مصراوي مفيش منه
قلتلها: تعالي قالت: لأه"رباعية زجلية " لـ عصام قمر
قلتلها: تعالي قالت: لأه
التقل ده ليه ياحلوة يارقة
قالتلي: مع نظرة عجيبة
كبرتي خلاص ياقتي يانؤة
***************
طاطيت راسي علي كتفي وأنا خجلان
حسيت كأني طفل قدامها واقف عريان
علت ضحكتها في الهوا كما الطلقات
وبقيت مش عارف اداري ف أي مكان
***************
قالتلي: خلاص متزعلشي
معقولة هتسبني وتمشي
مادمتي عايزاني يابيضة
هاجي انشالله علي رمشي
**************
شبكت إيديها ف إدية
وبنظرة طويلة ف عنية
قالتلي: هنروح علي فين؟
ومن قبل ماقول قالت هي
************
لقيت نفسي جوة ف بيتها
ياريتني ما كنت حسيتها
شكلها مش هتجيبها البر
ياريت ما وقفت في سكتها
*************
قالتلي: خمسة وراجعالك
مستغرب ليه؟ حبيبي مالك
هو انتي صغننة يانوغة؟!
راح غير لبسي وجيالك
************
حسيت بالخوف كدة جوايا
مع إن الحلوة علي هوايا
وقعد الشيطان يمنيني
ويقولي في لقاها دوايا
**********
وف لحظة سرحت بخيالي
ورجعت بفكري لأحوالي
شفت طيف أمي وابويا
بيقولوا خسارتك ياغالي
***********
وأسيبهم هنا يروحولي هناك
بقي علي كدة يابني ربيناك؟!
فين القرأن اللي حفظته؟!
مش ع الأخلاق كبرناك؟!
***********
فكرت انا أهرب واسيبها
أحسن م أدبس ف ذنوبها
وف لحظت م خلاص قررت
كات خرجت هي ف زينتها
************
جبته لنفسي أنا ولا لسة؟!
ياتري علي ايه راح ترسي
قالي الشيطان الله يجازيه
إياك تضيع دي الفرصة
************
وفوق حلاوتها.. قعد الشيطان يحليها
شوف نظرتها.. الحلوة هتاكلك بعنيها
وهي ماشية بتتمايل ووحش الرغبة بيتحايل
قلتلها هنزل الصيدلية أجيب حاجة هترضيها
***************
فتحت الباب بسرعة وإتنسمت هوا عجيب
وكأني حمل فرحان بنجاته من فك الديب
علي أقرب مسجد دخلت اتوضيت وصليت
أشكرك يارب إذ نجيتني من نارين ولهيب
*************
رباعية زجلية لـ: عصام قمر
لا حول ولا قوة الا بالله العلي العظيمالبحث على جميع مواضيع العضو عصام الدين محمد
مشرفه ركن ابدعات اعضاء مصراوي كافيه
السلام عليكم
بصراحه جميله جدا
مفيده كمان وبتعلم حاجات كتير
ياريت كل شاب قبل مايعمل حاجه تغضب ربنا يفكر الف مره الاول
ويعرف ان كل ده مجرد سعاده مؤقته يعقبها ندم شديد
كفانا الله واياكم شر الشيطان
رب اعوذ بك من همزات الشياطين واعوذ بك رب ان يحضرون
جزاك الله خيرا
مصراوي مفيش منه
المشاركة الأصلية كتبت بواسطة اميره بلا وطن
شكرا أختي أميرة علي مرورك الجميل وتعليقك أيضا والهدف وصل والحمد لله
بكل الود تقبلي تحياتي وخالص شكري وامتناني
اخوكي عصام الدين محمد " عصام قمر "
لا حول ولا قوة الا بالله العلي العظيمالبحث على جميع مواضيع العضو عصام الدين محمد
شاعر مصراوي كافيه
مصراوي مفيش منه
شكرا hotta ياشاعر المنتدي علي مرورك وردك الجميل
بكل الود تقبل تحياتي وأجمل أمنياتي
عصام قمر
لا حول ولا قوة الا بالله العلي العظيمالبحث على جميع مواضيع العضو عصام الدين محمد
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
