ليه يعنى كده هما مش زينا؟؟!!

[مونه]

أيوه ليه يعنى كده.ليه الواحد أو الواحده
لما يكون ليهم قرايب بيشتغلوا فى النظافة
اللى هما يعنى (عمال البلديه)بتستعرو منهم
علشان يعنى وظيفتهم ويسلام لو الواحد أو الواحده
ماشيه مع أصحابها وبالصدفه شافت قريبها ده وقت
شغله ماسك المكنسه وعمال يلم فى الأوساخ تلاقيها
وشها جاب الألوان الطبيعيه كلها من كتر الخوف
والدم نشف فى عروقها لحد من أصحابها يعرفو إنه قريبها
ليه يعنى كده؟
مش هما برضه ناس زيهم زينا؟
مش لحم ودم زينا برضه؟
مش عندهم إحساس ومشاعر وكرامة؟
مش عندهم كمان عزة نفس؟
دول كمان عندهم شرف وأمانه فى الشغل عننا؟
ليه يعنى كده؟
بس علشان بيشتغلوا فى البلديه؟
أيه يعنى عيبهم.والله ولا حاجه
يعنى كده أحسن ولا يسرقوا وينصبوا على الناس؟
والله هذا حصل أمام عينى!
كُنا ماشين مره مجموعة بنات مع بعض ومن ضمن البنات
واحده والدها من عمال البلديه وإحنا أغلبنا عارفين
والدها بس كان فيه بنات مش عارفها فلما شفنا والدها
حبينا نقولها بس والله بنيه عاديه يعنى راحت البنت صرخة
فينا وقامت قايله ده مش أبويا ولا عايزه أعرفه
والله بنفس الكلمه والحرف كده.
سبحان الله ولا حول ولا قوة إلا بالله العلى العظيم.
ليه كده يعنى؟
علشان بينظف بلدك؟
علشان بيجيب فلوسه بعرق جبينه؟
علشان بيصرف عليكى وبيكبرك؟
علشان بديكى فلوس تخرجى مع أصحابك؟
وبعد كده تتبرى منه قدامهم؟
علشان بيلم وساخه من على الأرض؟
إنتى وأصحابك أصلاً اللى عملتوها؟
بجد بجد حاجه محزنه للغايه.
طيب لو أنت أو أنتى كان فيه حد قريبكم كده
كنتم ها تعملوا أيه لو قابلكم مره بصدفه
وقت عمله وكان معاكم أصحابكم؟
ياترى؟
هاتلف وترجع من شارع تانى ؟
ولا هاتعمل نفسك ولا كأنك تعرفه؟
ولا عادى ها تكلمه وترحب بيه قدام أصحابك؟
بالله عليكم عايزه الردود بكل صراحه
وبكل مصداقيه ماشى
وكمان بكل واقعيه

[A7med elsayed]

ده مش أبويا ولا عايزه أعرفه
والله بنفس الكلمه والحرف كده.

سبحان الله ولا حول ولا قوة إلا بالله العلى العظيم

أتكسف مثلا عشان والدى شغال فى البلديه
ليه يعنى ؟
ولنفترض أنا مهندس , دكتور , محاسب
مين اللى تعب علشانى وخلانى أوصل للى انا فيه
يا ترى يبقى جزاءه إنى أتبرأ من عمله !!!
لا حول ولا قوة إلا بالله

بكل مصداقيه لو قابلتى حد قريبى شغال كدا
عادى جدا ولم محتاج مساعده هساعده طبعا

أقؤلك هاتى ليا أنا شخصيا شغلانه فى البلديه دلوقتى وانا هروح
هو حد لاقى شغل يا بنتى

تسلمى يا أمونه أحسن من مونه

[bosy_na]

ليه يعنى كده؟
بس علشان بيشتغلوا فى البلديه؟
أيه يعنى عيبهم.والله ولا حاجه
يعنى كده أحسن ولا يسرقوا وينصبوا على الناس؟

مش احسن اما يتجه للحرام وصاحباتها يقولولها

ابوكى بيأكلكو من الحرام ساعتها هتقولهم ايه

هتصرخ برده فى وجههم وهتقلهم مش ابويا ولا اعرفه

ولا هتقولهم احسن ما يشتغل فى البلديه

طيب افرضى مش ليكى أب هتواجهى العالم اللى احنا

فيه حاليا ازاى

وفى الاخر ربنا يهديكى ويهدى اللى بيفكرو بنفس

تفكيرك

اشكرك يا مونى ع الموضوع وياريت توصلى الكلام ده

للبنت دى وربنا يهديها

[دره]

بصى يا مونه انا هحكيلك على حاجه
"فى مره وانا فى 2 اعدادى كنت واقفه فى الطابور وجنب المدرسه كان فى ارض زراعيه وبيشتغل فيها اعظم راجل اللى هوا ابويا حبيبى كان بيظبت النخل هناك وبتلفت كده لقيته فى وشى ونظره عينه سؤال انا هيبقى رد فعلى اه لما شفته وكنت فى وسط صحابى وبعفويه لقتنى بشاورله وببضحك اوى وصوتى على وانا بقول بابا حبيبى ازيك دا على الرغم انى لسه شايفاه فى البيت المهم ضحك ضحكه لسه فى هنى لدلوقتى وشاورلى وفجاه لقيت واحده زميلتى بتقولى دا والدك باستنكار فرديت عليها وقولت اه دابابا حبيبى فكررت السؤال اكتر من مره كان نفس ردى اه المهم انها دلوقتى لو شافتنى فى الشارع بتكرر نفس الكلمه وتقول" انتى اكتر واحده بحترمها ولولا ردك زمان كنت استحقرتك "
انا عارفه انى رغيت جامد بس البنت اللى حكيتى عليها مخدتش غير غضب ربنا ووالدها واستحقار صحابها ليها واستحقارها لنفسها
كفايه كلام علشان واضح انك صدعتى
مونه حبيبتى بااااااااااااااى

[هشام اللول1]

بجد والله حاجه محزنه يامونه
مقدرش اقول غير
اللي مش ليه خيرفي ابوة وامه
مش له خير في حد

وربنا يهديي

ونصيحه ليه او لغيره بنفس التفكير
لو مستعاره من ابوة او امه من شغلهم
تقعد في البيت ومطلعتش منها

شكرا يامونه علي قضاياك الجميله دي
بارك الله فيكي وحفظك ورعاكي
دمتي بخير وصحه وسعاده وراحه بال وود

[آية الرحمن]

لا حول ولا قوة الا بالله
يعنى عامل البلدية دا مش هو الى
وصلها لكدة مش هو الى صرف عليها
وعلمها مش هو الى خلاها انسانة
وليها كيان مش هو الى صرف عليها
وخلاها تلبس احلى لبس الى بتفتخر
بية قدام اصحتبها دول مالو عامل البلدية
ما هو انسان بيتعب علشان خاطر اولادة
اختار انة يكون كدة احسن ما يكون حرامى
ونصاب يعنى هو كدة وترفع راسها بشغلتة
ولا لما يكون حرامى ونصاب والناس كلها عارفة
اية الاحسن اية الى يدعوها للافتخار اكتر
ربنا يهدى البنت دى لانها مش هتكسب اى حاجة
من الى عملتوا دا بالعكس هتسقط فى نظر اصحابها
وهتكسر ابوها الى صرف عليها ورباها وفوق كل
ربنا مش هيكون راضى عنها
بجد والله انا لو مكان البنت دى
كنت اجرى علية واحضة ولو اقدر
كنت اخت منة المكنسة دى وكنست
انا بدالة يبقى على الاقل احاول ارد ولو
جزء صغير من الى بيعملوا ليا
وامشى وافتخر بية وارفع راسى واقول دا ابويا

[ايسل]

بصى يا منى كل اللى سبقونى اتكلموا وابدعوا وكلامهم كله صحيح بارك الله فيهم بس انا هتكلم من ناحيه تانيه.....
انا وانتى وناس كتير عارفين ان احنا المصريين بالنسبه لينا كلمه زبال دى شتيمه بأمارة ان لما حد يجى يشتم حد بيقولوا يازبال وعامل النضافه بيقولوا عليه الزبال ليه قبل ما نلوم على البنت دى
اللى ممكن تكون عملت كده علشان عارفه نظرة الناس لعامل النظافه ليه ما نلومش على نفسنا الاول ونحترم كل شغله شريفه زبال ،عامل مجارى
سباك مكوجى وكتير كتير لازم المجتمع لما يتكلم عليهم يكلم بفخر عنهم واحترام ليهم لأنهم بالفعل اشرف من ناس كتير بهوات على الاقل قبلوا بالشغله دى وبالبهدله وما شتغلوش مثلا تجار مخدرات وقتها بس ولادهم هيشوفوا النظره اللى فى عنيننا هما اللى هيشاوروا ويقولوا ده ابونا
يعنى الغلط فى اعتقادى مش فى صاحبتك بس بل فينا ايضا موضوعك مهم جدا النقاش فيه مونه دمتى متألقه عزيزتى

[مونه]

ده مش أبويا ولا عايزه أعرفه
والله بنفس الكلمه والحرف كده.

سبحان الله ولا حول ولا قوة إلا بالله العلى العظيم

أتكسف مثلا عشان والدى شغال فى البلديه
ليه يعنى ؟
ولنفترض أنا مهندس , دكتور , محاسب
مين اللى تعب علشانى وخلانى أوصل للى انا فيه
يا ترى يبقى جزاءه إنى أتبرأ من عمله !!!
لا حول ولا قوة إلا بالله

بكل مصداقيه لو قابلتى حد قريبى شغال كدا
عادى جدا ولم محتاج مساعده هساعده طبعا

أقؤلك هاتى ليا أنا شخصيا شغلانه فى البلديه دلوقتى وانا هروح
هو حد لاقى شغل يا بنتى

تسلمى يا أمونه أحسن من مونه

بجد أحمد جزاك الله خيراً كم أسعدنى
هذا المرور الرائع منك حقاً
وكل كلمه أنت قولتها أكيد
طبعاً عندك كل الحق فيها
بارك الله فيك أخى
وعلى فكره إسم أمونه جميل جداً
وده كان أصدقائى فى ليبيا
بيندهولى بيه مرسى

[مونه]

ليه يعنى كده؟
بس علشان بيشتغلوا فى البلديه؟
أيه يعنى عيبهم.والله ولا حاجه
يعنى كده أحسن ولا يسرقوا وينصبوا على الناس؟

مش احسن اما يتجه للحرام وصاحباتها يقولولها

ابوكى بيأكلكو من الحرام ساعتها هتقولهم ايه

هتصرخ برده فى وجههم وهتقلهم مش ابويا ولا اعرفه

ولا هتقولهم احسن ما يشتغل فى البلديه

طيب افرضى مش ليكى أب هتواجهى العالم اللى احنا

فيه حاليا ازاى

وفى الاخر ربنا يهديكى ويهدى اللى بيفكرو بنفس

تفكيرك

اشكرك يا مونى ع الموضوع وياريت توصلى الكلام ده

للبنت دى وربنا يهديها

مرسى ليكى بوسى على المرور والكلام
الكبير والجميل ده وأكيد طبعاً
ها وصلها الكلام ده
جزاكى الله خيراً

[مونه]

بصى يا مونه انا هحكيلك على حاجه
"فى مره وانا فى 2 اعدادى كنت واقفه فى الطابور وجنب المدرسه كان فى ارض زراعيه وبيشتغل فيها اعظم راجل اللى هوا ابويا حبيبى كان بيظبت النخل هناك وبتلفت كده لقيته فى وشى ونظره عينه سؤال انا هيبقى رد فعلى اه لما شفته وكنت فى وسط صحابى وبعفويه لقتنى بشاورله وببضحك اوى وصوتى على وانا بقول بابا حبيبى ازيك دا على الرغم انى لسه شايفاه فى البيت المهم ضحك ضحكه لسه فى هنى لدلوقتى وشاورلى وفجاه لقيت واحده زميلتى بتقولى دا والدك باستنكار فرديت عليها وقولت اه دابابا حبيبى فكررت السؤال اكتر من مره كان نفس ردى اه المهم انها دلوقتى لو شافتنى فى الشارع بتكرر نفس الكلمه وتقول" انتى اكتر واحده بحترمها ولولا ردك زمان كنت استحقرتك "
انا عارفه انى رغيت جامد بس البنت اللى حكيتى عليها مخدتش غير غضب ربنا ووالدها واستحقار صحابها ليها واستحقارها لنفسها
كفايه كلام علشان واضح انك صدعتى
مونه حبيبتى بااااااااااااااى

أولاً أنا عمرى ما أصدع منك يعنى
إتكلمى براحتك خالص أنا عندى
يعنى كام أسماء هى واحده بس
ثانياً ياريت كل حد بيفكر كده زيك
بتواضع ومصداقيه مكنش حد غُلب
وعلى فكره إحنا فعلاً لما سمعنا كده منها
بقينا فى ذهول تام من الموقف ومن كلامها
وفعلاً اللى كده الناس بتحتكره
شفتى أنا كده اللى ها صدعك ولا أيه
سلالالالالالالالالالام يا بنتى قبل ما تدعى عليا