كنا مستنين البرنامج من فترة ...
وفعلاً يا احمد البرنامج جامد جداً كما اتوقعت
وان شاء الله سيتم تطويره علي ايديكم ...
ورقــة :
ازيكم ازيكم .. ايه دا .. ايه دا
يا ابنى انت اعمل صدى الصوت دا و ظبط ماتفضحناش دا احنا لسه اول حلقه .. احم احم
الو الو ..1 2 3 4 .. اس اس اس اس .. الو الو .. ايوا كدا خلاص .. احم احم ..
اهلا بيكم فى مصراوى اليوم ..
و البرنامج دا هيكون برنامج اخبارى ان شاء الله عن كل صغيره و كل كبيره بالصلاه على النبى
الزعيم :
ايه يا بنتي الفرح اللي انتي عاملاه دا .. اس اس .. فضحتونا علي الهوا .. شوفي الشغل الصح ازاي
السلام عليكم و رحمة الله و بركاته
أعزائي أعضاء و مشرفين مصــراوي كافيه .. أهلا بيكم في أول حلقة من برنامجنا
( مصــراوي اليـــوم )
الاسم ممكن ميكنش غريب عليكم .. هو الاسم متاخد من البرنامج الشهير (القاهرة اليوم)
و البرنامج بتاعنا حيبقي عن أخبار الكافيه و برضه من خلاله حناقش مواضيع كتير
طبعا نسبة الجد في البرنامج مش حتبقي قد نسبة الهزار .. احنا مش علي الفضائية يعني
و أهداف البرنامج أنه يغطي كل الأحداث اللي بتحصل في الكافيه و في نفس الوقت
الأحداث اللي بتحصل حولينــا .. و طبعا الترفيه هدف أساسي في البرنامج دا
ورقــة :
يلا يا احمد نبدا بنبذه عن إنشاء المنتدى
نشاء المنتدى عام 2007 .. في شهر نوفمبر
و ترعرع على ايدى نخبه من المتألقين .. محمد شحاته . ابو تريكه . و محمد جمعه و الفريق القومى .. ايه دا (( انت قلبت الصفحه من قدامى ليه ))
الزعيم : قلبت صفحة و لا انتي اللي مش مركزة
سوغى . . المهم يا عيال .. اقصد يا اعضائنا الكرام .. المنتدى لصاحبه على مدكور و عصابته .. اقصد و شركاه ..
و كبر المنتدى وتطور على ايدى ناس عظماء .. و منهم شله البطيخ برئاسه احمد بطيخه .. احمد الزعيم و ايووويا و ورقه و تيمور و عجوة الشخصيه ال على طول مختفيه .. برضه كارثه و تريكا و طيف و سراج و عبقرينو و عصام و أعضاء تستحق مننا كل التقدير و الاحترام
و ها قد وصلنا لمرحله لا بأس بيها رغم الاعداء و رغم عيون الحاقدين و الحاسدين ..
( عايزين نبخر المنتدى و نعمله عروسه و نعد نخرم بيها بالابره .. اسم الله عليه )
رغم محاولات كثييييرة لايقاع المنتدى و محاولات كثيره لانهزام اعضاء المنتدى
إلا انه صمد فى وجه الرياح و الجو البرد دا ال احنا فيه
(( احم احم حااااضر براحه .. مش هخرج عن الموضوع تاني ))
الزعيم :
علي فكـــرة انتي لكاكة كتير أوي .. و بخــور و عروسة و أبره .. ايه الكلام و الاسفاف دا
المصنفات هنا في الكافيه يادوبك حتذيعلنا أول حلقة و بس ..
عموما أحب أضيف علي كلام الزميلة ورقة
ان الكافيه يوم بعد يوم عمال بينضافله حاجات جديدة و بسم الله ما شاء الله - عين الحسود فيها بطيخة - و نمسك الخشب الكافيه كل شوية عمال يطلع قدام
ورقة
الله هو انت دايما كدا حابطنى خالينى افضض و ماسبش حاجه فى قلبى
الزعيم
انا حابطك .. طيب نروح فاصل سريع و في الفاصل نشوف الاحباط دا
فاصل و سنعـــود و لحضراتكم
عشان نبدأ برنامجنا النهاردة و مع أولي فقراتنا
( عناوين أخبار الكافيه )
ـــــــــــــــــــــــــ ـــــــــــ
ـــــــــــــــــــــــــ ـــــــــــ
الزعيم
أهلا بيكم .. فقرة عناوين الأخبار بنستعرض فيها كل الأخبار اللي حصلت في الكافيه
بس طبعا عناوين بس .. من غير كلام كتير
في اتفاقيات سرية بين الإدارة و مجموعة مشرفين
اتفق الطرفان علي بدء حملـة خاصة تتعلق بحدث سياسي قريب
و من المتوقع أن تدوم الحملة لمدة ما تقارب الأسبــوع
حتي الآن هذه هي المعلومات التي توصلنا اليها
في نبأ عاجل .. بدأت منذ أيام قلائل حرب أهلية بين شباب و بنات الكافيه
تتزعم حزب ( النبات) زي ما ورقة متعودة تقول .. المناضلة المغفور لها مريومة
كما يجدر بالذكر إن حزب (الشباب) مفهوش غير عضو واحد .. فين باقي الشباب؟!
تم افتتاح قسم جديد يدعي
قسم برنامج وشروحات الجرافكس
و طبعا الاسم باين من عنوانه و لكن يبدو إن محدش يعرف إن فيه قسم جديد بالاسم دا
و أتمني من الجميع الدخول و المشاركة
بعد فتــرة طويلة جدا من فترة الترشيح .. أخيرا أصبح كلا من
(ساندرا – العوامي ) من طاقم المشرفين
مبروك ليكم و للأمام دائما .. في حين أنه تقدم بطلب للإشراف كلا من
( عصام نت – أحم عمــر ) بالتوفيق إن شاء الله
في إطـــار سلسلة أحداث و مواقف .. تم إيقاف عضوية عضوان بارزان
الأمر الذي أثار استاء بعض أعضاء الكـافيه و كان رد الإدارة علي هذا القرار
[quote=علي مدكور;63083]ربنا لوحده يعلم اني صبرت كتير واتحملت وسامحت كتير
بس لو وصلت لقلة الإدب خلاص مش بيهمني لأن ساعتها مش بيكون فيه احترام[/quote]
تم تسجيل رقم قياسي لعضو مطرود و اللي اعتقد محدش يعرف الموضوع دا كتير
انه كان بيسجل بنفس الأسم و برضه كان بينطرد
و لو سألتم في الموضوع .. حتلاقوا إن الشخص دا يستحق أكتر من كدا
الرقم القياسي .. تقريبا 15 مرة طرد
بلغت نسبة المواضيع المطروحة في الكافيه بأكمله ما يقارب من الـ 7000 موضوع
في حين أن عدد الأعضاء تقريبا 2400 عضــو و أن إجمالي المشاركات تقريبا 36600 مشاركة
و النسبة كدا كويسة أوي .. طيب لو بقينا 9000 عضو حنعمل ايه
انتهت عناوين أخبارنـا .. فاصل سريع و نرجع بسرعة
ـــــــــــــــــــــــــ ـــــــــــ
ـــــــــــــــــــــــــ ـــــــــــ
أهلا بيكم .. من كام يوم كدا قابلني واحد أعرفه من زمان أوي و كان ميعرفش يعني ايه حتي الكهرباء .. قابلني و سلم عليا و الكلام جاب بعضه و فجأة قالي تبقي تنورني علي المنتدي بتاعي اسمه (منتدي الغلاسة و الغلابة) قلتله ايه يا ابني الأسم دا .. قالي يا سيدي اهو كله مضيعة وقت .. دخلت أدور علي المنتدي الغريب دا لقيت كمية منتديات و أسامي و اشكال و ألوان و كله بقي بيعمل منتديات لدرجة و أنا نازل من كام يوم قابلني عم عبدة البواب قالي ما تيجي تخش في المنتدي بتاعي و حأخليك كمان مشرف عام !!!.
( المنتديات كترت بس نادرا ما تميز منها )
و بتجلنا أول SMS في البرنامج
العضو (شرفنطح) و ايه ..مش عارف خطه وحش أوي و بيسلم علينا و بيقولنا الفكرة لذيذة و نفسه يسمع اغنية "الكلام علي مين"
طيب يا سيدي ألف شكر علي الـ SMS و تبقي تسمع الأغنية في البرنامج اللي جي (لكي يا سيدتي)
و آدي معانا 2 SMS تانية .. بسرعة كدا
العضـو ( بكابوزا ) .. ايه الاسامي دي، بيباركلنا علي البرنامج و بيسأل ايه البطيخ اللي بيتقال دا ؟!!
اااه بطيخ .. بطيخ .. بتاعت احمد تقصد .. دى زى موز موز كدا بس انت عارف الدنيا بتتغير من حواليك يا بكابوزا و مش هتقف عند الموز .. لازم نغير
و كمان العضـو ( فتــوح) بيبارك لينا و بيقول عقبال ما نشوف الحلقة المليون .. و بيسلم علي حنان
حنان مين دي ؟!! .. يا اخت حنان .. الاخ حنوون اقصد فتوح بيسلم عليك فتحنها طلباتك ايه احنا ..
و احنا في انتظار المزيد من الـSMS نتكلم برضه في موضوع غريب أوي .. روحت من كام يوم للريف المصري ( ورقه ) (( انت بتروح اماكن كتير كدا ليه يا احمد .. )) بس يا تحفة .. أهو يعني أهو الواحد بيشوف بلده و بالمرة أماكن جديدة .. كان بقي في اعتقادي اني حأشوف مسلسل قدامي و لا حاجة .. روحت مع واحد صاحبي عند جده و عمامه في الريف و أنا ماشي و مستغرب جدا ألقي (سيبر) و (بلاي ستايشن) و ايه دا ؟!! دا (فرن عيش) ايه دا بقي، الله أومال فين الريف المصري .. ماشي كدا في العزبة دي مش مستوعب الوضع و أدور يمين و شمال مش لاقي ولا قطة .. الله هي القطط راحت فين؟!! صاحبي قالي : أصل كان فيه ترعة جنب العزبة و بعدين اتردمت و كان فيها فيران (فاميلي سايز) عقبال ما تشوف واحد كدا، و طلعت علي العزبة و كانت بتاكل كل حاجة القطط و الفراخ و البط و كله. ضحكت إفتكرته بيهزر، قام باصصلي و قالي علي فكرة الكلام دا بجد !!!!.
( صحيح الدنــيا بتتغير و مفيش حاجة بتفضل علي حالها )
و معانا 2 SMS
العضــو (مجهول) طيب يا سيدي .. بيقول البرنامج حلو جدا جدا و بيشكر كل القائمين عليه و مديني لينك منتدي كدا و بيقولي يا ريت تنورونا علي المنتدي دا
شكرا كتير علي كلام الحلو و حاضر يا مستر مجهول حأروح أشحن نفسي دلوقتي عشان أعرف أنور لما أروح المنتدي بتاعك
العضــو ( مش كاتب أسمه ) كاتب كلام خفيف زيه و دا بيدل علي انه شخص ظريف جدا و عايز ساندويتش لحمة و فراخ و شكرا
طيب يا مستر ياللي مش عارف اسمك الفراخ عندها انفلونزا و البقر عنده حمي قلاعية و مفيش ساندويتشات .. (( ليه يا احمد كدا الله انا جعانه و عايزة سندوتش همبوجر و بنطلون استريتش ))
استريتش .. لا يا عم انا مش حأكمل في البرنامج دا، اهدي شوية و إلا ..
الزعيم و ورقـة
يا بطيخه انتى سندوتش هموجر ايه بس .. دا مضر للصحه ..
مالكش دعوه انت بس ..
يا جماعة معايا واحدة جعانة و عايزة همبورجر .. فين عم محمد بتاع الفول يخصلنا دلوقتي
عم محمد .. أنا ....
و بكدا نوصل لآخر حلقتنا النهاردة .. أرجو إن الحلقة كانت خفيفة و فقراتها ممتعة
إن شاء الله من الحلقة اللي جاية .. الأخبار حتزيد أكتر و الفقرات حتزيد
تــابعونـا علي مصـــراوي كــافيه .. أول برنامج إخبــاري علي تاريخ المنتديات
:: الحلقة النهاردة كانت بسيطة و خفيفة عشان تعرفوا احنا حنعمل ايه بعد كدا ::
و الشغل الصح حيبدأ من الحلقة اللي جاية ان شاء الله
و معانــا المرة اللي جـــاية .. حــــوار مع شخص مهم جدا جدا
ايوا حوار مهم أوي أوي .. صدقوني
و اللي عايز يقرفنا قصدى يبعتلنا الاختراع اللى اسمه اس ام اس .. يا ريت يرد علينا و يكتب قبل جمله اس ام اس انها اس ام اس ما احنا مش هنجم بقى و نعرف انها اس ام اس لوحدنا ..
ايه اللي انتي قولتيه دا .. حد فهم حاجة ؟! اتكتمى خااالص
لو عايز تبعت SMS للبرنامج ابعت مسج خاصة لـ (مصـــراوي اليـــــوم) و اكتب في العنوان "SMS"
و الحلقة اللي بعديها حتلاقي كلامك في الحلقة
لو عندك أي تعليقات أو إضافات .. ابعت مسج خاصة لـ (مصـــراوي اليـــــوم) و اكتب في العنوان "تعليق"
و نوعدك ان كل كلمة حتقولها .. حتتاخد في الحسبان
شكر خاص لكل اللي ساندنا و ساعدنا في برنامجنـا
شكر خاص لعلي مدكور علي تشجيعنــا و مساعدتنا و شكر خاص لكل اللي تابعونــا
و بأقولكم استنونا الحلقة اللي جاية .. معانا فقرات جديدة و أخبار أجدد
استنى انت هتقفل ولا ايه .. ؟!
كان معكم ورقه و احمد من امام الكومبيوتر صفحه مصراوى اليوم .. !
إن شاء الله الحلقة اللي جاية ورقة مش حتبقي موجودة .. حأكرمشها و لا حأبلها و أنشرها
في ميعاد الحلقة .. عايزين نخلص .. نشوفكم الحلقة اللي جاية .. في أمان الله.
برنامجنـــا حيبقي أسبوعي .. استنونا
SomeTimes It's Hard To Keep On SomeThingThat's Life .. Nothing remains ForEver
But What Life can't change or ClearThe Great Moments We shared One Day
Life Can Separate Lovers, Friends even FamiliesBut In The Heart They will always Be in There
We Know People appreciate Them without Seeing ThemThough They Affected Us Deep What Make Us Thankful
WON' 4GET U .. WISH U THE BESTالبحث على جميع مواضيع العضو AhMeD El-Za3eEm
كنا مستنين البرنامج من فترة ...
وفعلاً يا احمد البرنامج جامد جداً كما اتوقعت
وان شاء الله سيتم تطويره علي ايديكم ...
رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
البحث على جميع مواضيع العضو علي مدكور
روووووووووووووووووووووووو وووعه
بصراحة كلمة رائع قليله وما توفيه حقه
حلقه مميزة ما شاء الله
والفاصل حلو فكرته وجديدة
مشكور جدا احمد على التميز ومشكورة ورقه على التعاون في الحلقه
فعلا شيء جميل جدااااااااااا
انا والله ما توقعت انى اقرأ كل كلمة فيه
لكن لانه جدا ممتع فعلا قرأته كامل
هههههههههههههههه الله دا جامد جدا ومتابعه معاكم ان شاء الله
أيا دمعه مقيده باغلال الكبرياء...افتقدتك ..
ففقدت احساسى بكل الاشياء...يا صديقتــى فى لحظــات الحزن والشقــاء ...اشتقـت اليكـــى ..
اشتقـت الى البكــــاء ...البحث على جميع مواضيع العضو Young DeviL
الله بجد جامد يا ابو حميد .. وجامده طبعاُ يا ورقه ..
فكره رائعه جدا .. وانا بصراحه اول مره اشوفها فعلا فى المنتديات ..
بجد شغل فوق الرائع ..
بس انا كنت عايز اعرف حاجه يا زعيم انت وورقه ..
ابعت اس ام اس لمصراوى اليوم ازاى ..؟
عارف هقرفكم زى اللى بيبعتولكم اس ام اس ..
بس بجد حاجه جميله جدا وطريفه جداُ جداُ ..
احب اشكركم واشكر مهندس الصوت اللى وجع صوتكم ..
والاضاءه الجميله اللى انا شيفها ودا اكيد من نوركم ..
مع السلاموا عليكم ..
التعديل الأخير تم بواسطة Essam Net ; 26 - 3 - 2008 الساعة 09:57 AM
sms
البرنامج حلو جدا و مشوق لمعرفة باقى الاخبار
بس يا ريت توضحوا شوية انتو بتتكلموا على مين
وعلى فكرة انا هتابع البروجرم من على الستلايت
لانى قررت بعد ازنكم انى افتح قناة فضائية
وازيع البروجرم
Time To Change Your Lives
Time To Forget The Past And Leave It behind
Time To Start And New Life Without Any Hard Feelings
Its Time To Give it a Smile Its Time To Change Your Mindالبحث على جميع مواضيع العضو Beats Of Lyle
حقاً انه عمل رائع متنوع جريء
واعطاء نبذة عن بداية نشأة المنتدى شيء جميل
حلقه متنوعه تجمع الطرافه والفائدة وتغطي اخبار المنتدى اول باول بصراحة تامة
بوركتم ووفقكم الله
الى الامام
التعديل الأخير تم بواسطة ساجدة ; 26 - 3 - 2008 الساعة 10:14 AM
sms
بصراحة برنامج رائع يازعيم انت وورقة
وجهد جبار
بالتوفيق ان شاء الله
sms
بعد السلام
بهنيكم على البرنامج الحلو جدا والممتع
وان شاء الله من نجاح الى نجاح
واحب اهني المذيعين الى نوروا البلاتوه
وبتمنالكم الاستمرارية بادن الله
وفي النهاية بطلب اغنية سخبط لخبيط
بهديها لكل الاعضاء بدون استثناء
ايه الجمال ده بس يا زعيم
حلقة جميله اوى
و منتظرين الحلقة القادمه
الحيــــاه مسرحية أعجبتنا أم لــم تعجبنا
فقد دفعنا ثـــــمـــــن التذكرة
TiMoR
البحث على جميع مواضيع العضو TiMo0oR
الذين يشاهدون الموضوع الآن: 1 (0 من الأعضاء و 1 زائر)