المشاركة الأصلية كتبت بواسطة نهي
بسم الله الرحمن الرحيم
ـــــــــ
والصلاة والسلام على سيدنا محمد اشرف المرسلين
اما بعد....
..
حبيت انوه عن حاجه بسيطه محدش يعرفها غيري انا شخصيا ..
انا لما سبت المنتدى مسبتوش عشان عملت منتدى جديد..
السبب:ان انا سبت المنتدى ان فيه ناس مش قابلانى في المنتدى..
اما حكايه عملت منتدى جديد ده ميخلنيش ابعد عن ناس حبتهم واعتبرتهم اكتر من اخواتى..
مش صح لانه مفتوح من شهر12..
يعنى ده مش سبب؟
انا كنت عامل قبل المنتدى ده اربع منتديات تانين ومسبتش الكافيه؟اشمعنا دلوقتى
..
انا كان على عينى انى اسيب المنتدى عشان ناس كتير غاليين على قلبي هما عارفين نفسهم
..
بدون زكر اسماء لان اللسته حطول..
انا سبت المنتدى لان فيه ناس مقدرتنيش ولا احترمتنى
..
ناس كتير كنت بتعبرهم زى اخواتى واكتر..
بس هما معتبرونيش زي اخوهم او كأى شخص من اعضاء المنتدى..
ناس منهم كانو بيستغلونى عشان طيبتى..
وناس تانين بيستغلونى عشان مصلحتهم..
انا لما احب اتواجد في مكان احب اللى يكونو فيه قابلنى وبيحبونى..
وزى ما احنا عارفين المنتدى اسره واحده..
بس اتضحلى عكس كده خالص..
فيه ناس كتير قدرونى واحترمونى زى مانا قدرتهم واحترمتهم بس فيه ناس تانيه قدرتهم واحترمتهم وهما معملوش ليا اي اعتبار..
من طبعي انى لما اكون في مكان تكون الناس حبانى
..
ودة طبعي ومش حغيره ومش عايز اكون تقيل على حد..
انا عايز الناس تشيل فكرة انى عملت منتدى عشان كده سبت الكافيه لكن الناس هما اللى اضطرونى لكده
..
والدليل على كده انى مشترك في المنتدى من سنه ونص ومشاركاتى كتيره ..
بعد المجهود ده اكيد مش حسيب المنتدى غير لما يكون فيه حاجة اثرت فيا وضايقتنى..
فيه ناس كتير بحبهم وناس قابلتهم وكلت معاهم عيش وملح..
ولغاية دلوقتى متواصل معاهم لانهم ناس كويسه..
..
ده ميخلنيش اسيب المنتدى بعد متعرفت على ناس زي الفل..
ــــــ
وفي النهايه بشكر كل الناس اللى قدرونى وحبونى زى محبتهم وقدرتهم
وبشكر اوى احمد على الكلام الجميل اللى كتبو ليا لان هو اخ واكتر من صديق ربنا يوفقه
وبشكر كل الناس اللى ردت واولهم شيماء وريم واحمد
..
فيه ناس كتير حبتهم وحبونى من غير ميسالو عنى اللى في القلب في القلب
من غير زكر اسامى عشان مننساش حد
..
الرساله دى بالحرف من اسلام هو قايلهالى على التليفون وكتبتها لان النت عنده فاصل لو كان
شغال كان رد بنفسه لكن هو اتضايق لما عرف ان الناس فاكره انه ساب الكافيه علشان المنتدى بتاعه
ودة ميخلهوش ينسى حبايبو وصحابه
اللى في القلب في القلب
..
نونى
اللهم بلغت اللهم فاشهد انا اللى ايدى وجعتنى في الموضوع ده
..
تشكر يا احمد
البوص بيمسي عليك
عايزه اقولك يا اسلام انك فعلا مكانك فاضى انت ونهى ومينفعش تقول ناس مش قبلاك
لأن احنا هنا كلنا اسره واحده واخوان واخوات واى خلاف كان ممكن ينحل بالحوار والتفاهم
وعلشان خاطر الناس اللى انت بتقول انك بتحبهم وهما بيحبوك ,, وانا متاكده انك بتكن للمنتدى معزه خاصه
وزى ما كنا بنقول زمان ان مصراوى بيتنا التانى . محدش بيسيب بيته وبيمشى واى مشكله مهما كانت كبيره
اكيد ليها حل او على الاقل تقريب وجهات النظر من بعض
اتمنى انك تعيد التفكير تانى .. وترجع تنورنا من جديد
وبقول لنونى وحشتينى اوى بجد وبتمنى انك انتى كمان تعيدى التفكير وترجعوا تنوروا مصراوى وتسعدوا ناس كتير بتحبكم
قهوتنا على الانترنت
