قيس وليلى على الطريقة الحديثة

**thesniper_12007** · 2 - 6 - 2010, 11:35 AM

المكان:- فى خيمة
المنظر:- ليلى جالسة على الأرض وتنقى الأرز
(يدخل قيس)
ليلى:- (لقيس) قيس إبن عمى عندنا...يا مرحبا يا مرحبا
قيس:- كم جئت ليلى بأسباب ملفقة...ما كان أكثر أسبابى وعلاتى
ليلى:- (لقيس) ما تتكلم عربى يا مان
قيس:- حلاوتك بالعجوه...أبوكى فين يابت؟
ليلى:- في السايبر
قيس:- يعنى أحنا هنا لوحدنا؟
ليلى:- والشيطان صايع
قيس:- أنا لا أفكر فى هذه الأمور...
ليلى:- ليه ياروح أمك....ما اشبهش البنات اللى انت ماشى معاهم
قيس:- مش العباره بس.....
ليلى:- (تقاطعه)وحياه أبويه يا قيس لو ما انعدلت معايا لأكون موّلعه ف خيمتك بصفيحة بنزين
قيس:- إهدئى يا ليلى( ويخرج من جيبه سيجارة كبيرة الحجم ويعطيها لليلي) مسائه نابت...إعمليلك سحابه دخان
ليلى:- (فى دهشة) أنت بتحشش يا قيس؟!!
قيس:- إضربى يا شيخه إضربى
ليلى:- ( تأخذ نفساً عميقاً من السيجاره) إيه البقسماط ده...دا مضروب يا حبة عينى
قيس:- بقسماط!!! إيش فهّمك إنتى فى الكيف....إنتى اَخرك تكركرى بالجوزه من غير معسل
ليلى:- (فى تحدى) طب إستنى ( وتتجه نحو الداخل)
قيس:- ( لليلى) رايحه فين؟
ليلى:- هجيبلك تربة حشيش (وتدخل)
الأب:- (يدخل الخيمة ويفاجأ بوجود قيس) قيس!!...هنا مع ليلى...وامصيبتاه...فلتمطرى صابون سايل أيتها السماء....(لقيس) إنت بتعمل إيه هنا ياله؟ !!!!!!!!!!!
قيس:- أنا كنت جايلك يا عمى عشان تيجى تصلح لنا السيفون....دانت شغلك زباله..الواحد بعد كده يبقى يجيب سباك نضيف
الأب:- (فى إنفعال) أين ليلى...ليلى...ليلى
ليلى:- (تدخل وفى يدها تربة حشيش) أبى ...ماالذى أتى بك مبكراً...إنت مش قولت هتقد ساعتين؟

الأب؟- النت فصل...إيه اللى ف إيدك ده؟!!
ليلى:- دى تربة حشيش هديها لقيس تموين الشهر
الأب:- (فى ذهول) ياللعار!!...من أين أتيتى بها أيتها الفاجره؟
ليلى:- ماتخافشي يابا دا م التموين بتاعى....الحشيش بتاعك لسه بلفتٌه
الأب:- ( فى راحة نفسية) أة ..إذا كان كده معلش
ليلى:- ( تعطى الحشيش لقيس) خد يا قيس جرب الصنف دا واحكيلى
قيس:- (يأخد الحشيش)ليلى...بعدد الجوانات التى بضربها..وبعدد الأحجار التى قمت برصها وبعدد الأنفاس التى قمت بتسليكها...أشكرك بضمير
الأب:- (لقيس) بقولك أيه ياقيس .... إنت مش ناوى تتجوز ليلى قبل ما تخرج م الضمان
قيس:- وانت ترضهالى برضه يا أونكل؟
الأب:- خسئت...هات ياد تربة الحشيش اللى خدتها
قيس:- ( يعطيه الحشيش) إمسك ياعم إنت هتذل إمى بحتة الحشيش بتاعتك..لعلمك بقه الصنف اللى أنت فرحان بيه دا بيتباع فى الجمعيه مع اللحمه البرازيلى
الأب:- (لقيس) إمشى ياد إطلع بره
قيس:- تصبح على نقاله ياعمى
الأب:- أغرب عن وجهى

منقول للامانة

**♥بـونـبـونـايـه سـكـره♥** · 2 - 6 - 2010, 11:42 AM

ههههههههههههههههههههههههه ههه
ههههههههههههههههههههههههه هههههه
كامده كدااااااااااااااااااااااا ااااااااااااا
بكد تسلم على التوبيك كامد كدااااااا
دمت متألق ب موضوعاتك فى 5 فرفشه

**thesniper_12007** · 2 - 6 - 2010, 11:45 AM

وفقك الله تعالى لما يحبه ويرضاه وشكرا على مرورك واهتمامك بموضوعاتي في 5 فرفشة

عفواً نيوتن بونبوناية سر الجاذبية

**مونه** · 2 - 6 - 2010, 12:49 PM

أولا أهلا بك معانا فى خمسه فرفشه
ونتمنى نشوفك فى ركن مصراوى طبعاً
وكل الأركان فى الكافيه
ثانياً بجد الطريقه جامده جداً
جزاك الله كل خير
ثالثاً لو سمحتلى ممكن تقول إسمك
وممكن تقبل مرورى

**thesniper_12007** · 2 - 6 - 2010, 08:57 PM

اشكرك عل اهتمامك أختي مونه
كما أشكر مرورك الكريم
كما أحب اعرفك بأن أسمي الحقيقي هو
إكرام محمد محمد مجاور
محاسب
كما احب اعرفك انني يشرفني وجودي بالمنتدى وأشكر أسرة المنتدى على هذا المنتدى الجميل

**thesniper_12007** · 27 - 6 - 2010, 08:50 PM

أعظم قصة حب حديثة

**sohair** · 28 - 6 - 2010, 11:23 AM

هههههههه..كده بقى قيس وليلى وابوها عايزين البوكس علشان ياخدهم ويلمهم معاه...حلوة وتسلم الايادى

**thesniper_12007** · 28 - 6 - 2010, 11:53 AM

المشاركة الأصلية كتبت بواسطة sohair

هههههههه..كده بقى قيس وليلى وابوها عايزين البوكس علشان ياخدهم ويلمهم معاه...حلوة وتسلم الايادى

أختي سهير خلي بالك البوكس ده انواع
بوكس في الوش وضرب الوش مافيهوش معلهش
بوكسه ياخدو منها توصيلات بدل السايبر اللي ابو ليلى بيروحه كل يوم
وبوكس الشرطة ودا ربنا يجعل كلامنا خفيف عليه
ههههههههههه
تقبلي تحياتي
لك خالص ودي وتقديري واحترامي
أخوك إكرام مجاور

الموضوع: قيس وليلى على الطريقة الحديثة

أدوات الموضوع

قيس وليلى على الطريقة الحديثة

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة