إعملى عيش بيتى يجنن

[نور الحرف]

إعملى عيش بيتى يجنن

كل يوم بنشيل هم طابور العيش ومين النهارده اللى عليه الدور يجيب العيش ويقف فى طابور الفرن.
النهاردة أنا جايبة لكم طريقتى فى عمل العيش البيتى ( مجربة من 10 سنوات وحتى اليوم)

المقادير
2كيلو دقيق (2 شفشق بلاستيك كبير )
3/4 كيلو ماء( 3/4 شفشق )
1/2 ملعقة كبيرة ملح
20جرام خميرة بيرة
1/2كيلو ردة ناعمة ( نقطع عليها العيش)
الطريقة
1-نحضر اناء كبير ونذيب فيه الملح فى الماء ونضع الخميرة مع التقليب الجيد.

2-نضيف الدقيق ونقلبه جيدا فى الخليط حتى نحصل على عجينة متوسطة السُمك.
3-يغطى العجين بكيس بلاستيك أولا ثم بغطاء حتى يخمر ( حوالى ساعتين ).
4-يقطع العجين قطع صغيرة حوالى 30جرام وذلك على الردة المنخولة على صينية أوترابيزة.
5-نفرد قطعة العجين باليد ثم بالمردنة حتى تصير مدورة وفى حجم رغيف العيش العادى.
6-يخبز فى فرن متوسطة الحرارة.

وبالهنا والشفاء

ملحوظة( هذه المقادير تعمل حوالى من 20الى 25 رغيف)

[محيى زقزوق]

فعلا معاك حق يروح هم الطابور بس المشكلة فى اخواتنا
ياترى يعرفوا يفردوا العجينة ويدخلوها الفرن
ولا بيطلع العيش شكل تانى غير ايللى انعرفوا
عموما اختى نور
ياريت نقدر نعمل العيش فى البيوت مثل الاول
والله له طعم ولون ويتاكل من غير اى مساعدة
مش زى خبز الافران بدل منقول
بسم الله الرحمن ارحيم
نبص للعيش ونقول استغفر الله العظيم
يالا طولت عليك
تقبلى تحياتى