هو راح فين المصرى!!!!!!؟؟؟؟؟؟؟

**ايسل** · 4 - 6 - 2010, 09:56 AM

الناس قاعده تدور وتلف وتسأل هو راح فين المصرى وبعد عذاب
اكتشفوا ان اخينا رايح فى سابع نومه حاولوا يصحوا لكن مفيش فايده حاسوا انه هو اللى مش عايز يصحى علشان ميشوفش الواقع اللى حواليه استغربوا وهما متجمعين حواليه وقاعدوا يبصولوا وهو نايم زى اهل الكهف وشاوروا عليه وقاله هو ده المصرى
اللى قام بالثورات ليحرر ارضه ودافع عن كرامته وطالب بحقه بأعلى صوت هو ايه اللى حصلوا
هو فين المصرى اللى يضحى بنفسه لو حد مس كرامته
هو فين المصرى اللى كان لما يشوف حد بيعاكس بنت فى الشارع يقوم يقف وبكل شجاعه يدافع عن البنت حتى لو مش عارفها
هو فين المصرى اللى ميقبلش على نفسه الحرام
هو فين المصرى اللى كلمته بمليون عقد
هو فين المصرى الشهم فين النخوه والكرامه وعزة النفس
راحت فين الضحكه الطيبه اللى نابعه من القلب
ليه يا مصرى استسلمت للظلم والجبروت ليه خلتهم سدوا نفسك عن الحياه ليه اتغيرت واستسلمت يا شهم يابطل ليه نايم اصحى فوق فوق فوق بطل سلبيه وارجع تانى زى ماكنت

**مونه** · 4 - 6 - 2010, 03:53 PM

بارك الله فيك ايسل وجزاكى خيراً
بس لو فضلنا نصحى فيه الباقى
من عمرنا كله مش ها يصح
من اللى بيحصلوه وبيحصل لبلده

**ايسل** · 5 - 6 - 2010, 07:14 AM

ما اروع مرورك عزيزتى مونه وندعوا الله ان يستيقظ سريعا قبل فوات الأوان شرفنى مرورك اختى

**براكودا** · 5 - 6 - 2010, 07:22 AM

نعم
مين في حد عايزني ؟

تسلمي ايسل على موضوعك الرائع

**معا لنصرة ديننا** · 5 - 6 - 2010, 09:28 AM

لا حول ولا قوة الا بالله العلي العظيم
أبكيتيني حقا أختي ايسل
أسأل الله أن يبدلنا من بعد العسر يسرا وأن يبارك في شعبنا وفي أمتنا

**عفريت أفندى** · 5 - 6 - 2010, 10:30 AM

ايسل بتدور ع المصرى

مش عليك يا براكودا

ههههههه

ماشى يا عم براكودا عرفنا انك موجود اهو

بس اوعى تكون انت اللى خطفت المصرى اللى ايسل بتدور عليه ؟

عموما المصرى ده موجود يا ايسل

و لسه عايش

جايز يكون نايم شويه

بس عشان اخد من اللى بالى بالك منوم

بكره ييجى اللى ياخد منه منبه و يفوق و يصحى و يستقيظ

و يارب بكره ده يكون قريب

مشكوره ايسل

و آسف ع الرغى

ما انتى عارفه انى رغااااااااااى

**hadede** · 5 - 6 - 2010, 03:04 PM

خلوه ينام يمكن يرتاح

طول النهار بيلف على لقمة العيش

وآخر النهار بيدور على الدوا

وولاده قاعدين بلا شغل فى البيت

سيبوه نايم كام سنة يمكن يصحصح لوحده

بارك الله فيك ايسل

**هشام اللول1** · 8 - 6 - 2010, 03:07 PM

هو كان نايم علشان عارف انه فيه حاكم عادل
حريص علي راحته وراحت اللي حواليه

بس للاسف الحاكم ضعفت قواه واتعلم من الناس الغدارين الوحشين الغدر
وعمال ينهش فينا

بس الشعب بيبدا يقوم ويفوق شويه بشويه وهيقف علي حيله
ووقته الغدار ده مش هيلقي حايطه يداره وراءه

وانتي قولتي يا ايسل انه احنا الشعب اللي حررنا بلدنا
يعني احنا اتبدلنا دلوقتي
لا احنا كونا عاوزين نستريح شوية بعد ما
ابائنا واجدادنا حررونا وراجعوا ارضينا

بس للاسف الشعب ده مكتوب عليه
المعاناه والالم والشقاء مدي الحياه

موضوع جميل يا ايسل
بارك الله فيكي وحفظك
ودمتي بخير وسعاده وراحه بال وصحه وود

**مونه** · 8 - 6 - 2010, 04:34 PM

المصري تايه بين الرغيف والعمل
المصري حائر بين الشهامة والملل
المصري نائم يابشر رغم انه هو بطل
المصري اصبح كالوقودان مسه لهب اشتعل
المصري سجن بداخله كل الاماني والامل
هيا افيق وانتفض اترك اخي ذاك الكسل
عد للكرامه والشرف ولا تستلم مهما حصل
بارك الله فيك اختي ايسل
موضوع بجد اكثر من رائع
ويارب نفيق من غفلتنا سريعا قبل ان يمضي القطار

**~ NORA ~** · 8 - 6 - 2010, 04:51 PM

اسمحي لي ابدي اعجابي بقلمك وكلامك صح وهو راح فين فعلا ؟ ربنا يجيب كل خير

وتسلمي وبارك الله فيكي وتستمري على التقدم ده

الموضوع: هو راح فين المصرى!!!!!!؟؟؟؟؟؟؟

أدوات الموضوع

هو راح فين المصرى!!!!!!؟؟؟؟؟؟؟

معلومات الموضوع

الأعضاء الذين يشاهدون هذا الموضوع

المواضيع المتشابهه

اى لون الخيانه يا ترى ؟؟؟؟؟؟؟

عمــــــــــــــــرك شوفت كده قبل كده؟؟؟؟؟؟؟

انواع من الناس!!!!!!!!!!!!؟؟؟؟؟؟؟

ماذا تقول لمن خزلك ؟؟؟؟؟؟؟

انت مين؟؟؟؟؟؟؟

الكلمات الدلالية لهذا الموضوع

ضوابط المشاركة