هو راح فين المصرى!!!!!!؟؟؟؟؟؟؟

[دره]

المصرى موجود اكيد بس فين ؟؟
هو موجود عمال يجرى على اكل عيشه يخرج من حرق ونهب وسرقه يطلعله مظاهره يرتاح تيجى الغلا ....................الخ
شوفتى مجود ازاى
تقبلى مرورى

[SCREEM]

ده وقت مواضيع برضه متسيبي الراجل نايم في حاله هو كان شاف ايه عدل عشان يصحي



قلقتو الراجل ف منامه


خش كمل ياباشا احنا اسفين



تسلمي عالموضوع ياخالتي تقبلي مروي

[سعيد الفيشاوى]

الناس قاعده تدور وتلف وتسأل هو راح فين المصرى وبعد عذاب
اكتشفوا ان اخينا رايح فى سابع نومه حاولوا يصحوا لكن مفيش فايده حاسوا انه هو اللى مش عايز يصحى علشان ميشوفش الواقع اللى حواليه استغربوا وهما متجمعين حواليه وقاعدوا يبصولوا وهو نايم زى اهل الكهف وشاوروا عليه وقاله هو ده المصرى
اللى قام بالثورات ليحرر ارضه ودافع عن كرامته وطالب بحقه بأعلى صوت هو ايه اللى حصلوا
هو فين المصرى اللى يضحى بنفسه لو حد مس كرامته
تعب من كتر الهموم اللى ما بقاش لها حد
تعب لحد ما بقى مش قادر حتى يتكلم
بقت لقمه العيش اهم عنده من كرامته
لانها ممكن ماتكنش ليه
تكون لاولاده الصغار
اللى مايستحملوش الجوع زيه

هو فين المصرى اللى كان لما يشوف حد بيعاكس بنت فى الشارع يقوم يقف وبكل شجاعه يدافع عن البنت حتى لو مش عارفها
ما بقاش يعمل كده لانه لقى البنت
هى اللى بتعاكس الشباب فى الشارع
هى اللى بتشجع الشباب على كده
من لبسها من طريقه كلامها من مشيتها من.........الخ
اتحداكى ان لقيتى واحد فى الشارع بيعاكس واحده
محترمه فى لبسها او مشيها او طريقه كلامها او .....الخ
هو فين المصرى اللى ميقبلش على نفسه الحرام
فى مثل بيقول
الجوع كافر
انا ماكنتش بعترف بالمثل ده
دلوقتى بفكر فيه لما بلاقى انسان بيسرق علشان ياكل
وده موجود فعلا وماحدش يقدر ينكره
هو فين المصرى اللى كلمته بمليون عقد
كان زمان قبل ما يقولولنا ان
القانون لا يحمى المغفلين
هو فين المصرى الشهم فين النخوه والكرامه وعزة النفس
عندما نسكت عن حقوقنا
ولا نستطيع الدفاع عن انفسنا
فكيف نتكلم او ندافع عن حقوق الاخرين؟
راحت فين الضحكه الطيبه اللى نابعه من القلب
قتلتها الهموم ومشكلات الحياه اللتى لا حصر لها
ليه يا مصرى استسلمت للظلم والجبروت ليه خلتهم سدوا نفسك عن الحياه ليه اتغيرت واستسلمت يا شهم يابطل ليه نايم اصحى فوق فوق فوق بطل سلبيه وارجع تانى زى ماكنت
ايد لوحدها ما تسقفش
لو حطينا ادينا فى ادين بعض
نقدر نصحى ونفوق
لكننا احزاب والاحزاب طوائف ومجموعات
ياريت نبقى حزب واحد ونفكر فى بعض
ونحس ببعض ونفكر ازاى نرجع ونرجع بلدنا زى ما كانت
اجمل بلد فى الدنيا


مشكوره ايسل على موضوعك الرائع