لمن ستصوت فى انتخابات الرئاسه 2011

[دره]

بص يا عمر مع احترامى ليك وعلى الرغم من ان كلامك موضوعى
انت اه عشت فى الصعيد وفاهم انا بردو مش بنت ذوات احنا قريه اصلا ابتدينا من الصفر ويمكن اقل من الصفر
وشفت حجات كتير اوى واتعلمت منها كتير وفهمت وعرفت وناقشت يعنى عندى خبره شويه
وانا فاهمه كلامك بس معلش يعنى انا عندى اموت ومقبلش الاهانه
طيب مانا بدل ما اهلل واشجب واحيي انا اللى ابنى وطن هادى مش غيرى اللى يخطط وانا انفذ
وعلى فكره انا مش بهلل لحزب الله ولا مقتنعه بيهم اساسا دول كيان بدعوه اليهود
ودا مش جديد
ولا بردو برشح للبرادعى حب فيه لا امل وميمنعش انه لو غلط اقول لا لو هو غلط

بس لدلوقتى هو مغلطش ومبدا ان اللى ييجى هيهد العلاقه بين مسلمين ومسيحيين مين قال كده
مش مبارك اللى مهدى المسيحيين لا دا البابا هو عباره عن حاكم للكنيسه يعنى ماسك الكنيسه سياسيا مش مبارك
وانا لا مع مبارك
ولا البرادعى لو ظلم
ومش كل من قال كلمه وحشه عن امريكا او اسرائيل اهلله لا دا احترس منه
مع احترامى لرايك
اسفه على الاطاله

[Sezer]

بصو يا شباب
اولا شكرا لكل الى شاركوا وتفاعلو مع الموضوع
وكل واحد اكيد خايف من الايام الجايه
اكيد فى مشاكل كتير هتحصل
بس اخر حاجه ممكن الواحد يخاف منها هى الفرقه او الانقسام
لان سيدنا محمد عليه افضل الصلاة والسلام قال
( إذا فتح الله عليكم مصر فاتخذوا فيها جندا كثيفا ، فذلك الجند خير أجناد الأرض . فقال له أبو بكر : ولم ذلك يا رسول الله ؟ قال : لأنهم في رباط إلى يوم القيامة )
وهنلاقى فى اغلب الدول العربيه صراعات داخليه وبين مسلمين ومسلمين
ولكن هنا فى مصر الحمد لله
المسلمين والاقباط عايشين حياتهم بسلام ومفيش مشاكل
رغم المحاولات الخراجيه فى اثارة الفتنه بينهم
ولما يكون فى بدايه فتنه
تقرا فى الجرايد وفى نفس الوقت
ان فى واحد مسلم مات وهو بينقذ جاره قبطى من حريق
وانا فى اربعه من الاقباط ماتو وهم بينقذوا واحد مصرى مش فاكر من ايه
فطمنوا نفسكوا
واحمدو ربنا ان احنا مصريين
وعلى فكره انا اديت صوتى للبرادعى ومستبشر فيه خير ان شاء الله


واسف للاطاله

[هشام اللول1]

انا اصوت للبرادعي لانه يسعي الي التغيير الجاد

ومع احترامي للراي الاخ عمر البرديسي وتقديري لكلامه
احنا عمرنا ما سمعنا عن فتن بين المسيحين والمسلمين
غير في عهد الرئيس مبارك

والاعداء المتربصين هما خايفين من مبارك
لا دول خايفين من الجيش المصري

ومين اللي دخل الشيعه مصر
ومين اللي عمل للصوفيين نقابه ومكانه

مع احترامي لكل كلامك
الرئيس مبارك هو وصل مصر
الي دوله ليس لها مكانه
داخل الشرق الاوسط
وداخل الدول العربيه وداخل دول حوض النيل

وركب اسرائيل وامريكا علي اكتافنا

اشكرك اخي سيزار علي هذا الموضوع الجميل

[omaro]

مع احترامى لكلام الجميع وارائهم
لكن حرية الرأى مكفوله
انا ضد البرادعى صراحة
اقولكم اسبابى وياريت تفكروا فيها
اولا: البرادعى من سنة 1997 وحتى سنة 2009 وهو مدير عام الوكالة الدوليه للطاقة الزرية ودى طبعا منظمة دوليه احب اعرفكم ان الموظف الدولى يكون الولاء عنده للمنظمة مش للدوله اللى هو بينتمى اليها يعنى البرادعى قعد 12 سنة ولاءه للوكالة الدوليه للطاقه الزرية مش لمصر
ودا طبعا معروف عن اى موظف دولى مش البرادعى بس
ثانيا : البرادعى من 1984 وهو بيعمل دكتور بأحد الجامعات الامريكية
يعنى من 1984 لغاية 1997 وهو بيدرس فى جامعات امريكية بيدرس ارائهم وافكارهم بطريقتهم هما بيدرس اللى هما عايزينه وطبعا كلنا عارفين هما عايزين ايه
يعنى لو زى ما بيتقال عن الرئيس مبارك انه امريكا اللى بتمشيه على مزاجها ولو انا افترضت معاكم جدلا الكلام دا صح فأنا بقولكم ان الرئيس مبارك بقى بيمشى حسب كلام امريكا بعد ما تولى الرئاسة انما البرادعى عايش فى حضنهم وهما اللى بيمشوه من زمان على ارائهم وافكارهم
ثالثا : يعرف ايه البرادعى عن مصر من قبل 1984 وهو عايش فى امريكا يعرف ايه عن مصر ولا عن احوالها
ياريت نفكر بموضوعيه على الاقل مش مبارك بس واحد يكون عارف ايه عن مصر ولا عن شعب مصر
رجاء نفكر بموضوعية

[ELBRNSISA ESRAA]

ميرسى جدا على التوبك بس انا مش حقدر لانى مش ليا فى السياسة

[نشوى احمد]

لو مكنش مبااااااااااااااااااااااا اااااااارك فصوتنا لجمال
وجمال على حق

[رفيدة م]

عادى انا عن نفسى مليش فى السياسه بس انا شيفه ان جمال اولى بيها لان سنه صغير ولسه العمر ادامه

[thesniper_12007]

اجمل حاجه الواحد يصوت على مصر

يا مصر ايه بهدلك دا الشعب مستكفي
كفايه جاله الشلل والكل متوفي
ميت ومات الطريق تحت الخطى بكيلو
حرام عليكي يا بلد عُشر اللي فيه يكفي

تقبلو تحياتي

[البنت الجديده 1]

شكرا جدا علي الموضوع
انا اوافقك ياعمر الراي ولو مش مبارك يبقي جمال

[roro_rawan]

اجمل حاجه الواحد يصوت على مصر

يا مصر ايه بهدلك دا الشعب مستكفي
كفايه جاله الشلل والكل متوفي
ميت ومات الطريق تحت الخطى بكيلو
حرام عليكي يا بلد عُشر اللي فيه يكفي

تقبلو تحياتي

بجد كلامك حلو خالص
وياريت تقبل ردى علىك