شوفو حصلى ايه انهاردة ؟؟؟؟؟؟؟

[ED GIEN]

السلام عليكم ورحمه الله وبركاته ............. ازيكم يا اعضاء الكافيه ان شاء الله تكونو بخير
مش حطول عليكم انا انهاردة حصلى موقف : كنت ماشى فى الشارع ولقيت واحد يرمى كيسين زباله واظن انتو عارفين يعنى ايه واحد رايح يرمى زباله .

والصندوق عندة فاضى لقيت الراجل يروح مطوح كيسين الزباله من على بعد 5 او 6 متر .... طبعا هو مش واخد بطوله العالم فى النشان ووقع كيس الزباله برة كسل الراجل يحطه فى الصندوق ... بقوله يا حاج طب بدل ما ترمى كيس الزباله برة عندك الصندوق ...... لقيته مرة واحدة راح وشه احمر وشعرة وقف وعينيه احولت وراح مزعقلى ويقولى هو ::
هو مفيييييش غيرى ولا ايه اتكل على الله

والغريبه كل اللى فى الشارع غلطونى ...... ولانه راجل كبير مرضتش اكلمه بس انا حبيت اقولكم اللى حصل معايا انهاردة عشان حبيت انصح راجل ...... وادى اخرة النصيحه

[ايسل]

والله الواحد احتار ينصح ولا يكون سلبى ويسكت
بس سيبك انت اللى متربى على النظافه يبقى كده داخل بيته وخارجها ومش بيقول هو انا بس اللى بعمل كده لا مش بيهم اللى حواليه المهم هو بيحافظ على النظافه فى اى حتى ومش بيبص لغيره بيعمل ايه علشان كده لما تشوف تانى واحد
زباله زى ده ما تحاولش تنصحه مهما حاولت
ال ....... بيفضل طول عمره .........
ومضايقش نفسك تانى

[مونه]

ولا تزعل نفسك خالص ده
الطبيعى بتاع الناس
اللى ينصحهم ويقولهم ده غلط
وده عيب يبقى إنسان مش كويس
هما عايزين اللى يكون سلبى معاهم
عايزينا نشوف الغلط ونقول عليه صح
سورى على الرغى بجد تسلم
تقبل مرورى

[ED GIEN]

مشكورة يا ايسل على المرور والرد الكريم نورتى الموضوع .....

نورتى الموضوع بالرد بتاعك يا مونه ومشكورة على المرور الغالى