اللى عاوز شرح اى قاعده فى قواعد الانجلش يطلبها

[thesniper_12007]

أميرة انا عمري ما فهمت قواعد غير منك فيا ريت تشرحيلي الأزمنه بأسلوبك وإن شاء الله أكمل انا بقا وبكده أكون شاكر فضلك وكتر الف خيرك
تقبلي تحياتي
لك خالص ودي وتقديري واحترامي

[اميره بلا وطن]

اى ازمنه؟
حدد انت عاوز ايه
وانا عليا التنفيذ

[thesniper_12007]

اى ازمنه؟
حدد انت عاوز ايه
وانا عليا التنفيذ

The Past Continuous الماضي المستمر

The Future Simple المستقبل البسيط

المضارع التام-الماضي التام

وباقي قاعدة if

وبكده ما يكونش عندي اي عذر وانتي كتر الف خيرك

مع العلم انا نازل اجازة يوم السبت احتمال للاجازه تكون 21 يوم فمش عارف اقولك ايه

ممكن لو مكتوبين عندك على الكمبيوتر ممكن تاخديهم كوبي وبست وإلا هتتعبي معايا

تقبلي تحياتي

لك خالص ودي وتقديري واحترامي

[اميره بلا وطن]

قاعده if الحاله الثالثه
تعبر عن اشياء مستحيله الحدوث
تتكون من
If+past perfect,would have+inf
يبقى فى الجمله الاولى اللى فيها if بيكون الفعل فى الماضى التام
طبعا المفروض اننا نشرح الاول المضارع التام والماضى التام
المضارع التام
يتكون من:
have/has=p.p
وعرفنا ان p.p يعنى التصريف الثالث للفعل اللى هو لو منتظم بينتهى بd/ed ولو شاذ بيبقى له تصريفات تانيه
طيب امتى ناخد have وامتى نستخدم has
has بنستخدمها مع ال 3 ضمائر الغائب المفرد اللى هم
he/she/it
اما have مع باقى الضمائر
مثال:
I have played tennis
He has gone to school
الماضى التام بقى بناخد الماضى بتاعهم
يعنى يتكون من
had+p.p
i had played tennis
ويستخدم الماضى التام للتعبير عن اشياء حدثت وانتهت فى الماضى ومازال لها اثر
وكمان لما بنستخدم الماضى التام بنكون مش محددين الوقت بالظبط اللى حدث فيه هذا الشئ
يعنى لا يهتم بالوقت

فى كلمات بقى داله على زمن المضارع التام المفروض لما نشوفها فى الجمله نعرف ان الجمله دى مضارع تام
زى ايه بقى الكلمات دى؟
ever/never/just/already/yet/since/for

نرجع بقى للحاله الثالثه ل if
وقلنا انها بتتكون من:

if+past perfect,would have+inf
مثال
if I had seen Mona,I would have told her about the party
يعنى لو كنت شوفت منى كنت قلتلها عن الحفله

[thesniper_12007]

يبقى كدا خلصنا if والمضارع التام والماضي التام بس المضارع التام بيعبر عن ايه دي بالنسبة للمضارع التام
وبكدة نلخص اللي فات في الآتي

If –present simple, will inf


If- past simple, would inf


If -past PERFECT,would have- inf

Present prefect


Have


Has


P.P


Past Simple


Had


P.P

وبكدة يبقى لسه باقي المستقبل البسيط والماضي المستمر وكدا اقولك الف شكر يا اختي أميره
أشكرك جدا والله انا فعلا فهمت بنسبة 85 % مع شوية مذاكرة ح تكون كل الأمور تمام
ودا بفضل الله ثم مجهودك الخارق معايا
شكرا يا اميرة
تقبلي تحياتي
لك خالص ودي وتقديري واحترامي

[اميره بلا وطن]

طيب لو فاكر المضارع المستمر هتلاقى الماضى المستمر سهل جدا
تغيير بسيط يعنى
المضارع المستمر يتكون منك
am/is/are+v+ing
Ahmed is doing his homework
They are listening to music
الماضى المستمر يتكون من
was/were+v+ing
Ekram was writing a poem
المضارع المستمر يعبر عن شئ مازال مستمرا فى وقت الكلام
والماضى المستمر يعبر عن شئ كان مستمر الحدوث فى الماضى

[thesniper_12007]

كدا يبقى المستقبل فقط
والله يا اميرة انا عاجز عن الشكر مش عارف اقولك ايه كل اللي اقدر اقولهولك انك اخت بمعن الكلمة
تقبلي تحياتي
لك خالص ودي وتقديري واحترامي

[اميره بلا وطن]

المستقبل البسيط يااكرام
بسيط جداااااااااااااا
يعنى يتكون من will+inf
I will eat rice
سوف اتناول الارز
He will travel to Beni Suef
سيسافر الى بنى سويف
يعنى مع كل الضمائر نفس الكلام
فى بقى تعبيرات على بعضها بتساوى will
am/is/are+going to+inf
بس التركيبه دى معناها اكتر ينوى او يخطط لعمل شئ
مثال
He is going to read a book
معناها هو سوف يقرا كتاب
او يخطط لقراءه كتاب فى المستقبل
الكلمات الداله على المستقبل
next....
next day اليوم القادم
next week الاسبوع القادم
next month الشهر القادم
next year العام القادم
tomorrow غدا

[thesniper_12007]

جزاك الله خيرا يا أميره وجعله لله تعالى في ميزان حسناتك وإن شاء الله الشرح ده طبعا هيفضل على الموقع وبالنسبة لك كصدقة جاريه لأنه علم ينتفع به
جمعنا الله وإياكم على طاعته وجعلكم من الذين يستمعون القول فيتبعون أحسنه ووفقكم الله تعالى لما يحبه ويرضاه

وعلى فكرة المدام بتسلم عليكي وبتقولك ألف مليون مبروك وإن شاء الله ربنا يرزقك بالذرية الصالحة
تقبلي تحياتنا
لك خالص ودنا وتقديرنا واحترامنا

[اميره بلا وطن]

الله يسلمك يااكرام
سلملى عليها جدا
الله يبارك فيكم يارب