هل يصمد مبارك أمام كل تلك العواصف؟

[هشام اللول1]

رائع يا هشام رائع جدا فهو فعلا حالنا
مسألة كرامة المصري وسمعته للأسف يا أخي تحت تحت بمعني آخر متدنية جدا جدا
يارب يارب أنت أعلم بما في قلوبنا
جزاك ربي الجنة هشام

وده للاسف فعلا يا محمد انه كرامتنا اتهدر بيه جوة البلد وبره البلد
علشان احنا ماسكنا حاكم لا يتقي الله في شعبه ولم يكن قد المسئوليه
ولم يكن قد الامانه التي سلمه له الشعب وهي اداره البلد

ولكن لنا الله هو حاكمنا وناصفنا
بارك الله فيك محمد وحفظك
ودمت بخير وسعاده وصحه وود

[هشام اللول1]

ما احنا اهو مش ساكتين بنتكلم ويطلع صوتنا فى المظاهرات
وايه اللى بيحصل فى الاخر قوات الامن المركزى تنهال عليهم
بالضرب والاهانات والقنابل المسيله للدموع
وانتو كلكم عارفين الامن المركزى
سبحان الله ناس معظمهم ولاد بلد وعايشين معاناة البلد
بس فى ايه معرفشى زى ما تقولو كده الحكومه عامللهم غسيل مخ وقلب كمان

لا يوجد حل غير قيام ثورة شعبيه
اما بالنسبه للحل ده هو ده اللى نتمنى انه يحصل فى ظل المعناه اللى بنعيشها
وفى الاخر نرجو من الله ان يرحمنا وينصرنا

اشكرك هشام

يا بوسي احنا في نفس الوقت مش عاوزين نظلم الامن المركزي
علشان زي ما انتي قولتي عايشين معاناه وماساه الشعب
وهما غلابه قووي بيتعلقوا بمكافاه 50 جنيه او اجازة 5 ايام بعد
ما يفتتوا المظاهرات لهم العذر
وانا شاء الله الثورة قريب جدا جدا
موعدنا في انتخابات مجلس الشعب

نورتي بوسي
بارك الله فيكي وحفظك
دمتي بخير وسعاده وصحه وراحه بال

[هشام اللول1]

بص يا اتش ازيك الاول ياحج

الحكومه اتعلمت حاجه واحده بس من اسرائيل البلاده يعني التنفيض يعني يسيبوك تطلع وتعتصم وتتظااهر لا وشوف حكمت ربنا يامؤمن يعدلك الدستور وينجح مبارك بنسبه 92% يعني مهما تعمل هيا هيا

تسلم ياحج دمت متميز

انا بخير الحمد الله ياحاج

يعني نقول سياسه البلد باجساد مصريه وعقول وتكتيك صهيوني بالضبط كده

طب فين بقي ياحاج الاجساد والعقول الشعب المصري
وبلاش قلوب الشعب المصري
علشان عارفه بيحن دايما في الاخر
قدام الحكم ده هنفضل كده مستنين كتير

نورت ياحاج متميزا بوجودك
بارك الله فيك وحفظك
ودمت بخير وصحه وعافيه وراحه بال وود

[هشام اللول1]

لا حول ولا قوة الا بالله
دلوقتي انتوا لبستوا مبارك الهجوم على اسطول الحرية
وبرضة تاني مشكلة المعبر
ياناس فتح مصر للمعبر بصفة دائمة يخدم المصالح الاسرائيلية ، لان في آخر اتفاقية تتعهد اسرائيل بالانسحاب من (اراضي) فلسطينية كلمة اراضي بالتنكير بمعنى اي ارض او اي جزء فلسطيني تنسحب منه اسرائيل يصبح ذلك هو الحل للقضية الفلسطينية ، بمعنى ان مصر لو فتحت المعبر بصورة دائمة واستمد القطاع احتياجاته عن طريق مصر سترفع اسرائيل يدها عن القطاع ويقولون انهم نفذوا الاتفاقية وانسحبوا من الاراضي الفلسطينية وتضيع القدس وتضيع الضفة بالكامل .

باختصار ينبغي علينا عدم النظرة الجزئية للموضوع ، المشكلة مشكلة فلسطين بالكامل مش مشكلة غزة بس ، وذلك ما تريده اسرائيل تلهينا وتشغلنا بغزة ، علشان ننسى القدس والقضية الفلسطينية بالكامل .

وللاسف اللي صاحي وعارف اللي بتعمله اسرائيل ده وفاهم الاعيبها هو مبارك ، اللي هوه بيمثل اكبر عقبة بالنسبة لاسرائيل واللي بتتمنى رحيله النهاردة قبل بكرة ، وللاسف احنا مش فاهمينه وبنتمناله اللي بتتمناه اسرائيل واعدائنا .

( لا كرامة لنبي في قومة )

ارجو ان تكون وجهة نظري واضحة
وآسف للاطالة
وشكر هشام

يعني لو فتحنا المعابر الغزاويين هيرحلوا علي سيناء
واسرائيل يبقي حاطت ايديها علي غزة واصبحت ارض اسرائيليه
فهمتك انا ياحاج

لا نسيبهم بدون اكل ومياه وسلاح وفي الاخر عداد الموت شغال عليهم وتلاقيهم سنتين او تلات ويخلصوا لحد ما الرئيس بتاعنا ياخد موقف جد ويتحرك
طب ليه ميتحركش دلوقتي يهدد بالحرب ولا هيفضل رجل السلام وفي الاخر برده مش هياخد نوبل للسلام
بيضحك عليه بقي

يابركودا احنا المنفذ الوحيد لغزة حرام علينا نقفلوا في وجههم واسرئيل تخلص عليهم من هناك عندهم

وحسني مبارك لعيب بس بيلعب معاهم في فريق واحد ضدنا احنا يا عرب ((( بغير اسف ))) انا عارف بقول ايه

ياريت وجهه نظري وردي يكونوا واضحوا برده

نورت يا بركودا ودايما منورني والله وبدعيلك
بارك الله في وحفظك

[هشام اللول1]

تسلم يا هشام على طرحك للموضوع

و اعتقد ان مبارك صاااااااااااامد

و هيصمد

عشان الشعب ساااااااااااااكت

و عشان النظام بيستمد قوته و بقاءه من استعمال الأمن فى كل شيئ

من الآخر كده

سيبقى الحال على ما هو عليه إلى أن يأذن الله

الناس عشش جواها الخوف

و مات فيهم الاحساس بالحريه و التعبير عن الرأى و المطالبه بالحقوق المشروعه

كل همهم الحصول على قوت يومهم و للأسف مش قادرين يحصلوا عليه

تسلم يا هشام

و بارك الله فيك

صدقت والله يا وليد
طب لو افترضنا انه الراجل مات او مش هينزل الانتخابات
الناس برده هتفضل خايفه كتير كده

ده موت عندك حق والله
علشان هيخافه علي ايه قوت يومهم اللي مش لاقيينه
ولا ولادهم اللي بيضيعوا بسبب البطاله والمخدرات
مفيش حاجه يتخاف عليه دلوقتي
فعلا الناس مات احساسه بكل اللي حواليه

تسلم يا وليد نورت ياحاج
بارك الله فيك وحفظك