عشان انت مصرى

**~~hero~~** · 29 - 5 - 2010, 11:18 PM

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص فى خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تآسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
تهاجم .. تدافع .. أو تنجرف
ودمعك بيجرى وجرحك نزف
مش أنت اللى مصرى؟

**ايسل** · 30 - 5 - 2010, 01:28 AM

كلمات واقعيه صحيح مش انت اللى مصرى اتحمل بقى
شكرا لك احمد على المجهود ودمت متميز ومتألق كعادتك هيرووووووو

**هشام اللول1** · 30 - 5 - 2010, 02:45 AM

ادى المترو واقف وكهربته فاصله
وفى الميكروباص فى خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

هي البلد دي مش ليه حل غير البسكلته
ملهاش حل تاني
وتخيل بقي ياحاج

تسلم موضوعك الجميل يا احمد

**طلة القمر** · 30 - 5 - 2010, 07:38 AM

جزاك الله خير احمد
هى كلمات لواقعنا
لكن تتجمع وتحصل فى يوم واحد
صعبه
ربنا يسترها ويتحسن الحال
ورغم ذلك كلمة مصرى أفضل الكلمات
اختك طله

**عفريت أفندى** · 30 - 5 - 2010, 08:22 AM

تسلم الأيادى يا هيرو

وصف واقعى لكل ما يعانيه المواطن

باختصار كده

ده وصف ليوم فى حياة مواطن مصرى

دمت متميز متألق يا مااااااااااااااان

**مونه** · 30 - 5 - 2010, 08:28 AM

جزاك الله خيرا أحمد وبارك الله لك
أيوه كده عايزين أحمد المنور
على طول النشيط ربنا ما
يحرمنا من وجودك هيرو

**~~hero~~** · 31 - 5 - 2010, 11:49 AM

المشاركة الأصلية كتبت بواسطة ايسل

كلمات واقعيه صحيح مش انت اللى مصرى اتحمل بقى
شكرا لك احمد على المجهود ودمت متميز ومتألق كعادتك هيرووووووو

تسلمى ياايسل منورنى دايما بارك الله فيكى

**~~hero~~** · 31 - 5 - 2010, 11:51 AM

المشاركة الأصلية كتبت بواسطة هشام اللول1

هي البلد دي مش ليه حل غير البسكلته
ملهاش حل تاني
وتخيل بقي ياحاج

تسلم موضوعك الجميل يا احمد

هى فعلا متنفعش غير كده ياهشام
متخافش ياحك احنا عايشن ع التخيل هههههههه
ميرسى ياحك منورنى دايما

**~~hero~~** · 31 - 5 - 2010, 11:52 AM

المشاركة الأصلية كتبت بواسطة طلة القمر

جزاك الله خير احمد
هى كلمات لواقعنا
لكن تتجمع وتحصل فى يوم واحد
صعبه
ربنا يسترها ويتحسن الحال
ورغم ذلك كلمة مصرى أفضل الكلمات
اختك طله

ميرسى ياطله منورنى بارك الله فيكى
وفى الامل الذى تحيه دايما
منورنى

**~~hero~~** · 31 - 5 - 2010, 11:53 AM

المشاركة الأصلية كتبت بواسطة مرهف الاحساس

تسلم الأيادى يا هيرو

وصف واقعى لكل ما يعانيه المواطن

باختصار كده

ده وصف ليوم فى حياة مواطن مصرى

دمت متميز متألق يا مااااااااااااااان

ومش هاتغير ياوليد هافضل ده حال المو اطن والموظف البسيط
تسلم يامان منورنى

الموضوع: عشان انت مصرى

أدوات الموضوع

عشان انت مصرى

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة