسف الفلوس عمت عيون نااااااااااااااااس كتيــــر اسفة للاطالة تسلم ايدك ياقمر

**ELBRNSISA ESRAA** · 27 - 5 - 2010, 10:33 PM

كلامك صح مية بامية يا قمرى اة لغايت دلوقتى فى جهل للاهالى بالشكل دا هو كدا بس نعمل اية بقى ميرسى على التوبك الرائع دا

**مونه** · 28 - 5 - 2010, 10:42 AM

المشاركة الأصلية كتبت بواسطة ايسل

موضوعك مهم جدا منى هقولك حاجه

الأهالى دايما بيكون نفسهم ان بنتهم تعيش مبسوطه وسعيده وعارفين بسبب خبرتهم فى الحياه ان لو دخل الفقر من الباب هرب الحب من الشباك وهنا هما معاهم حق بالتاكيد سمعتى عن ناس كتير كانوا بيحبوا بعض وبعد الجواز بفتره بدات المشاكل ويمكن الطلاق كمان دى نوعيه من الأهالى
وفى ناس تانيه اهم حاجه عندهم ان العريس
يكون متدين صالح يخاف الله لأنهم هيضمنوا ان بنتهم فى ايد امينه هيتقى الله فيها واللى بيخاف الله يجعل له مخرجا ويرزقه من حيث لا يدرى
وهو ده احسن الاختيارات
اما بالنسبه لى فبقول العريس ما يعبوش الا عقله
عندى الفكر والثقافه اهم من كل الفلوس وبالتاكيد يكون انسان يخاف الله وملتزم دينيا
معلش على الرغى بس موضوعك جميل تسلمى مونه ودمتى متميزه فى مواضيعك

سعيده جدا بكلامك اللى زى السكر ده
وصفحتى زادت نور بوجود أرق إيسل
ووجه نظر تحترم جدا جدا
وياستى إرغى للصبح ولا يهمك وأنا معاك
للأخر بارك الله فيك يا قمرايه

الموضوع: الرجل ميعيبوش إلا جيبه ؟ ده كلام!

أدوات الموضوع

الرجل ميعيبوش إلا جيبه ؟ ده كلام!

معلومات الموضوع

الأعضاء الذين يشاهدون هذا الموضوع

المواضيع المتشابهه

المصادر الطبيعية لفتح الشهية

ثيمة بألوان طبيعية جذابة للبنات متحركة

الكلمات الدلالية لهذا الموضوع

ضوابط المشاركة