النقاب 1

[دره]

السلام عليكم ورحمة الله وبركاته
أخواتى في الله منتقبات وغير منتقبات
لن ابدأ حديثى بالبداية التى تفزع الكثير منكم وتجرى الدم في العروقوما كنت أعلم أنها مثيرة أو مستفزة لهذه الدرجة وهى عبارة(النقاب فرض)
وأحب أن أرفع شعارى عندما قررت فتح هذه الغرفة وهى:
لا للجدال ولكن الدعوة بهدوء!

كتير من الناس بيرددوا عبارة(النقاب فضل أو فضيلة)
طب تعرفوا هى معناها ايه؟؟
كلمة فضل أو "مستحب" او "مندوب"عند الأصوليين معناها:
ما يثاب فاعله، ولا يعاقب تاركه

وفي رسالة الشيخ الألباني رحمه الله التى أجاز فيها كشف الوجه قال عن النقاب أنه سنة ومستحبة

إذن الشيخ يرى أن التغطية سنة مستحبة، لم يقل:
مباح، جائز، بل قال: سنة، مستحب؛ وهذه ألفاظ شرعية تدل على الأفضلية..
والمشروع هو تغطية الوجه بنص القرآن الكريم..ومعلوم المشروع وهو ما شرعه الله تعالى أفضل من الجائز، وهو ما أباحه الله تعالى.

وفي بعض الناس بتفهم كلمة فضل خطأ تقول:
دى زيادة تقوى منى وزيادة تستر منى..... لى إنى أعملها او معملهاش لأنها فضل!!


سبحاااااان الله !!!! حتى وقع الكلمة على النفس صعب
بيفكرني بكلمة قارون في قوله تعالى
"قَالَ إِنَّمَا أُوتِيتُهُ عَلَى عِلْمٍ عِنْدِي "

ده في آية كريمة بتقول
"يَمُنُّونَ عَلَيْكَ أَنْ أَسْلَمُوا قُلْ لَا تَمُنُّوا عَلَيَّ إِسْلَامَكُمْ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِنْ كُنْتُمْ صَادِقِينَ"
الناس فاهمينها بالمقلوب !
يعنى حتى لو عايزين يصححوا رؤيتهم شوية يقولوا طيب ده فضل من ربنا على انه يرزقنى حاجة زى دى ويهدينى انى اتستر مش إنه فضل منى؟؟؟!!!
وأنا بقول الكلام ده بناءا على ناس شفتها وكلام سمعته من واحدة منتقبةللأسف

سبحاااان الله!!
على حجاب هذه الأيام ألوانه تجنن فعلا بتدعو لاطلاق البصر بشكل لا ارادى أنا نفسي كفتاة انظر إليها وإلى تناسق الألوان والشياكة والخرز والترتر اللى بيلمع فيها
وإلى طريقة ال cross في لف الإيشارب التى طالما جننتنى (أيام الجاهلية) قبل الإلتزام لأتعلمها
إلى الband أو اللى بيسموها (باندانا) وليها لون وتلبس تحت ايشارب لون مختلف عشان تعمل contrast شياكة يعنى
إلى لفات الايشارب(الخنيــــق) التى تخنق الرقبة لأنها ملفوفة حولها مباشرة ولاتغطى البدن كأنه لم تنزل اية تقول
"وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ "
إلى حجاب جديد غريب من نوعه يغطى الشعر والرقبة ثم يمر ليظهر الأذن!!!
الحجاب الspanish
لاحول ولاقوة الا بالله هل هذا نوع جديد من الحجاب نزلت به آية؟؟
دى فتنة!!!
إلى جانب إن شكلها مش ظريف إلى جانب انى اكتشفت ان موضة اظهار الاذن من تحت الحجاب قديمة جدااااا

طب بفرض خلاص لبسنا عباية
(عباااااية مش بنطلون وعليها بلوزة قصيرة او بودى اوشيميز اوحاجة من الحاجات الوحشة دى)
مع الايشاربات دى طب ماكده الحجاب مش مستوفي كل شروطه...ويااارب العباية ماتكونش زينة في نفسها...تخيلى الاية بتقول
(وَلَا يُبْدِينَ زِينَتَهُنَّ ) واحنا بنخالف ونبدى الزينة!!
وصور الزينة معروفة :
*تناسق الألوان
ولا اعنى اننا نبقي مبهدلين !لكن مايلفتش النظر
*والتطريز والايشاربات المشجرة القصيرة ولبس الخواتم والذهب- اعنى اظهارهم-
يعنى ربنا سبحانه وتعالى بعث لنا رسولنا الكريم صلى الله عليه وسلم ليكون لنا قدوة وأسوة ونموذج نسير على دربه هو وأوزواجه ثم صحابته رضي الله عنهم ثم التابعين

وادينا دلوقتى عايشين في هاوية المنحدر ونرى مظاهر العرى قد تفشت فهذا يعنى إن ماكان قبلنا كان أكثر مننا تسترا فأكثر فأكثر حتى نصل لزمن النبي صلى الله عليه وسلم اللى كانت فيه النساء يرتدين السواد حجابا لا حدادا
وهناك أحاديث كثيرة عن أمنا عائشة رضي الله عنها تصف فيها لباس النساء
"كن نساء المؤمنات ، يشهدن مع رسول الله صلى الله عليه وسلم صلاة الفجر ، متلفعات بمروطهن ، ثم ينقلبن إلى بيوتهن حين يقضين الصلاة ، لا يعرفهن أحد من الغلس "
الراوي: عائشة - خلاصة الدرجة: صحيح - المحدث: البخاري - المصدر: الجامع الصحيح -
والغلس هو الظلام الدامس

مش ده برضه قول أمنا عائشة رضي الله عنها وكانت صغيرة لما اتحجبت هو الحجاب ده مش لينا احنا المسلمات؟

سؤال:
ليه دايما بنفهم إن المؤيدين للنقاب اللى هو عبارة عن قطعة قماش سوداء تغطى الوجه بنعتبرهم متعصبين متشددين ؟؟
الجواب :
لا أبدا هم مش كده
هم بينادوا بالرجــوووووع للحجاب اللى كانت بترتديه نساء النبي صلى الله عليه وسلم في حرصهم على حجابهم وهم مثلا بينفذوا سنة من السنن أو فرض من الفروض نفسهم برضه إن أخواتهم ينفذوه زيهم


وبالنسبة للأخوات اللى نفسهم يلبسوا النقاب نصيــــــحة أختى
ســــــارعي إليه !!
والله والله هتحسي بحلاوة محدش هيحسها غيرك وهتلاقي نفسك فرحاااانة جدا ماتعرفيش ليه
ولو الاهل مش موافقين ماتيأسيش.. ادعى لنفسك بالثبات وادعى لهم بالهداية وبإن ربنا يشرح صدورهم لتقبله
وابتدى ادعيهم بالحسنى انهم يقتنعو وسوقي لهم الأدلة وافتحى معاهم كتب التفاسير
القرآن دستورنا والسنة منهاجنا نرجع لمين غيرهم؟؟
ولو زاد الأمر سوءا معاهم وأصروا على الرفض فما تركنيش الموضوع خليكى لسه سخنة فيه وحطيه في دماغك كأى أولوية بتدى لها إهتمام
ناس كتير خدتهم الحمية في الأول وبعد كده بردوا ونسيوا وكأن شيئا لم يكن
وللأسف ده بيسوَّأ الصورة عند الأهل وبيعتبروا النقاب مجرد حاجة بنتهم شبطت فيها لفترة وبعد كده زهقت وبيزود التأكيد والإقتناع عندهم إن حجاب الأيام دى يمشي
مع إننا في عصر الفتن خلاص المنتقبة والغير منتقبة بتتعاكس ماعدتش تفرق مع الشباب فأولى باولى إننا نزيد التستر.

كما ترون إنى لم أناقش فرضية النقاب ولكنى أدعو لتفتيح المسام المنغلقة تجاه هذا الموضوع والله أعلم بنيتى
وأسأل الله أن يجعل كل أعمالى خالصة لوجهه الكريم
ا
لسلام عليكم ورحمة الله وبركاته
منقووووووووول

[معا لنصرة ديننا]

niqab copy.jpg

بارك الله في عمرك أختي الكريمة
موضوع قيم جدا جدا
أسأل الله أن يثبتكي وأن يكرمكي دائما وأبدا يارب العالمين

[دره]

امين يا رب
ربنا يكرمك يا ميدو

[هشام اللول1]

والله هذا الموضوع بجد كان ومازال خنقني جدا جدا

عندما يضطهدونا الفتيات المنقبات في المدارس والجامعات والعمل
فانه الظلم والله العظيم
انه حرب علي الله والاسلام وفتيات المسلمين
ربنا يصبر ويثبت هذه الفتيات علي عفتهم ونقابهم

بارك الله فيكي علي نقلك لموضوع جميل مثل هذا

حفظك الله
ودمتي بخير وصحه وعافيه وسعاده وود

[دره]

دمت باحسن حال يا هشام
جزاك الله خير

[آية الرحمن]

موضوعك رائع جدا يا اسماء
بارك الله فيكى وجزاكى خيرا
سلمت يداكى على ما نقلتى لنا
تقبلى مرورى

[دره]

تسلميلى يا رومانسيه يا قمر

[bosy_na]

اللهم اهدينا للصواب واتباع نهج الرسول

صلى الله عليه وسلم

بارك الله فيكى موضوع مهم جدااااااااااااا وقضية مجتمع

[دره]

امين يارب
تسلمى يا بوسى

[محمد أبراهيم]

مَِسَآحآتٌ مِنَ آلشُكرْ لِحُروفك هُنآ ..

بآرَكـِ الله فيكـِ ..

رَفَعَ الله شَآنكـِ في الآرْضَ وَآلسَمآءْ

وَآبْعَدَ عَنْكـِ آلبَلآءْ وَآسْكنكـِ فَسيحُ آلجنآنْ ،،